________________
ਜੀਵਾਂ ਨੂੰ ਸੁੱਖ ਪਿਆਰਾ ਹੈ ਅਤੇ ਦੁੱਖ ਬਿਲਕੁਲ ਚੰਗਾ ਨਹੀਂ ਲੱਗਦਾ। ਆਪਣੀ ਆਤਮਾ ਸਭ ਨੂੰ ਪਿਆਰੀ ਹੈ। ਅਜਿਹਾ ਜਾਣ ਕੇ ਵੈਰ ਤੇ ਡਰ ਤੋਂ ਮੁਕਤ ਹੋ ਕੇ ਸਾਰੇ ਜੀਵਾਂ ਦੀ ਹਿੰਸਾ ਛੱਡ ਦੇਵੇ।7।
ਧਨ, ਅਨਾਜ ਆਦਿ ਪਦਾਰਥ ਨਰਕ ਦਾ ਕਾਰਨ ਸਮਝ ਕੇ ਮੁਨੀ ਬਿਨਾਂ ਆਗਿਆ ਤੋਂ ਇਕ ਤਿਣਕਾ ਵੀ ਗ੍ਰਹਿਣ ਨਾ ਕਰੇ ਅਤੇ ਭੋਜਨ ਤੋਂ ਬਿਨਾਂ ਇਸ ਸਰੀਰ ਦਾ ਗੁਜ਼ਾਰਾ ਨਹੀਂ ਹੋ ਸਕਦਾ, ਇਸ ਪ੍ਰਕਾਰ ਸੰਜਮ ਦੇ ਪ੍ਰਤਿ ਸ਼ਰਧਾ ਰੱਖਣ ਵਾਲਾ ਮੁਨੀ, ਆਪਣੇ ਭਾਂਡੇ ਵਿਚ ਗ੍ਰਹਿਸਥ ਰਾਹੀਂ ਦਿੱਤਾ ਭੋਜਨ ਹੀ ਗ੍ਰਹਿਣ ਕਰੇ।8।
ਇਸ ਸੰਸਾਰ ਵਿਚ ਕਈ ਲੋਕ ਮੰਨਦੇ ਹਨ ਕਿ ਪਾਪ ਦਾ ਤਿਆਗ ਕੀਤੇ ਬਿਨਾਂ ਹੀ ਖਾਲੀ ਸੱਚੇ ਤੱਤਵ ਗਿਆਨ ਦੇ ਜਾਨਣ ਨਾਲ ਹੀ ਆਤਮਾ ਸਾਰੇ ਦੁੱਖਾਂ ਤੋਂ ਮੁਕਤ ਹੋ ਜਾਂਦੀ ਹੈ।9।
ਬੰਧ (ਕਰਮਾਂ ਦਾ ਬੰਧਨ) ਅਤੇ ਮੋਕਸ਼ ਨੂੰ ਮੰਨਣ ਵਾਲੇ, ਇਹ ਵਾਦ (ਬਹਿਸ ਕਰਨ ਵਾਲੇ) ਸੰਜਮ ਦਾ ਆਚਰਣ ਨਹੀਂ ਕਰਦੇ, ਕੇਵਲ ਗੱਲਾਂ ਨਾਲ ਹੀ ਆਤਮਾ ਨੂੰ ਯਕੀਨ ਦਿਵਾਉਂਦੇ ਹਨ।10।
ਭਿੰਨ ਭਿੰਨ ਭਾਸ਼ਾਵਾਂ ਦਾ ਗਿਆਨ ਮਨੁੱਖ ਦੀ ਰੱਖਿਆ ਨਹੀਂ ਕਰ ਸਕਦਾ। ਤਾਂ ਫਿਰ ਇੰਝ ਭਿੰਨ ਪ੍ਰਕਾਰ ਦੀਆਂ ਵਿੱਦਿਆਵਾਂ ਕਿੱਥੇ ਰੱਖਿਆ ਕਰਦੀਆਂ ਨ ? ਜੋ ਇਨ੍ਹਾਂ (ਭਾਸ਼ਾਵਾਂ ਤੇ ਵਿੱਦਿਆਵਾਂ) ਨੂੰ ਆਪਣਾ ਰੱਖਿਅਕ ਮੰਨਦੇ ਹਨ, ਉਹ ਆਪਣੇ ਆਪ ਨੂੰ ਪੰਡਿਤ (ਵਿਦਵਾਨ) ਮੰਨਣ ਵਾਲੇ ਅਗਿਆਨੀ ਜੀਵ, ਪਾਪ ਕਰਮਾਂ ਵਿਚ ਡੁੱਬੇ ਹੋਏ ਹਨ।11।
.
ਕਈ ਅਗਿਆਨੀ, ਸਰੀਰ ਦੇ ਰੰਗ, ਰੂਪ ਵਿਚ, ਮਨ, ਬਚਨ ਤੇ ਸਰੀਰ ਰਾਹੀਂ ਚੱਕਰਾਂ ਵਿਚ ਫਸੇ ਹੋਏ ਹਨ, ਉਹ ਸਾਰੇ ਆਪਣੇ ਲਈ ਦੁੱਖ ਪੈਦਾ ਕਰਦੇ ਹਨ।12।
50