Page Text
________________
द्रव्याटव्यां धनसार्थवाहकथा]
[२०९ [८५. द्रव्याटव्यां धनसार्थवाहकथा ] समत्थगुणविभूसियं वसंतउरं नयरं । तत्थ जियसत्तू राया । दीणाणाहवच्छलो संपत्ततिवग्गसुहो परोवयारनिरओ बंधवकुमुयागरससी धणो नाम सत्थवाहो । सो देसंतरं गंतुकामो पाडहियं भणइ–'भद्द ! उग्घोसेसु तियचउक्काईसु , 'जो धणेण सह वच्चइ, तस्स इमओ गमाओ जाव इट्ठपुरं, एयम्मि अंतरे असणाइणा अक्खूणं काहि' 5 त्ति । एवं सोऊण पयट्टा अणेगे समण-बंभण-वणियाइणो । ताणं च मिलियाणं पंथस्स गुणदोसे सत्थाहो कहिउमाढत्तो–'इह खलु देवाणुप्पिया ! इट्ठपुरस्स दोन्नि मग्गा वच्चंति, एगो उज्जुओ, [बीओ] कुडिलो । इमिणा य मणागं सुहेण गम्मइ, बहुणा कालेण इच्छियं पुरं पाविज्जइ, अवसाणे य सो वि उज्जुगं समोयरइ । पढमेण पुण सिग्घं गम्मइ, किं तु किलेसेण, जेण सो अच्चंतविसमो सण्हो य । तत्थ पत्थारे 10 चेव दोन्नि महाघोरा वग्घसिंघा निवसंति, ते अभिक्खणमुवद्दविति, मग्गट्ठियाण य न परभवंति, अवसाणं च जाव अणवदति । रुक्खा य एत्थ एगे मणोहरा, तेर्सि छायास वि न वीसमियव्वं, मारणपिया खु सा छाया । परिसडियपंडुपत्ताणं पुण अहो मुहुत्तगं वीसमियव्वं ति । मणोहररूवधारिणो महुरवयणा य एत्थ मग्गे तडट्ठिया बहवे पुरिसा वाहरंति, तेसिं वयणं न सोयव्वं । सत्थिया य खणं पि न मोत्तव्वा । जेणेगागिणो 15 नियमा भयं । दुरंतो य थेवो दवग्गी अप्पमत्तेहिं ओल्हवियव्वो। अणोल्हविज्जमाणो नियमा डहइ । पुणो य दुग्गु व्व पव्वओ उवउत्तेहिं लंघेयव्वो । अलंघणे नियमा मरिज्जइ । पुणो महई अइगुविला गहव्वरा वंसकुडंगी लंघियव्वा, तत्थ ट्ठियाणं बहवे दोसा । तओ लहुगो खड्डलगो, तस्स समीवे मणोरहो नाम बंभणो निच्चं संनिहिओ चिट्ठइ । सो भणइ-'इमं खंडं(खड्डु) मणागं पूरेह', तव्वयणं न सोयव्वं, सो 20 पूरिज्जमाणो महल्लयरो भवइ । पंथाओ य चलिभज्जिज्जइ । फलाणि य एत्थ दिव्वाणि पंचप्पगाराणि नयणाणं सुहंकराणि किंपागरुक्खाणं न पेच्छियव्वाणि, न भोत्तव्वाणि, जेण मरणंतियाणि ताणि बावीसई तेणं इत्थ घोरामहाकराला पिसाया खणं खणमभिवंति. ते वि न गणेयव्वा । भत्तपाणं च नत्थि. विभागलद्धं विरसं थेवं च । अप्पयाणं च न कायव्वं । राईए वि जामदुगं गंतव्वं । एवं च गच्छंतेहिं देवाणुप्पिया ! 25
१. ह. क. अणस्साइ । २. ह. क. "हियपंचु ।
D:\mala.pm5\2nd proof
| SR No. | 009624 |
| Book Title | Dharmopadeshmala prakaranam |
| Original Sutra Author | N/A |
| Author | Jaysinhsuri, Chandanbalashree |
| Publisher | Bhadrankar Prakashan |
| Publication Year | 2010 |
| Total Pages | 418 |
| Language | Sanskrit |
| Classification | Book_Devnagari & Religion |
| File Size | 2 MB |