Page Text
________________
५८ ]
[ सविवरणं धर्मोपदेशमालाप्रकरणम् सत्थवाहपुत्तेण सह जाया मित्ती । भणिया य णेण अन्नियाभिहाणा भगिणी - 'सुंदरभोयणं कुणसु, जेण मित्तेण सह भुंजामो' । णिप्फन्ने य भोजने (यणे) वाहरिओ उत्तरमाहुरो मित्तो। तीए समाढत्ता दोन्नि वि भोत्तुं । अन्निया [अ] वट्ठिया तेसिं पुरओ वीयणहत्था । तं च सव्वंगियं पुलईऊणं चिंतियं उत्तरमाहुरेण - अव्वो ! कयत्थो विही जेणेसा करेहिं 5 फंसिया, ता अलं मे जीविएणं, जइ एसा न पियपणयिणी हवइ । बितीयवासरे पट्टाविया तीए पवरगा। भाइणा भणियं - 'अणुरूवो एस अन्नियावरो, किं खु जइ एवं ताव इहं चिय चिट्ठइ पसवणकालं जाव' । तेण वि तह त्ति पडिवज्जिऊण उव्वूढा महाविभूईए । तीए सह सब्भावसारं जीवलोगसुहमणुहवंतस्स समइक्कंतो कोइ कालो । जाया आवन्नसत्ता । अन्नदियहम्मि सुहासणत्थस्स आगओ उत्तरमहुराए लेहवाहओ । 10 समप्पिओ लेहो पायंगुट्ठयमुद्दिउ त्ति काउं णाओ जहा सामिलेहो । पणमिऊण य विहाडिओ । किं व(च) सारभूयं लिहियं ? ति । अवि य
“तुज्झ विओयानलताविएहिं जं किंचि दुक्खमम्हेहिं । पत्तं तं मा रिउणो सुमिणे वि लहंतु ते वच्छ ! ॥
15
ता जइ इच्छसि दट्टं अम्हे जीवंतए तओ तुरियं । आगच्छिज्जसु गुणनिहि ! किमेत्थ बहुणा पलत्तेण '' ? ॥
ततो गहियहत्थं विमणं पिय[य] मं पुलइऊण भणियमन्नियाए - 'अज्जउत्त ! किं कुसलं गुरूणं' ? तेण भणियं - 'पिए ! केयारिसं कुसलं ?, जाण अम्हारिसा कुलकलंकभूया तणया' । ततो घेत्तूण लेहं वाइउमाढत्ता । मुणियलेहत्थाए य भणिओ दइओ-‘अज्जउत्त ! मा जूरसु, तहा करेमि, जहा तुरियं पेच्छसि गुरुणो' । 20 लेहत्थकहणपुव्वयं च भणियं (ओ) भाया सह सेसबंधवेहिं - 'जहा पट्ठवेसु अज्जउत्तं मए सह, जेण पिच्छइ सिणेहकायरे जणणिजणए' । तओ पसत्थवासरे महावेच्छड्डेण पट्ठविओ अन्नियाए सह । अपहे य पसूया देवकुमारपडिमं दारयं । कयमुचियं करणिज्जं । गुरुणो घरं गयस्स दारयनामं काहिस्सं ति परियणो अभिरमावंतो 'अन्नियपुत्तं' वाहरइ । कमेण य पत्ताणि गेहं । अन्नं कयं पि नामं ण सिद्धिमुवगयं । व 25 य संपत्तो जोव्वणं सह कलाकलावेण य । मुणियजिणवयणो य संसारभेयुव्विग्गो अणासाइयविसयसंगो महाविभूईए निक्खंतो अन्नियापुत्तोति ।
१. क. °णि द° । २. क. 'दु° । ३. क. 'यं ।
D:\mala.pm5\2nd proof
| SR No. | 009624 |
| Book Title | Dharmopadeshmala prakaranam |
| Original Sutra Author | N/A |
| Author | Jaysinhsuri, Chandanbalashree |
| Publisher | Bhadrankar Prakashan |
| Publication Year | 2010 |
| Total Pages | 418 |
| Language | Sanskrit |
| Classification | Book_Devnagari & Religion |
| File Size | 2 MB |