________________
गा.-७४
बन्धशतकप्रकरणम्
तज्जोगसंकिलिट्ठा सव्वकिलिट्ठा हि आसि पगईणं । बंधमइच्छिय निरिगइजोगं तं ते निवत्तंति ॥५७८॥ पुव्वुत्ता पणपगई सुद्धो सम्मो सुरो उ जेट्ठरसं । बंधइ इगं दुसमयं नेरड्या वि हु अइविसुद्धा ॥५७९॥ एए पयडी बंधंति किंतु अइवेयणाभिभूयत्ता । जिणअसणओ वा तहविहसुद्धीअभावाओ ॥५८०॥ तेसिं इह अग्गहणं अइसुद्धा तिरिनरा सुरगईए । गच्छंति तओ एयाण पंचपयडीण किर तत्थ ॥५८१॥ बंधो नो संभवइ य अग्गहणं तेण तिरिनराण इह । सुरमिच्छो तिन्नेत्थं ईसाणंतो सुरो चेव ॥५८२॥ दृट्ठव्वो च उवरिमया नेव एगिदिएसु गच्छंति । तो पगयं पगइतिगं बंधती नेव तह एसो ॥५८३॥ ईसाणंतो वि सुरो सव्वुक्किट्ठो इगिदिथावरयं । जेठ्ठरसं बंधइ आयवस्स तज्जोगसुविसुद्धो ॥५८४॥ अइसुद्धो पुण तिरिमणुजोगं बंधइ न आयवं तत्थ । किंतेगिंदिसु एत्तो भणियं तज्जोगसुविसुद्धो ॥५८५॥ तह नारया इगिदिसु नो गच्छंति य तओ न तग्गहणं । तिरिमणुया पुण एत्तिए सुद्धीए सुभयरं बंधं ॥५८६॥ निव्वत्तंत्ति तहेगिदिथावराणं चउपरिणामे च । संकेसे उक्कोसं करंति तावइ किलेस चिय ॥५८७॥ एए नरगइजोगं बंधंती तह सुरा उ जह भणिया । उक्कोसकिलेसा वि हु भवपच्चयओ इगिदीणं ॥५८८॥ पाओगं बंधतीय नरगगइजोग्गयं न बंधंति । तिरियनराण वि पत्थुयकम्माण पगिट्ठरसबंधो ॥५८९॥
२२७
