________________
ਇਸੇ ਝੂਠ ਕਾਰਨ ਲੱਛਮੀ, ਧਨ, ਸੰਪਤੀ ਵਿਚ ਰੁਕਾਵਟ ਪੈਂਦੀ ਹੈ। ਝੂਠ ਦੂਸਰੇ ਜੀਵਾਂ ਨੂੰ ਠੱਗਣ ਵਿਚ ਬਹਾਦਰ ਹੈ। ਪਹਿਲਾਂ ਕੀਤੇ ਪਾਪਾਂ ਨੂੰ ਛੁਪਾਉਣ ਦਾ ਕਾਰਨ ਹੋਣ ਕਰਕੇ ਦੁੱਖਾਂ ਦੀ ਖਾਨ ਹੈ। ਇਸ ਲਈ ਹੈ ਜੀਵੋ ! ਕਦੇ ਵੀ ਝੂਠ ਨਾ ਬੋਲੋ।
(32) . ਜੋ ਤਰਨਹਾਰ ਜੀਵ ਸੱਚ ਬੋਲਦਾ ਹੈ, ਉਸ ਲਈ ਅੱਗ ਵੀ ਪਾਣੀ ਦੀ ਤਰ੍ਹਾਂ ਠੰਡੀ ਹੋ ਜਾਂਦੀ ਹੈ। ਸਮੁੰਦਰ ਜ਼ਮੀਨ ਬਣ ਜਾਂਦਾ ਹੈ, ਵੈਰੀ ਮਿੱਤਰ ਬਣ ਜਾਂਦਾ ਹੈ, ਸੱਚ ਬੋਲਣ ਵਾਲੇ ਦੀ ਤਾਂ ਸਵਰਗ ਦੇ ਦੇਵਤੇ ਵੀ ਸੇਵਾ ਕਰਦੇ ਹਨ। ਉਸ ਲਈ ਭਿਆਨਕ ਜੰਗਲ ਨਗਰ ਬਣ ਜਾਂਦਾ ਹੈ, ਪਰਬਤ ਸੁੰਦਰ ਘਰ ਬਣ ਜਾਂਦਾ ਹੈ, ਸੱਪ ਵੀ ਫੁੱਲਾਂ ਦਾ ਹਾਰ ਬਣ ਜਾਂਦਾ ਹੈ, ਵਿਸ਼ਾਲ ਨਰਕ ਵੀ ਚੂਹੇ ਦੀ ਖੁੱਡ ਵਾਂਗ ਹੋ ਜਾਂਦਾ ਹੈ, ਵਿਗੜਿਆ ਹਾਥੀ ਗਿੱਦੜ ਦੀ ਤਰ੍ਹਾਂ ਜਾਪਦਾ ਹੈ, ਸੱਚ ਬੋਲਣ ਦੇ ਨਾਲ ਖ਼ਤਰਨਾਕ ਕੌੜਾ ਜ਼ਹਿਰ ਮਿੱਠਾ ਅੰਮ੍ਰਿਤ ਬਣ ਜਾਂਦਾ ਹੈ। ਉਸ ਦੇ ਸਾਰੇ ਸੰਕਟ ਵੀ ਸੁਭਾਵ ਤੋਂ ਹੀ ਨਸ਼ਟ ਹੋ ਜਾਂਦੇ ਹਨ। ਇਹ ਸਭ ਸੱਚ ਬੋਲਣ ਦਾ ਪ੍ਰਭਾਵ (ਫਲ) ਸਮਝਣਾ ਚਾਹੀਦਾ ਹੈ।
(33) . ਚੋਰੀ ਨਾ ਕਰਨ ਦਾ ਫਲ :
ਜੋ ਮਨੁੱਖ ਬਿਨਾਂ ਦਿੱਤੀ ਹੋਈ ਘੱਟ ਮੁੱਲ ਦੀ ਜਾਂ ਬਹੁਮੁੱਲ ਵਸਤੂ ਚੋਰੀ ਨਹੀਂ ਕਰਦਾ , ਉਸ ਨੂੰ ਮੁਕਤੀ ਰੂਪੀ ਲੱਛਮੀ ਮਿਲਣ ਦੀ ਇੱਛਾ ਕਰਦੀ ਹੈ। ਉਹ ਚੱਕਰਵਰਤੀ ਜਾਂ ਅਰਧ ਚੱਕਰਵਰਤੀ ਦੀ ਸੰਪਤੀ ਦਾ ਸਵਾਮੀ ਹੁੰਦਾ ਹੈ। ਉਸ ਦੀ ਸਿੱਧੀ ਬਿਨਾਂ ਦੱਸੇ ਹੀ ਆਪ ਲੋਕਾਂ ਵਿਚ ਫੈਲ ਜਾਂਦੀ ਹੈ। ਜਿਸ ਦੀ ਕੀਰਤੀ ਖੁਦ ਹੀ ਸਵਰਗ ਤੱਕ ਫੈਲੀ ਹੈ। ਉਸ ਲਈ ਸੰਸਾਰ ਵਿਚ ਪੈਦਾ ਹੋਣ ਵਾਲੇ ਦੁੱਖ, ਚੰਗਾ ਨਾ ਮਿਲਣਾ, ਮੰਦਾ ਮਿਲਣਾ ਆਦਿ ਦੁੱਖ ਪੈਦਾ ਨਹੀਂ ਹੁੰਦੇ। ਉਹ ਦੇਵਤਾ ਅਤੇ ਮਨੁੱਖ ਜਨਮ ਪ੍ਰਾਪਤ ਹੁੰਦਾ ਹੈ। ਅਜਿਹੇ ਸੱਚ ਬੋਲਣ ਵਾਲੇ ਨੂੰ
