________________
| ਸ੍ਰੀ ਉੱਤਰਾਧਿਐਨ ਸੂਤਰ
1. ਵਿਨੈ ਸ਼ਰੁਤ ਅਧਿਐਨ ਜੈਨ ਧਰਮ ਦੇ 24ਵੇਂ ਅਤੇ ਅੰਤਿਮ ਤੀਰਥੰਕਰ ਮਣ ਭਗਵਾਨ ਮਹਾਵੀਰ ਸਵਾਮੀ ਨੇ ਪਾਵਾਪੁਰੀ ਵਿਖੇ ਆਪਣੇ ਆਖ਼ਿਰੀ ਚੋਮਾਸੇ ਵਿਚ , ਦੀਵਾਲੀ ਵਾਲੇ ਦਿਨ ਜੋ ਉਪਦੇਸ਼ ਦਿੱਤਾ ਸੀ ਅਤੇ ਜਿਸ ਪ੍ਰਕਾਰ ਉਨ੍ਹਾਂ ਦੇ ਸ਼ਿੰਸ਼ ਸ਼੍ਰੀ ਸੁਹੱਰਮਾ ਸਵਾਮੀ ਨੇ ਸੁਣਿਆ ਸੀ, ਉਸੇ ਪ੍ਰਕਾਰ ਸ੍ਰੀ ਸੁਧਰਮਾ ਸਵਾਮੀ ਨੇ ਆਪਣੇ ਸ਼ ‘ਜੰਬੂ ਸਵਾਮੀ ਨੂੰ । ਸੁਣਾਇਆ। ਇਹੋ ਸ਼ੀ ਉੱਤਰਾਧਿਐਨ ਸੂਤਰ ਦੇ 36 ਅਧਿਐਨਾਂ ਵਿਚ ਦਰਜ ਹੈ।
ਪਹਿਲਾ ਅਧਿਐਨ ਵਿਨੈ' ਸਬੰਧੀ ਹੈ। ਇਸ ਵਿਚ ਵਿਨੈਵਾਨ ਸਾਧੂਆਂ ਦੇ ਲੱਛਣ, ਗੁਣ, ਉਦਾਹਰਣਾ ਦੇ ਕੇ ਦਰਸਾਏ ਗਏ ਹਨ, ਨਾਲ ਹੀ ਵਿਨੈ ਰਹਿਤ ਸਾਧੂਆਂ ਦਾ ਭੈੜਾ ਨਤੀਜਾ ਵੀ ਪ੍ਰਗਟ ਕੀਤਾ ਗਿਆ ਹੈ। ਇਸ ਅਧਿਐਨ ਵਿਚ ਵਿਨੈ ਦੇ ਨਾਲ-ਨਾਲ ਗੁਰੂ ਦੇ , ਚੇਲੇ ਪ੍ਰਤੀ ਕਰਤੱਵਾਂ ਨੂੰ ਬੜੇ ਸੋਹਣੇ ਤੇ ਸੁਚੱਜੇ ਢੰਗ ਨਾਲ ਦਰਸਾਇਆ ਗਿਆ ਹੈ।
“ਵਿਨੈਵਾਨ ਅਹੰਕਾਰ ਰਹਿਤ ਹੁੰਦਾ ਹੈ, ਸਰਲ, ਨਿਰਦੋਸ਼, ਨਿਮਰਤਾ ਵਾਲਾ ਤੇ ਗੁਰੂ ਦਾ ਹਰ ਹੁਕਮ ਮੰਨਣ ਵਾਲਾ ਹੁੰਦਾ ਹੈ। ਵਿਨੈ ਰਹਿਤ ਪੁਰਸ਼, ਹੰਕਾਰੀ, ਕਠੋਰ, ਹਿੰਸਕ ਤੇ ਬਾਗੀ ਹੁੰਦਾ ਹੈ।''