Dharmopadeshmala prakaranam

SR No.: 009624
Original Sutra Author: N/A
Author: Jaysinhsuri, Chandanbalashree
Publisher: Bhadrankar Prakashan
Publication Year: 2010
Total Pages: 418
Language: Sanskrit
Classification: Book_Devnagari & Religion
File Size: 2 MB

Page 193

दाने शालिभद्रकथा]
[१३७ वीसत्थयाए भवणुज्जाणे चामीयरवावीसु धाराजलजंतपओगेण अभिरमंतस्स अइसंभमेण पडियं मुद्दारयणं राय(इ)णो । तरलच्छं च णियंतस्स भद्दाए भणिया दासचेडी'संचारेसु अण्णत्थ मज्जणवावीए जलं' । तहा कए से रयणसुवन्नयस्स मज्झे दिटुं इंगालसरिसं । विम्हिएण पुच्छिया राइणा-'किमेयं' ? । चेडीए भणियं-सालिभद्देण वहूहि य उज्झियाणि देव्वाणि रयणसुवन्नयाइयाणि । 'अहो ! कयत्थो एस 5 सालिभद्दो, जस्सेरिसी महिम' त्ति भणंतो अहिणंदिऊण गओ निययगेहं । इओ य समोसरिओ धम्मघोसाभिहाणो आयरिओ । गओ से वंदणवडियाए राया, सालिभद्दो य महाविच्छड्डेणं । निसामिओ साहुधम्मो, भावियं संसारासारत्तणं ति । अवि य- "नारयतिरियनरामरगईसु परमत्थओ सुहं नत्थि । अच्चंतनिराबाहं मुत्तिसुहं निरुवममणंतं ॥
10 मोत्तूण साहुधम्मं लंभोवाओ इमस्स जं नत्थि ।
ता तम्मि चेव जत्तो कायव्वो किमित्थ सेसेहिं ?" ॥ ततो हिययनिहित्तचारित्तपरिणामो परिकम्मणानिमित्तं वंदिऊण सूरिणो पविट्ठो णयरं सालिभद्दो । कहियं भद्दाए । ततो अणेच्चाइभावणापरूवणेण नियत्ताविओ भद्दाए सह वधूयाहिं संसारपडिबंधो । अन्नदियहम्मि सुहासणत्थो विन्नत्तो तित्थय- 15 रागमणेण धम्ममित्तेण एसो । दिन्नं से पारिओसियं । महाविच्छड्डेण गओ भगवओ वंदणवडियाए। भावसारं च वंदिओ महावीरो । निसामिओ साहुधम्मो । विरत्तसंसारसुहेण य भणियमणेणं-'भगवं ! जाव जणणि पुच्छामि, ताव ते पायमूले करेमि चरणपडिवत्तीए सफलं मणुयजम्म' । भगवया भणियं-'देवाणुप्पिया ! मा पडिबंधं कुणसु' । गओ एसो। पुच्छिया जणणी सह बंधवेहिं । दिन्नं आघोसणापुव्वयं दाणं। 20 कया सव्वजिणाययणेसु अट्ठाहियामहिमा । सव्वहा, किं बहुणा ? तक्कालाणुरूवनिव्वत्तियासेसकायव्वो महाविच्छड्डेणं पव्वइओ तित्थयरसमीवे सालिभद्दो सह बत्तीसाए वहूहिं सेसलोगेण य । एवं च तेलोक्कदिवायरेण सह विहरंतो नाणाविहतवोविसेससोसियसरीरो पुणो वि पत्तो रायगिहे भिक्खानिमित्तं । नीहरंतो भणिओ तित्थ[य]रेण–'अज्ज ते जणणी भिक्खं दाहि'त्ति गओ भद्दागेहं । अइसुसिउ त्ति न 25 नाओ, अपत्तभिक्खो निग्गओ तत्तो । जम्मंतरजणणीए य दहिणा पडिलाहिओ । पत्तो
१. ज. उ।
D:\mala.pm5\2nd proof