________________
ਪੈਦਾ ਹੁੰਦਾ ਹੈ। ਉਸੇ ਪ੍ਰਕਾਰ ਮੋਹ ਦਾ ਜਨਮ ਸਥਾਨ ਤ੍ਰਿਸ਼ਨਾ (ਇੱਛਾ) ਹੈ ਅਤੇ ਤ੍ਰਿਸ਼ਨਾ ਦਾ ਜਨਮ ਸਥਾਨ ਮੋਹ ਹੈ।6।
ਕਰਮ ਦੇ ਬੀਜ ਰਾਗ ਅਤੇ ਦਵੇਸ਼ ਦੋਵੇਂ ਹਨ। ਇਹ ਕਰਮ ਮੋਹ ਤੋਂ ਉਤਪੰਨ ਹੁੰਦਾ ਹੈ, ਕਰਮ, ਜਨਮ ਤੇ ਮਰਨ ਦਾ ਮੂਲ ਹੈ, ਜਨਮ ਅਤੇ ਮਰਨ ਹੀ ਦੁੱਖ ਦਾ ਕਾਰਨ ਹਨ।7।
ਜਿਸ ਨੂੰ ਮੋਹ ਨਹੀਂ ਪੈਦਾ ਹੁੰਦਾ। ਜਿਸ ਨੇ ਮੋਹ ਖ਼ਤਮ ਕਰ ਦਿੱਤਾ ਹੈ ਉਸ ਨੂੰ ਤ੍ਰਿਸ਼ਨਾ ਤੰਗ ਨਹੀਂ ਕਰਦੀ, ਜਿਸ ਨੇ ਤ੍ਰਿਸਨਾ ਦਾ ਅੰਤ ਕਰ ਦਿੱਤਾ ਹੈ, ਉਸ ਨੂੰ ਲੋਭ ਸਤਾ ਨਹੀਂ ਸਕਦਾ, ਜਿਸ ਨੇ ਲੋਭ ਖ਼ਤਮ ਕਰ ਦਿੱਤਾ ਹੈ, ਉਹ ਹੀ ਅਕਿੰਚਨ (ਤਿਆਗੀ) ਹੈ।8।
ਜੋ ਰਾਗ, ਦਵੇਸ਼ ਅਤੇ ਮੋਹ ਦੇ ਮੂਲ ਨੂੰ ਦੂਰ ਕਰਨਾ ਚਾਹੁੰਦਾ ਹੈ, ਉਸ ਲਈ ਜਿੰਨ੍ਹਾਂ ਢੰਗਾਂ ਦੀ ਵਰਤੋਂ ਕਰਨੀ ਚਾਹੀਦੀ ਹੈ ਉਨ੍ਹਾਂ ਨੂੰ ਮੈਂ ਸਿਲਸਿਲੇ ਵਾਰ ਆਖਾਂਗਾ।9।
ਰਸਾਂ ਦੀ ਵਰਤੋਂ ਜ਼ਿਆਦਾ ਨਹੀਂ ਕਰਨੀ ਚਾਹੀਦੀ। ਰਸ ਹਮੇਸ਼ਾ ਮਨੁੱਖ ਵਿਚ ਕਾਮ ਵਾਸਨਾ ਵਧਾਉਣ ਵਾਲੇ ਹੁੰਦੇ ਹਨ। ਵਿਸ਼ੇ ਵਿਕਾਰਾਂ ਵਿਚ ਫਸੇ ਮਨੁੱਖ ਨੂੰ ਕਾਮ ਵਾਸਨਾ ਇਨਾ ਦੁੱਖੀ ਕਰਦੀ ਹੈ ਜਿਵੇਂ ਸਵਾਦੀ ਫੁੱਲਾਂ ਵਾਲੇ ਦਰਖ਼ਤਾਂ ਤੇ ਬੈਠਾ ਪੰਛੀ ਫੁੱਲਾਂ ਦੇ ਖ਼ਾਤਮੇ ਤੇ ਦੁਖੀ ਹੁੰਦੀ ਹੈ।10।
ਜਿਵੇਂ ਤੇਜ਼ ਹਵਾ ਨਾਲ ਬਾਲਣ ਨਾਲ ਭਰੇ ਜੰਗਲ ਵਿਚ ਲੱਗੀ ਬਾਂਸਾਂ ਦੀ ਅੱਗ ਖ਼ਤਮ ਨਹੀਂ ਹੁੰਦੀ, ਉਸੇ ਪ੍ਰਕਾਰ ਮਰਜ਼ੀ ਅਨੁਸਾਰ ਭੋਜਨ ਕਰਨ ਵਾਲੇ ਦੀ ਵਾਸਨਾ ਕਦੇ ਖ਼ਤਮ ਨਹੀਂ ਹੁੰਦੀ। ਬ੍ਰਹਮਚਾਰੀ ਲਈ ਮਨਮਰਜ਼ੀ ਅਨੁਸਾਰ ਭੋਜਨ ਕਰਨਾ ਚੰਗਾ ਨਹੀਂ। ਉਸ ਦੀਆਂ ਇੰਦਰੀਆਂ ਦੀ ਅੱਗ ਕਦੇ ਸ਼ਾਂਤ ਨਹੀਂ ਹੁੰਦੀ।11।
381