________________
१२६]
[ सविवरणं धर्मोपदेशमालाप्रकरणम् तं किं पि अणन्नसमं दुक्खं से आसि तम्मि समयम्मि ।
जं कहिऊण न तीरइ सारिच्छं नारयदुहेण ।। पुच्छिया य सा किंचि भंडमोल्लमत्थि ? । तीए वि दावियाणि आहरणगाणि, रूवयसहस्सं च । 'कह मेत्ताईण अयसकलंकियमप्पाणं दाएमि' ? मन्नमाणेण भणिया भारिया-'वच्चामो देसंतरं' । तद्दिवसं च रिउन्हायाए सह वसिओ । गब्भो य लग्गो पवड्डिउं । अन्नदिवसम्मि पयट्टो सत्थो, तेण सह पट्ठिओ देवउलियाए मंचयारूढो एत्थंतरम्मि तहाविहभवियव्वयाए एगाए ईसरीए प[व]हणभंगविवन्नं पुत्तं नाऊण ‘मा तणयरहियं मंदिरं राया विलुंपिस्सइ, ता गवेसेमि किंचि पुरिसं' ति
मन्नमाणीए सत्थमज्झाओ उट्ठाविऊण कयपुन्नओ नीओ निययगेहे । वधूण पुरओ 10 कंठे घित्तूण रोवियं(उ) पयत्त त्ति ।
"पावाए मज्झ पुत्तय ! बालो च्चिय अवहिओ तुमं तइया । महिमंडले गविट्ठो ण य लद्धा तुज्झ वत्ता वि ॥ जा अज्ज दिणे मुणिणा कहिओ ते आगमो तहा सुमिणे । दिट्ठो य कप्परुक्खो तओ तुमं पाविओ इहयं ।। ता कत्थ य वड्डिओ तं कत्थ य भमिओ सि एत्तियं कालं? । किं वा वि सुहं दुक्खमणुभूयं वच्छ ! मे साह ।। पावा य अहं पुत्तय ! जा तुह विरहम्मि जीविया जाया ।
ओवारणयं म्हि कया गुणसागर ! तुज्झ देहस्स ।। हियएण जाइं तुह चेतियाइं पावाइं ताणि मा वच्छ ! । निवडंतु वेरियाण वि तुह गुणनिहि ! विरहदद्धाए । विहुरेसु य देवयाए एत्तियकालं च रक्खिओ जाय ! । मह जीविएण सुपुरिस ! कप्पाऊ होसु तं तत्थ ।। अणुभावेणं तियसाइयाण तेएण तह सईणं तु । पालेसु निययवंसं घरविच्छष्टुं च अणुहवसु ॥
15
१. क. ठिओ।
D:\mala.pm5\2nd proof
