________________
ਚੌਥੇ ਪਹਿਰ ਕਾਲ ਦੀ ਪ੍ਰਤਿਲੇਖਣਾ ਕਰੇ, ਅਸੰਜਮੀ ਆਦਮੀਆਂ ਦੀ ਨੀਂਦ ਖਰਾਬ ਨਾ ਕਰਦਾ ਹੋਇਆ ਸਵਾਧਿਆਯ ਕਰੇ।45।
ਚੌਥੇ ਪਹਿਰ ਦੇ ਚੌਥੇ ਭਾਗ ਵਿਚ ਗੁਰੂ ਨੂੰ ਨਮਸਕਾਰ ਕਰੇ, ਕਾਲ ਦਾ ਪ੍ਰਤੀਕ੍ਰਮਨ ਕਰਕੇ ਸਵੇਰੇ ਕਾਲ ਦੀ ਪ੍ਰਤਿਲੇਖਣਾ ਕਰੇ।46
ਸਾਰੇ ਦੁੱਖਾਂ ਤੋਂ ਮੁਕਤ ਕਰਨ ਵਾਲੇ ਕਾਯੋਤਸਰਗ ਦਾ ਸਮਾਂ ਹੋਣ ਤੇ ਸਭ ਦੁੱਖਾਂ ਤੋਂ ਮੁਕਤ ਕਰਨ ਵਾਲੇ ਕਾਯੋਤਸਰਗ ਨੂੰ ਕਰੇ।47 ਗਿਆਨ, ਦਰਸ਼ਨ, ਚਰਿੱਤਰ ਤਪ ਅਤੇ ਵੀਰਜ (ਆਤਮਿਕ ਸ਼ਕਤੀ) ਦੋਸ਼ਾਂ ਨੂੰ ਸਿਲਸਿਲੇ ਵਾਰ ਯਾਦ ਕਰੋ।48।
ਕਾਯੋਤਸਰਗ ਪੂਰਾ ਕਰਕੇ ਗੁਰੂ ਨੂੰ ਨਮਸਕਾਰ ਕਰੇ ਫਿਰ ਸਿਲਸਿਲੇ ਵਾਰ ਰਾਤ ਸਬੰਧੀ ਦੋਸ਼ਾਂ ਦੀ ਸਿਲਸਿਲੇ ਵਾਰ ਆਲੋਚਨਾ (ਨਿੰਦਾ) ਕਰੇ।49।
ਪ੍ਰਤੀਕ੍ਰਮਨ ਕਰਕੇ, ਪਾਪ ਰਹਿਤ ਹੋ ਕੇ ਗੁਰੂ ਨੂੰ ਨਮਸਕਾਰ ਕਰੇ । ਫਿਰ ਸਾਰੇ ਦੁੱਖਾਂ ਨੂੰ ਮੁਕਤ ਕਰਨ ਵਾਲਾ ਕਾਯੋਤਸਰਗ ਕਰੇ।50। ਕਾਯੋਤਸਰਗ ਵਿਚ ਸੋਚੇ ਕਿ ਮੈਂ ਅੱਜ ਕਿਹੜਾ ਤਪ ਸਵੀਕਾਰ ਕਰਾਂ। ਕਾਯੋਤਸਰਗ ਨੂੰ ਖ਼ਤਮ ਕਰਕੇ ਤੀਰਥੰਕਰਾਂ ਦਾ ਸਿਮਰਨ ਕਰੇ। ਗੁਰੂ ਨੂੰ ਨਮਸਕਾਰ ਕਰੇ।51।
ਕਾਯੋਤਸਰਗ ਪੂਰਾ ਹੋਣ ਤੇ ਗੁਰੂ ਨੂੰ ਨਮਸਕਾਰ ਕਰੇ। ਉਸ ਤੋਂ ਬਾਅਦ ਮਨ ਮੁਤਾਬਿਕ ਤਪਸਵੀਕਾਰ ਕਰ ਲਵੇ।52
ਸੰਖੇਪ ਵਿਚ ਇਹ ਸਮਾਚਾਰੀ ਆਖੀ ਗਈ ਹੈ ਇਸ ਦਾ ਪਾਲਣ ਕਰਕੇ ਬਹੁਤ ਸਾਰੇ ਜੀਵ ਸੰਸਾਰ ਸਾਗਰ ਪਾਰ ਹੋ ਗਏ ਹਨ।53। ਇਸ ਪ੍ਰਕਾਰ ਮੈਂ ਆਖਦਾ ਹਾਂ।
256