________________
४६]
[सविवरणं धर्मोपदेशमालाप्रकरणम् इक्केण वणियतणए[ण]-'अव्वो ! जीसे एयारिसो अच्चंतनयणाणंदयारी चलणंगुट्ठओ, तीसे रूवाइगुणेहिं सुरसुंदरीसरिसेहिं होयव्वं । का पुण एसा' ? । गवसंतेण णायं ‘णरवइणो महादेवी' । चिंतिय तेण–'किं च जीविएणं ?, जइ एयाए सह विसयसुहं ण सेवेज्जइ' । मयणसर[स]ल्लियंगो य गओ णिययगेहं । तीए सह संगमोवायं चिंतंतो झिज्झिउमाढत्तो । अन्नदियहम्मि रायधवलहरासन्ने उग्घाडियं गंधियावणं, समाढत्तो ववहरिउं । दाणसंमाणाईहि य आवज्जियाउ रायमहिलाण चेडीओ, विसेसेण धारिणीसंतिया पियंकरियाऽभिहाणा । तीए य धारिणीपुरओ पसंसिओ वणियसुओ। अन्नदियहम्मि पुच्छिया चेडी वडि(णि)एणं-'को पढमं पुड[ओ] उच्छोडे' ? । तीए
भणियं-धारिणी । ततो गंधमज्झट्ठियलेहसणाहो समप्पिओ पुडओ । भणिया य चेडी10 'एस [स] हत्थेण धारिणीए अप्पेयव्वो' । तह च्चिय कए उच्छोडिओ महादेवीए पुडओ । देठ्ठो लेहो । किं तत्थ लिहियं ? ति । अपि च
"काले प्रसुप्तस्य जनार्दनस्य, मेघान्धकारासु च शर्वरीषु ।
मिथ्या न भाषामि विशालनेत्रे ! ते प्रत्यया ये प्रथमाक्षरेषु" ॥ 'कामेमि ते' एतानि पादप्रथमाक्षराणि । तत्तो मुणियलेहत्थाए चिंतियमणाए15 धिरत्थु कामभोगाणं, जाण कए पाणिणो कुणंति पाणाइवायं, जंपंति अलियं, हरंति
परदव्वं, वच्चंति परकलत्तं, वंचंति मित्तबंधुणो, करेंति महारंभपरिग्गहं, तरंति सागरं, पविसंति महाडविं, करेंति णीयकम्माणि, पविसंति महासंगामे, न गणंति सुकरदुक्कर, न निरूवंति कज्जाकज्जं, न पेच्छंति सुंदरासुंदरं, न मुणंति संसारभयं, सव्वहा पयंगा विव रूवालोयणणडिया खयमुवगच्छंति त्ति । अवि य
रागतिमिरंधनयणो कज्जाकज्जं न पेच्छए पुरिसो। इहपरलोगविरुद्धाइँ जेण सो कुणइ कज्जाइं ॥ ते धन्ना ताण नमो ताण सुलद्धं च माणुसं जम्मं । जे परदारनियत्ता णियमज्जायं ण लंघंति ॥ मा एसो वणियसुओ विसयासामोहिओ खयं जाउ। नियलेहेण समेया चेडीए अप्पिया पुडिया ।।
20
25
१. ज. सल्लि । २. क. °णणा । ३. ह. क. ज. धरसु स । ४. ह. क. ज. धेर । ५. ह. क. सुक्कर- । ६. क. °पा |
D:\mala.pm5\2nd proof
