________________
गा.-६५
बन्धशतकप्रकरणम्
मज्झिमपरिणामेणं रसं जहन्नं निबंधई तत्थ । अजहन्ना अवयरिउं जहन्नबंधे हवइ साई ॥४९८॥ पुण जहन्नेणं समया उक्कोसेणं तु चउसमयकाला । अजहन्नरसं बंधंतस्स य जहन्नो भवे अधुवो ॥४९९॥ अजहन्नो पुव्वंपि व साई पुण तम्मि अन्नहि व भवे । बंधंतस्स जहन्न अजहन्नो तो भवे अधुवो ॥५००॥ गोयरसे अजहन्नो अणुक्कोसो साइयाइचउभेओ । सेसे जहन्नुक्कोसे पत्तेयं साइ अधुवो त्ति ॥५०१॥ तत्थुक्कोसणुक्कोसो पत्तेयं दुगचउक्कभेएणं । जह वेयणिनामाणं भणिया तह इह वि भणियव्वा ॥५०२॥ जहन्न दुविगप्पया इह एवं भणिया इहं जहा कोइ । सत्तममहिनेइओ सम्माभिमुहो चरमसमए ॥५०३॥ नीयागोत्तस्स जहन्नं रसं निवत्तेइ तदवरो उच्चं । अजहन्नरसं बंधइ इय सत्तमनेरड्यगहणं ॥५०४॥ बहुमिच्छो नेरइओ भवपच्चयओ उ नीयगोयस्स । अजहन्नस्स बंधइ सम्मजुओ उच्चगोयस्स ॥५०५॥ अजहन्नरसं बंधइ सम्मत्ताऽभिमुहो अओ भणियं । एसो उ जहन्नरसं पढमं बंधइ तओ साई ॥५०६॥ सम्मत्तजुओ सो वि हु उच्चं बंधं तओ भवे अधुवो । अजहन्ने पुव्वंपि व साई तट्ठाणमगयस्स ॥५०७॥ सो णाई धुवअधुवा पुव्वंपि व इह वि हुंति दृढव्वा । आऊणि पसिद्धचउग्गे पुण जहन्नजहन्नाई ॥५०८।। तत्थ पुणो पत्तेयं साई अधुवा य दो विगप्प त्ति । बझंते आउंसिं साई उवरिं तु पुण अधुवो ॥५०९॥
२०६
