________________
10
शुभमार्गादरे क्षुल्लककथा ]
[८७ 'संपयं किं भणिहिसि ? वावाइओ भाया' । 'हद्धी ! इमिणा वि(चि?)लाएण मम निमित्तं गुणनिही अज्जउत्तो वावाइओ, ता जाव न सीलस्स खंडणं करेइ, ताव अन्नत्थ वच्चामि' ति-चिंतिउमावन्नसत्ता सावत्थी गामिणा सत्थेण सह गंतुं पयट्टा । चिंतियं च णाए
"विसयासत्तो पुरिसो कज्जाकज्जं न पेच्छए कह वि।
हंतूण निययभायं पत्थेइ ममं जओ राया" ॥ कमेण य पत्ता सावत्थीए । तत्थ य अजियसेणो आयरिओ, कित्तिमई पवि(व)त्तिणी। सा वि पत्ता तीए समीवं । वंदिया सविणयं । अहो ! खलु एयारिसाए वि आगितीए, नरेंदपत्तीसरिच्छेहिं पि लक्खणेहि, तहा वि एरिसी अवत्थ त्ति चिंतिऊण भणियं मयहरी(रि)याए
'का सि तुमं ?, कत्तो वा केण व कज्जेण आगया इत्थ ?' | इय पुच्छिया[य] तीए गुरु त्ति काऊण परिकहियं ।। मयहरिया[ए] भणियं–'धन्ना तं सुयणु ! जेण परिचत्तो । सयणजणविसयभोगो सीलस्स विणासणभयाओ ॥ ता इत्थ चेव वच्छे ! निच्चं चिय आयरो ण मोत्तव्यो ।
जेण ण सीलवईणं असज्झमिह अत्थि भुवणे वि ॥ ततो परूविओ वित्थरेण अट्ठारससीलंगसाहस्सिओ महाभारो । संजायसंवेगाए पडिवन्नो तीए वि त्ति । अवि य
सारीरमाणसाणेयदोक्खतवियाए तीए पडिवन्नं । सामन्नमसामन्नं निबंधणं सग्गमोक्खाणं ।। जह जह वड्डइ एसा चारित्तगुणेहि, तह य पोट्टं पि । जायासंकाए पवि(व)त्तिणीए अह पुच्छिया एसा ॥ 'पुव्वं चिय' नियपइसंगमेण जायं, इमं ण भे कहियं ।
'मा पव्वज्जाविग्घं काहिह' भणियं इमाए वि ।। ततो सावयघरपच्छन्ने ट्ठिया य पसूया एसा दारयं । कमेण व ती दारओ जाओ 25
15
D:\mala.pm512nd proof
