________________
5
10
२१२]
[ सविवरणं धर्मोपदेशमालाप्रकरणम्
अण्णदियहम्मि पयट्टो सिद्धत्थसत्थवाहेण सह रायगिहं ति ।
"गणिमं धरिमं मेयं पारिच्छं एवमाइयं भंडं । घेणं लाहट्ठी जो वच्चइ अण्णदेसम्म ॥
निवसम्मओ बहुमओ दीणाणाहाण वच्छलो लोए । सो सत्थवाहनामं घणु व्व लोए समुव्वहइ" ॥
तओ करेंतो परत्थ-संपाडणं, निरूवंतो सुहियदुहिए, वट्टतो महाणुभावत्तणं गंतुं पयत्तो । इंदनागो वि अव्वत्तवेसधारी गओ से आवासे भिक्खाए । दवाविओ घयगुलसारो पिंडो त्ति । अवि य
“वड्ढियनयणाणंदो ससुगंधो नेहसंगओ महुरो ।
पियकामिणिदेहो विव संपत्तो तेण सो पिंडो" ॥
तदुवओगेण य पत्तो तइयवासरे । सत्थाहेण चिंतियं - नूणमेगंतरियाओ जेमेइ, तेण कल्लं न आगओ । तओ अच्चंतनेहावगाढो दवाविओ पुणो वि पिंडो । तदुवओगेण य छट्ठोववासो पत्तो से वसहिं । 'अहो ! महाणुभावो एस तबस्सी' भावसारं पणमिऊ पडिलाभिओ विचित्ताहारेम । तदुवओगेण य पत्तो चउत्थदिवसाओ एवं जाव मास15 खमगो जाओ । तओ भणिओ सत्थवाहेण - 'जाव पुरं न पत्तो, ताव मम हाओ नत्थ भिक्खट्टा गंतव्वं' । कमेण य पत्तो रायगिहं । कराविओ निययघरासन्ने मढो सत्थवाहेण । तओ मुंडाविऊण सीसं नियंसियाणि कासायवत्थाणि । जाओ लोयविक्खाओ । जणवो य परमभत्तीए अण्णपाणवत्थोसहाईहिं उवयरिउमाढत्तो । जद्दिवसं च पारेइ, तद्दिवसं सव्वो वि लोगो गहियाहारो दुवारट्ठओ पडिवालेंतो चिट्ठइ । 20 एकस्स भोयणे गहिए सेता (सा) नियत्तंति । अओ सेसलोगजाणणत्थं भोयणे गहिए
भेरी वादिज्जइ, सोऊण से सद्दं लोगा नियत्तंति । एवं वच्चंते काले, अण्णया समुप्पण्णकेवलनाणो चोद्दससमणसहस्साणुगम्ममाणो समोसरिओ गुणसिलए उज्जाणे वद्धमाणसामी । कयं देवेहिं समोसरणं । वद्धाविओ सेणिओ तित्थगरागमणेण य निउत्तपुरिसेहिं । समुप्पण्णहरिसेण य दवावियं तेण महादाणं । पयट्टो महाविच्छड्डेणं 25 भगवओ वंदणवडियाए । पत्तो समोसरणं । वंदिओ अणाचिक्खणीयमाणंदसुहमणुहवंतेण तित्थयरो सहाभया [इ] एहिं । अवि य
D:\mala.pm5\2nd proof
