________________
गा.-६७
बन्धशतकप्रकरणम्
उवसंतमपत्ताणं सो य अणाई धुवाधुवा सुगमा । संजलणचउक्कस्स उ खवगो नवमे गुणे कमसो ॥५२३॥ बंधंते एगेगं समयं जहन्नं रसं नियत्तेइ । तत्तोऽन्नो अजहन्नो सोवसमगुणम्मि बंधंतो ॥५२४॥ निवडिय पुणो वि बंधतस्स य साई तहोवसामित्तं । अप्पत्ताण अणाई तह चेव हवंति धुवअधुवा ॥५२५॥ निद्दादुगअपसत्थावन्नचऊभयदुगुंछउवघायं । नवपयडीणं खवगोऽपुव्वंमि गुणे जह कमेण ॥५२६।। बंधते एगेगं समयं बंधइ जहन्नअणुभागं । तत्तोन्नो अजहन्नो सोवसमगुणस्स बंधतं ॥५२७॥ काउं पडिय पुणो विहु बंधइ साई तहणुवसामित्तं । बंधं तस्स अणाइ हवंति पुव्वं न धुवअधुवा ॥५२८॥ पच्चक्खाणचउक्के देसजइसंजमाभिमुहचित्तो । सगुणचरिमसमए तम्मिऽणुभागं बंधइ जहन्नं ॥५२९॥ तट्ठाणाओ पुव्वं सव्वो अजहन्नओ तह चउण्हं । अपच्चक्खाणचउगस्स अविरओ सम्मदिट्ठी जो ॥५३०॥ जुगवं पवज्जिउमणो खाइयसम्मं तहेव चारित्तं । अच्चंतविसुद्धो सगुणट्ठाणंतंमि वर्मूतो ॥५३१॥ जहन्नणुभागं बंधइ इय पुट्वि होइ सव्वु अजहन्नो । थीणतिगमिच्छचउरोणंतणुबंधी य इय अट्ठ ॥५३२॥ पयडी उ सव्वसुद्धो मिच्छो जुगवं पि सम्मचरणाइ । पडिवज्जिउकामो मिच्छवेयअंतमि वतो ॥५३३॥ निव्वत्तेइ जहन्नं रसमन्नत्थ अजहन्नओ सव्वो । तो संजमपभिइगुणे पाविय परिवडिय अजहन्नो ॥५३४॥
२११
