________________
ਸਰੇਸ਼ਟ ਹੈ, ਉਸੇ ਪ੍ਰਕਾਰ ਸ਼ਾਸਤਰਾਂ ਦਾ ਜਾਣਕਾਰ ਸਾਧੂ ਵੀ ਸਭ ਤੋਂ ਸਰੇਸ਼ਟ ਹੈ। 271
ਜਿਸ ਪ੍ਰਕਾਰ ਨੀਲਬੰਤ ਪਰਬਤ ਤੋਂ ਨਿਕਲ ਕੇ ਸਮੁੰਦਰ ਵਿਚ ਮਿਲਣ ਵਾਲੀ ਸੀਤਾ ਨਦੀ ਸਰੇਸ਼ਟ ਹੈ ਉਸੇ ਪ੍ਰਕਾਰ ਸ਼ਾਸਤਰਾਂ ਦਾ . ਜਾਣਕਾਰ ਸਰੇਸ਼ਟ ਹੈ।28॥
ਜਿਸ ਪ੍ਰਕਾਰ ਸਾਰੇ ਪਰਬਤਾਂ ਤੋਂ ਬਹੁਤ ਉੱਚਾ ਅਤੇ ਭਿੰਨ ਭਿੰਨ ਪ੍ਰਕਾਰ ਦੀਆਂ ਦਵਾਈਆਂ ਨਾਲ ਉਜਾਗਰ ਸਮੇਰੂ ਪਰਬਤ ਸਰੇਸ਼ਟ ਹੈ। | ਉਸੇ ਪ੍ਰਕਾਰ ਸ਼ਾਸਤਰਾਂ ਦਾ ਜਾਣਕਾਰ ਸਾਧੂ ਸਰੇਸ਼ਟ ਹੈ।29।
ਜਿਸ ਪ੍ਰਕਾਰ ਆਪਣੀ ਇੱਛਾ ਨਾਲ ਜ਼ਮੀਨ ਤੇ ਰਹਿਣ ਵਾਲਾ ਸਵੰਯਭੂਰਮਨ ਸਮੁੰਦਰ ਬੇਅੰਤ ਪਾਣੀ ਅਤੇ ਭਿੰਨ ਭਿੰਨ ਪ੍ਰਕਾਰ ਦੇ ਰਤਨਾਂ ਨਾਲ ਭਰਿਆ ਹੋਇਆ ਹੈ ਤੇ ਸਰੇਸ਼ਟ ਹੈ ਉਸੇ ਪ੍ਰਕਾਰ ਸ਼ਾਸਤਰਾਂ ਦਾ ਜਾਣਕਾਰ ਸਾਧੂ ਸਰੇਸ਼ਟ ਹੈ। 30।
ਸ਼ਾਸਤਰਾਂ ਦੇ ਜਾਣਕਾ, ਸਮੁੰਦਰ ਦੀ ਤਰ੍ਹਾਂ ਗੰਭੀਰ, ਅਜਿੱਤ, ਡਰ ਤੋਂ ਮੁਕਤ, ਕਿਸੇ ਤੋਂ ਨਾ ਦਬਣ ਵਾਲੇ, ਬੇਹੱਦ ਗਿਆਨ ਸੰਪੂਰਨ ਅਤੇ 6 ਕਾਈਆਂ ਦੇ ਰੱਖਿਅਕ, ਕਰਮਾਂ ਦਾ ਖਾਤਮਾ ਕਰਕੇ ਮੁਕਤੀ ਪ੍ਰਾਪਤ ਕਰਨ ਵਾਲੇ ਹੁੰਦੇ ਹਨ। 31।
ਇਸ ਲਈ ਮੁਕਤੀ ਦੀ ਭਾਲ ਕਰਨ ਵਾਲਾ ਸਾਧੂ ਉਸ ਗਿਆਨ ਨੂੰ ਪੜੇ, ਜੋ ਆਪਣੀ ਤੇ ਦੂਸਰੇ ਦੀ ਆਤਮਾ ਨੂੰ ਮੁਕਤੀ ਵਿਚ ਪਹੁੰਚਾਉਣ ਵਾਲਾ ਹੈ।32।
ਇਸ ਪ੍ਰਕਾਰ ਮੈਂ ਆਖਦਾ ਹਾਂ।