Page Text
________________
भुवनभानवीयमहाकाव्ये_
रावणारिहं गुरुचरियं
- पूज्जायरिय सिरि जयघोषसूरिणो
अपारसंसारपारावारपारगमणे जाणवत्तकप्पसिरिवद्धमाणपहुतित्थे छसयरितमाए पट्टपरंपराए महागुणनिहिणो । महकप्परुक्खोवमा संपत्तणेगगुणगणा तारयगणपरिवुडसारयससिव्व अणेगसीसगणपरियरिआ आयरिया सिरिपेम्मसूरिनामा महीयलं पवित्तीकरीअ। तस्स णं सासणपभावणाइगुणगणालंकियसीसगणमज्झे पाउब्भूआ विसेसपहावगा आयरियसिरिभुवणभाणुसूरिपाया । एत्थ णं आलिहिज्जइ संखेवेण ताण सवणारिहं चरितं ।
अहमदाबादनयरे पाविउण जम्मं तेविसइवासा तेहिं गिहासमे निग्गमिया । तत्थ गिहवासकाले वि ते परमविनयवंता धम्मरुइणो देवपूयाजिणवयणसवणाइधम्मकिच्चपरायणा । धम्मगुरूणमुवासगा आसि । ववहारियनाणगहणे अग्गिमा आसि । उक्किट्टं ववहारब्भास-जणियपयं पाविउण वि संसारनिव्विण्णे एगुणनवइउत्तरएगुणविससयतमे विक्कमरायस्स वासे सिरिपेम्मसूरिस्स हत्थेणं संजमं गहिउण उग्गतवच्चरणेणं वद्धमाणायंबिलतवस्स अठुत्तरसयं ओलीआणं आराहीअ । अप्पाहारेण परिमियदव्वेहिं निद्दोसमाहुयरीवित्तिए य ताण तवो अईव दिप्पमाणो जाओ । तयणु वि अगप्पयारो तवो तेहिं निरंतरं सेविओ आसि । गुणेसु पहाणो य चाओ वि अईव पवरो, आहारविहिए लवणिम-मिट्ठ-वातामाइसुक्कफलाणं चाओ जाजीवं अकासि ।
नाणब्भासो ताण लोईओव्व लोगुत्तरो वि पवरो आसि । नाय-वागरण-पयरण- आगमग्गंथेसु पन्नापहाणेण गुरुगमेण परिस्समेण परिणयं । तयणु वेरग्गपबलत्तणेण अविहडसासणरागेण सत्थनिपुणमईणा अणेगंतसिद्धंतआलंबणेण य सव्वं नाणं भावणानाणमइयं संपन्नं । जेण जिणसासणसद्धाकारिणी - महाविरागजणणी-संसारनिव्वेयणी-चायतवकिरियाणुट्ठाणेसु सद्धावीरियोल्लासं जणेमाणी अपुव्वआणंदकारिणी देसणा तेसिं विक्खाया।
तेहिं विरइया उवएसपमुहा गंथा वि परमसंवेगजणगा अणेगविहसंकाउम्मूलणे गयवरकप्पा सम्मग्गपयासणे सूरसन्निहा जिणागमबहुमाणभरियहिययनिज्झरणभूया जीवाणं कलिकाले जिणागमुव्व संतावहरणा अंतरमलपक्खालया मोहतिण्हानासगा पसिद्धिमुवगया । तेहिं लिहियमणेगगंथाण विवरणमवि अणेगहा संसयुच्छेयगं करितव्वपयासगं भूमियाभेएण मग्गपयासगं च वट्टति ।
ते य पूज्जा पवयणकरणे अईवदक्खा, जेण सोयाराण सहामज्झे पए पए वेरग्गभावणा पाउब्भूआ मोक्खरुई य तक्कारणरुवा । दाणाइधम्मरुइरुवो संवेगो वि सुट्ठ वियसिअ । अविय, संसारे तक्कारणरुवेसु पणिंदियाण विसयेसु, तक्कारणेसु इट्ठानिट्ठवत्थुसु कसायनोकसायजणियभावेसु तदुप्पाययवत्थुत्थोमेसु जो चित्तस्स निव्वेयभावो पसरीअ तप्पभावा हिं गया वि सोयारा न गिहकज्जेसु रई लहीअ, आवणं गएसु वि न ताण विसेसेण तत्थ पावमई पभूआ, अओ चेव जिणाययण उवस्सयाइधम्मट्ठाणेसु आणंदो सुत्थया विस्संभो
| SR No. | 009538 |
| Book Title | Bhuvanbhanaviyam Mahakavyam |
| Original Sutra Author | N/A |
| Author | Kalyanbodhivijay |
| Publisher | Divya Darshan Trust |
| Publication Year | |
| Total Pages | 252 |
| Language | Sanskrit |
| Classification | Book_Devnagari, Literature, & History |
| File Size | 2 MB |