________________
८८]
[सविवरणं धर्मोपदेशमालाप्रकरणम् अट्ठवारिसिओ, गाहिओ मुणिकिरियं । पसत्थवासरे पव्वाविओ सूरिणा । गहिया दुविहा वि सिक्खा । समइक्कंतो कोइ कालो । संपत्तो जोव्वणं ति । अपि च
"अवश्यं यौवनस्थेन विकलेनापि जन्तुना ।
विकारः खलु कर्त्तव्यो नाविकाराय यौवनम्" ॥[ ] चारित्तावरणीयकम्मोदया समुप्पन्नविसयाभिलासेण चिंतियं खोड्डयसाहुणा-'ण तरामि पवज्जं काउं, ता सेवेमि विसए, पच्छा पव्वज्जं काहामो' । णिवेइयमिणं जणणीए । तीए भणियं-'वच्छ ! मा एवं पलवसु । आयरियओ णाहि त्ति, अकुलपुत्तउ त्ति गणिस्सइ । पवि(व)त्तिणी सुणिस्सइ, अविणीउ त्ति संभाविस[इ]त्ति ।
सेसलोगो जाणिहि त्ति, पवयणनिंदं काहि त्ति । सयणा णाहिति, लज्जिया भविस्संति । 10 अन्नं च वच्छ ! विवागदारुणं विसयसुहं ति । अपि च- "आदावन्त्यभ्युदया मध्ये शृङ्गारहास्यदीप्तरसाः ।
निकषे विषया बीभत्सा कर(रु)णलज्जाभयप्रायाः ॥ [ ] यद्यपि निषेव्यमाना( णा) मनसः परितुष्टिकारका विषयाः । किम्पाकफलादनवद् भवन्ति पश्चादतिदुरन्ताः" ॥[ ] "अन्नं च भग्गपयण्णा इहइं पावं घित्तूण सह कलंकेण ।
वच्चंति महानरयं ता पुत्तय ! कुणसु पव्वज्जं" ॥ 'जाणामि सव्वमिणमो अहं किं करेमि ? पावो हं ।
न तरामि अंब ! काउं सामन्नं' जंपियं तेण ॥ 'तह वि य मज्झ कएणं बारस वरिसाणि कुणसु पव्वज्जं' । तीए उवरोहेणं सो चिट्ठइ तत्तियं कालं ।। पुच्छइ पुणो वि जणणि तीए भणिओ वि जा न संठाइ । ताहे पुणो वि भणिओ 'इण्हि मम सामिणी पुच्छ' । पुट्ठा एसो भणिओ मयहरियाए ‘असासए जीए । किं काहिसि विसएहिं ?, दव्वेण वि तण्णिमित्तेण ?' ॥ इय धरिओ वि न चिट्ठइ धम्मविमुक्को जयम्मि बाणो व्व । लोहाणुगओ पुणरवि बारस वरिसाणि जा धरिओ ।।
25
D:\mala.pm5\2nd proof
