________________
७२]
[सविवरणं धर्मोपदेशमालाप्रकरणम् अवि य- ‘कयपावो वि मणूसो मरणे संपत्तजिणनमोक्कारो ।
इच्छियसिद्धि पावइ पत्ता जहा मेंठदेवेणं' ॥ इओ य सा तक्करस्स निययचिट्ठियं साहंती पहंमि गंतुं पयट्ट त्ति । अवि य- 'जह जह तीए चरियं इक्कमणो तक्करो निसामेइ ।
तह तह भयमइओ विव वेविरदेहो इमो जाओ' ॥ 'अव्वो ! किंपागफलभक्खणं पिव ण सुंदरा एसा'–भाविऊणं संपत्तनईतीरेण गहियवत्थाभरणेण भणिया सा तेण–'उत्तारेमो तावोवगरणं, पुणो वि तमुत्तारेस्सामो' भणिऊण उत्तिन्नो नई पयट्टो गंतुं । भणिऊणमणाए–'ममं मोत्तूण कत्थ वच्चसि' ? । तेण भणियं–'अलं तुज्झ संसग्गीए, दूरट्ठिया वि जीवियं देज्जसु' त्ति । ततो सरत्थंब10 निलोक्का करसंछाईयगुज्झदेसा ठिया करणलयाए दिट्ठा मेंठसुरेण । तीए संबोहणत्थं
गहियमंसपेसी आगओ जंबुओ, दिट्ठो अणेण नईतडसंठिओ मीणो । तओ मंसपेसि मोत्तूण पहाविओ मच्छगहणत्थं । इत्थंतरम्मि उक्खित्तं मंसं पक्खिणा, मीणो य पविट्ठो जलम्मि । तओ विमणं जंबुयं णिएऊणं भणियमणाए त्ति । अवि य- 'साहीणं मंसं उज्झिऊण पत्थेसि मूढ ! किं मीणं? ।
एम्हि दुण्ह वि चुक्को अप्पाणं खाइसु सियाला !' । जंबुएण भणियं । अवि य'करसंछाइयगुज्झे ! मइलियसप्पुरिसकुलहरे ! पावे ! ।
णरणाहमेंठचोराण चुक्किए ! रुयसु अप्पाणं' ।
अहो ! जइ सच्चमेस जंबुओ, ता कीस माणुसभासाए मम पुणो दुच्चरियाणि 20 जंपइ ? जाव विमला(णा) भावेंती चेट्ठइ, ताव दावियं मेंठरूवं । कहिऊण णमोक्कारफलं
देवत्तं काऊण धम्मकहा भणिया तियसेण–'भद्दे ! संपयं पि पस(सम)त्थपाववणजलणं अचिंतचिंतामणिविब्भमं कुणसु मुणिधम्म' । तीए भणियं–'फुससु कलंकं जेण करेमो' । तओ तज्जिऊण णरनाहं पवेसिया वसंतपुरे महाविच्छड्डेण णेक्खंता एसा गहियसिक्खा धूयपावा य गया देवलोगम्मि।
15
१. क. °ससक।
D:\mala.pm5\2nd proof
