________________
दाने कृतपुण्यकथा]
[१२५ तरुणाण कत्थ निवडइ देट्ठी ? वाराओ दोन्नि अणुलोमं ।
तइयाए पुण समत्थं उत्तरमेयस्स जाणाहि" || तं च इमं 'रामायणे'।
एवं च तीए सह भोगासत्तस्स दुवालसेहिं वरिसेहिं निद्धणीकयं कुलं, लोगंतरीभूया जणणि-जणया, पणट्ठा सव्वा वि घरलच्छी । चरिमदिवसे य पेसियाणि से 5 भारियाए निययाणि आभरगा(णा)णि । अव्वो ! निद्धणीकयं कयपुन्नयस्स गेहं मन्नंतीए रूवयसहस्सेण सह पेसियाणि बा(बी)इयाए आहरणाणि । अन्नदियहम्मि भणिया वसंतसेणाधोयकुसुंभयसरिसो एस कयपुन्नओ, ता अलमियाणिमणेण । तीए भणियं-'अम्मो ! मा एवं भणसु , मणोरहाइरेत्तं दिन्नमणेण दव्वं' । तीए भणियं
'जं दिन्नं तं गहियं, इण्हि से णत्थि तेण णीणेमो ।
अम्हाण एस धम्मो, मा धम्माइक्कमं कुणसु' । 'बोडाण एस धम्मो पहाणगणियाण लज्जणं एयं ।
अन्नं च पुणो दाहिई एसो च्चिय इच्छियं दव्वं' ॥ ता अम्मो ! अलमणेण अयसनिबंधणेण दुरज्झवसाएणं । अन्नं च"नेय जोव्वणम्मि लुद्धा अहयं रयणेहिं विविहरूवेहि।
15 गुणलुद्धा ते य गुणा पज्जत्ता इत्थ पुरिसम्मि" ॥ कलुसियचित्ता ठिता तुण्हिक्का वाइया । दा(पा)ऊण य मज्जं रयणीए मंचयारूढो मुक्को देवउलियाए । निद्दाखयविबुद्धो य चिंतिउं पयत्तो-हंत ! किमेस सुमिणओ ? किं वा मोहो ? किमिंदयालं वा ? पयइविवज्जासो कि? किं वा खेत्तंतरं? । मुणियमणो वियप्पाए य भणिओ पासवत्तिणीए चेडीए-'अलं सेसवियप्पेहि, नियय- 20 धम्ममणुसरंतीए निच्छूढो वसंतसेणामड्डाए जोन्नकुट्टिणीए, ता वच्चसु णिययमंदिरं' । विमणदोम्मणो पयो(ट्टो) गेहाभिमुहं । महारन्नं पिव णट्ठमाणसं, कुकइकव्वं पिव गयसुवण्णालंकारं, सुक्कतडागं पिव पणट्ठसोहं दिटुं मंदिरं । अब्भुट्ठिओ भारियाए , साहिओ सव्वो वि जणणि-जणयमरणपज्जवसाणो गेहवुत्तंतो । अवि य
15
१. ह. क. ज. वासा । २. क. इह ।
D:\mala.pm5\2nd proof
