________________
२१०]
[सविवरणं धर्मोपदेशमालाप्रकरणम् खिप्पमेव अडवी लंघिज्जइ । लंघिऊण य तमेगतंदोगच्चाइवज्जियं पसत्थं सिवपुरं पाविज्जइ । तत्थ य न हवंति पुणो किलेसाइणो । इमं निसामिऊण के वि तेण य सह पयट्टा, उज्जुगेण पहाविया, अण्णे पुण इयरेण । तओ सत्थाहो पसत्थवासरे हाओ य
विलित्तालंकिओ तक्कालाणुरूवनिव्वत्तियासेसपत्थाणमंगलोवयारो उच्चलिओऽणु5 गम्ममाणो अणेगेहिं लोगेहिं ति । अवि य
"दाणं दितो वच्चइ महागइंदो व्व पणयभमराणं ।
आणंदियजियलोओ महाबलो एस सत्थाहो" ॥ वच्चंतो य आलिहइ, सिलाइसु पंथस्स दोसगुणपिसुणगाणि अक्खराणि, लिहइ "एत्तियं गयं, इत्तियं सेसं' ति । एवं च तस्स जे निदोसवट्ठि(ट्टि)या, ते तेणेव समं 10 अचिरेण तं पुरं पत्ता । जे वि लिहियाणुसारेण सम्मं गच्छंति, ते वि पावेंति । जे ण
वट्टिया, न वटुंति, छायाइ पडिसेविणो ते ण पत्ता, ण पावंति । एस दव्वाडवीदेसगदिटुंतो।
इयाणि [८६] भावाडवीदेसदिटुंतो जोइज्जइ-सत्थवाहथाणीओ तित्थयरो । घोसणाथाणीया धम्मकहा । कप्पडियसमाणा जंतुणो, अडवीसरिसो संसारो । उज्जुगो 15 साहुमग्गो, वंको सावगपंथो । पप्पपुरथाणीओ मोक्खो । वग्घसिंघतुल्ला रागद्दोसा,
मणोहरच्छायाथाणीयाओ इत्थिपसुपंडगसंसत्ताओ वसहीओ । परिसडियासरिसाओ निरवज्जा वसहीओ । मग्गतडट्ठियहक्कारणपुरिससरिसा पासत्थाइणो अकल्लाणमित्त त्ति । अवि य
__ "पासत्थो ओसण्णो होइ कुसीलो तहेव संतत्तो । 20
अहछंदो वि य एते अवंदणिज्जा जिणमयम्मि" ॥ [गु.भा./१२] सत्थिगसरिसा साहुणो त्ति ।
"असहाइसहायत्तं करिति मे संजमं करेंतस्स ।
एतेण कारणेणं नमामि हं सव्वसाहूणं"॥ दवग्गिसरिसो कोहो, पेव्वयउवमो माणो, वंसकुडंगिसरिसा माया, खड्डोलग25 सरिसो मणोरहाहिट्ठिओ लोहो, सो य पूरिज्जमाणो वित्थरइ त्ति ।
१. ह. संत° । २. ह. क. पव्वइओ विब्भमो ।
D:\mala.pm5\2nd proof
