________________
ਤੀਹਵਾਂ ਅਧਿਐਨ
. ਭਿਕਸ਼ੂ ਰਾਗ ਦਵੇਸ਼ ਰਾਹੀਂ ਇਕੱਠੇ ਕੀਤੇ ਪਾਪ ਕਰਮਾਂ ਦਾ ਤਪ ਰਾਹੀਂ ਜਿਸ ਢੰਗ ਨਾਲ ਖ਼ਾਤਮਾ ਕਰਦਾ ਹੈ ਉਸ ਦਾ ਢੰਗ ਇਕ ਚਿੱਤ ਹੋ ਕੇ - ਸੁਣੋ। 1 |
ਹਿੰਸਾ ਪ੍ਰਾਣ ਹੱਤਿਆ), ਝੂਠ, ਚੋਰੀ, ਮੈਥੂਨ (ਵਿਭਚਾਰ), ਪਰਿਹਿ (ਜ਼ਰੂਰਤ ਤੋਂ ਵੱਧ ਵਸਤਾਂ ਦਾ ਸੰਗ੍ਰਹਿ ਅਤੇ ਰਾਤ ਦਾ ਭੋਜਨ ਤੋਂ ਛੁਟਕਾਰਾ ਪਾ ਕੇ ਜੀਵ ਆਸ਼ਰਵ-ਰਹਿਤ ਪਾਪ ਰਹਿਤ ਹੋ ਜਾਂਦਾ ਹੈ।2।
ਪੰਜ ਮਿਤੀ ਅਤੇ ਤਿੰਨ ਗੁਪਤੀ ਸਹਿਤ, ਕਸ਼ਾਏ ਤੋਂ ਰਹਿਤ, ਇੰਦਰੀ ਜੇਤੂ ਤਿੰਨ ਪ੍ਰਕਾਰ ਦੇ ਅਭਿਮਾਨ ਰਹਿਤ, ਤਿੰਨ ਪ੍ਰਕਾਰ ਦੇ ਨਿਸ਼ਲਯ (ਪਾਪ ਰੂਪੀ ਕੰਢਿਆਂ ਤੋਂ ਰਹਿਤ) ਜੀਵ ਆਸ਼ਰਵ ਰਹਿਤ ਹੁੰਦਾ ਹੈ।3।
ਇਸ ਧਰਮ ਸਾਧਨਾਂ ਤੋਂ ਉਲਟ ਆਚਰਨ ਕਰਕੇ, ਰਾਗ ਦਵੇਸ਼ ਰਾਹੀਂ ਇਕੱਠੇ ਕੀਤੇ ਕਰਮਾਂ ਦਾ ਭਿਕਸ਼ੂ ਕਿਸ ਤਰ੍ਹਾਂ ਖ਼ਾਤਮਾ ਕਰਦਾ ਹੈ। ਇਕ ਚਿੱਤ ਹੋ ਕੇ ਸੁਣੋ 14 |
ਜਿਸ ਪ੍ਰਕਾਰ ਕਿਸੇ ਵੱਡੇ ਤਾਲਾਬ ਦਾ ਪਾਣੀ, ਪੀਣ ਆਉਣ ਵਾਲੇ ਰਾਹ ਤੋਂ ਰੋਕਣ ਨਾਲ ਅਤੇ ਪਹਿਲਾਂ ਮੌਜੂਦ ਪਾਣੀ ਨੂੰ ਸੂਰਜ ਅਤੇ ਗਰਮੀ ਰਾਹੀਂ ਸੁਕਾਉਣ ਨਾਲ ਜਿਵੇਂ ਸੁੱਕ ਜਾਂਦਾ ਹੈ।5।
ਉਸੇ ਤਰ੍ਹਾਂ ਸੰਜਮੀ ਦੇ ਕਰੋੜਾਂ ਭੱਵਾਂ ਜਨਮਾਂ ਦੇ ਇਕੱਠੇ ਕੀਤੇ ਕਰਮ, ਪਾਪ ਕਰਮ ਦੇ ਆਉਣ ਦੇ ਰਾਹ ਨੂੰ ਰੋਕਣ ਤੇ ਹੀ ਤਪ ਰਾਹੀਂ ਨਸ਼ਟ (ਨਿਰਜਰਾ) ਹੁੰਦੇ ਹਨ।6। ਇਹ ਤਪ ਦੋ ਪ੍ਰਕਾਰ ਦਾ ਹੈ : (1) ਬਾਹਰਲਾ (2) ਅੰਦਰਲਾ।
338