________________
ਜੋ ਇਸਤਰੀਆਂ ਆਦਿ ਤੋਂ ਰਹਿਤ ਬਿਸਤਰੇ ਤੇ ਨਿਵਾਸ ਕਰਦਾ ਹੈ, ਜੋ ਘੱਟ ਭੋਜਨ ਕਰਦਾ ਹੈ, ਜੋ ਇੰਦਰੀਆਂ ਦਾ ਜੇਤੂ ਹੈ, ਉਨ੍ਹਾਂ ਦੇ ਮਨ ਨੂੰ ਰਾਗ ਦਵੇਸ਼ ਹਰਾ ਨਹੀਂ ਸਕਦੇ ਜਿਸ ਪ੍ਰਕਾਰ ਉੱਤਮ ਦਵਾਈ ਰਾਹੀਂ ਖ਼ਤਮ ਹੋਈ ਬਿਮਾਰੀ ਫਿਰ ਸਰੀਰ ਨੂੰ ਨਹੀਂ ਆਉਂਦੀ।12
ਜਿਸ ਪ੍ਰਕਾਰ ਬਿੱਲੀ ਦੇ ਨਿਵਾਸ ਕੋਲ ਚੂਹੇ ਦੇ ਲਈ ਰਹਿਣਾ ਚੰਗਾ ਨਹੀਂ, ਇਸੇ ਪ੍ਰਕਾਰ ਇਸਤਰੀਆਂ ਦੇ ਨਿਵਾਸ ਸਥਾਨ ਕੋਲ ਬ੍ਰਹਮਚਾਰੀ ਦਾ ਰਹਿਣਾ ਠੀਕ ਨਹੀਂ।13।
ਸ਼ਮਣ ਤਪੱਸਵੀਂ ਇਸਤਰੀਆਂ ਦੇ ਰੂਪ, ਸ਼ਿੰਗਾਰ, ਵਿਲਾਸ, ਹਾਸਾ, ਰੋਣਾ, ਅਦਾਵਾਂ ਅਤੇ ਤਾਨਿਆਂ ਨੂੰ ਮਨ ਵਿਚ ਕਦੇ ਵੀ ਯਾਦ ਨਾ ਕਰੇ।14।
ਜੋ ਸਦਾ ਬ੍ਰਹਮਚਰਜ ਵਿਚ ਲੱਗਾ ਹੋਇਆ ਹੈ, ਉਸ ਨੂੰ ਇਸਤਰੀਆਂ ਨੂੰ ਵਾਸਨਾ ਨਾਲ ਵੇਖਣਾ ਨਹੀਂ ਚਾਹੀਦਾ। ਉਨ੍ਹਾਂ ਦੀ ਇੱਛਾ ਨਾ ਕਰਨਾ, ਉਨ੍ਹਾਂ ਬਾਰੇ ਵਿਚਾਰ ਨਾ ਕਰਨਾ, ਵਰਨਣ ਨਾ ਕਰਨਾ ਹੀ ਚੰਗਾ ਹੈ। ਆਰਿਆ (ਸਰੇਸ਼ਟ) ਸਾਧਨਾ ਦੇ ਲਈ ਇਹੋ ਠੀਕ ਹੈ।15।
ਭਾਵੇਂ ਤਿੰਨ ਗੁਪਤੀਆਂ (ਮਨ, ਵਚਨ ਤੇ ਸਰੀਰ) ਦੇ ਪਾਲਣ ਵਿਚ ਲੱਗੇ ਮੁਨੀ ਨੂੰ ਸਵਰਗ ਦੀਆਂ ਪਰੀਆਂ ਨਹੀਂ ਡਿਗਾ ਸਕਦੀਆਂ। ਫਿਰ ਵੀ ਇਕਾਂਤ ਦੇ ਪੱਖੋਂ, ਮੁਨੀ ਨੂੰ ਮੇਲ ਮਿਲਾਪ ਤੋਂ ਰਹਿਤ, ਇਕਾਂਤਵਾਸ ਕਰਨਾ ਚਾਹੀਦਾ ਹੈ।16।
ਮੋਕਸ਼ ਦੇ ਚਾਹਵਾਨ, ਸੰਸਾਰ ਦੇ ਜੇਤੂ ਅਤੇ ਧਰਮ ਵਿਚ ਪੱਕੇ ਮਨੁੱਖ ਲਈ ਸੰਸਾਰ ਵਿਚ ਕੁਝ ਵੀ ਮੁਸ਼ਕਿਲ ਨਹੀਂ, ਜਿੰਨਾ ਕਿ ਅਗਿਆਨੀਆਂ ਦਾ ਮਨ ਜਿੱਤਣ ਵਾਲੀਆਂ ਇਸਤਰੀਆਂ ਦਾ ਤਿਆਗ ਕਠਿਨ
ਹੈ।17
382