________________
१०८]
[सविवरणं धर्मोपदेशमालाप्रकरणम् एत्थंतरम्मि तियसो मेयं अणुपविसिऊण नियमहिलं । रुइरो जंपइ-'मज्झ वि वीवाहो एरिसो होतो ।। ता किं कीरउ ? जं मे धूया देवेण मारिया तइया' । सो मेइणिए भणिओ-'मा झूरसु , एस ते पुत्तो' । सिबियाए तं घेत्तुं किह असजाईउ परिणसे ? पाव ! । भणिऊण पुणो छूढो खड्डाए दुट्ठपुरिसु व्व ॥ देवेण पुणो भणिओ-'संबुज्झसु संपयं पि' सो भणइ । अवणेसु कलंकमिमं सेणियधूयाविवाहेण । रयणाणि वोसिम्तो दिन्नो छगलो सुरेण मेओ वि । घेत्तूण रयणथालं नरनाहं भणइ-'नियधूयं ।। मम पुत्तयस्स देहि' सि थुक्किय मेयं ति जंपरिणरेहिं । मेतत्तो( ज्जो) अविणीओ अणुदियहं कुणइ एमेव ।। 'नरवइधूयापरिपत्थणम्मि कत्तो इमस्स सामत्थं ? । रयणाणि नत्थि नूणं ता दिव्ववियंभियं एयं' । चिंतितेणं पुट्ठो 'कत्तो रयणाणि तुज्झ ?' अभएणं । तेण वि कहियं 'छगलो घरट्ठिओ वोसिरेइ' त्ति ।। जइ देसि तइं दिन्ने रायघरे असुइयं तु सो मुयइ । णीओ मेयस्स घरे पुणरवि रयणाणि वोसिरइ ।। 'तित्थयरवंदणत्थं वेभारगिरिस्स वियडरहमग्गं । सोवन्नियपागारं पुरस्स तुरियं करावेसु' । तेसु कएसुं पुणरवि 'समुद्दवेलं इहाणिउं तत्तो । पहाओ विसुद्धपाओ नरेंदधूयं विवाहेउ' ॥ एवं ति कए ताहे उव्वूढा रायकन्नगा तेण । ताहि य अट्ठहि साहिओ भमिओ नयरे विभूईए ।
१. ज. उ।
D:\mala.pm5\2nd proof
