________________
ਹੈ, ਜਿਵੇਂ ਦੁਰਾਚਾਰੀ ਪਤੀ ਨੂੰ ਵੇਖ ਕੇ ਉਸ ਦੀ ਪਤਨੀ ਪਤੀ ਦਾ ਤਿਆਗ ਕਰ ਦਿੰਦੀ ਹੈ। ਯਸ਼, ਸੰਪਤੀ, ਉਸ ਪੁਰਸ਼ ਕੋਲ ਮਿੱਤਰ ਦੀ ਤਰ੍ਹਾਂ ਰਹਿੰਦੇ ਹਨ (ਜੋ ਪ੍ਰਭੂ ਭਗਤੀ ਵਿਚ ਲੀਨ ਹੈ)।
(12)
ਜੋ ਮਨੁੱਖ ਉਸ ਪ੍ਰਭੂ ਦੀ ਪੂਜਾ ਫੁੱਲਾਂ ਨਾਲ ਕਰਦਾ ਹੈ, ਉਨ੍ਹਾਂ ਦੀ ਪੂਜਾ ਸਵਰਗ ਦੀਆਂ ਦੇਵੀਆਂ ਅੱਖਾਂ ਰਾਹੀਂ ਕਰਦੀਆਂ ਹਨ। ਜੋ ਪ੍ਰਭੂ ਨੂੰ ਸੱਚੇ ਭਾਵ ਨਾਲ ਬੰਦਨਾ ਕਰਦਾ ਹੈ, ਉਸ ਜੀਵ ਨੂੰ ਤਿੰਨ ਲੋਕ ਦੇ ਜੀਵ ਦਿਨ ਰਾਤ ਬੰਦਲਾ ਕਰਦੇ ਹਨ, ਜੋ ਉਸ ਭਗਵਾਨ ਜਿਨੇਂਦਰ ਦੀ ਸਤੁਤੀ (ਗੁਣਗਾਨ) ਕਰਦਾ ਹੈ, ਦੇਵਤਾ ਉਸ ਜੀਵ ਦਾ ਗੁਣਗਾਨ ਕਰਦੇ ਹਨ। ਜੋ ਪੁਰਸ਼ ਜਿਨੇਂਦਰ ਪ੍ਰਭੂ ਦਾ ਹਿਰਦੇ ਵਿਚ ਧਿਆਨ ਕਰਦਾ ਹੈ, ਉਸ ਪੁਰਸ਼ ਦਾ ਯੋਗੀ, ਮਹਾਂਪੁਰਸ਼ ਧਿਆਨ ਕਰਦੇ ਹਨ। ਅਜਿਹਾ ਉਪਾਸਕ ਆਪਣੇ ਇਕੱਠੇ ਕੀਤੇ ਕਰਮਾਂ ਦਾ ਛੇਤੀ ਖ਼ਾਤਮਾ ਕਰਕੇ ਮੋਕਸ਼ ਨੂੰ ਪ੍ਰਾਪਤ ਕਰਦਾ ਹੈ। (ਸ਼ਵੇਤਾਂਬਰ ਜੈਨ ਸਥਾਨਕ ਵਾਸੀ ਅਤੇ ਤੇਰਾਂਪੰਥੀ ਮੂਰਤੀ ਪੂਜਾ ਵਿਚ ਵਿਸ਼ਵਾਸ ਨਹੀਂ ਰੱਖਦੇ)।
(13)
ਗੁਰੂ ਦਾ ਮਹੱਤਵ :
ਜੋ ਗੁਰੂ (ਹਿੰਸਾ, ਝੂਠ, ਚੋਰੀ, ਵਿਭਚਾਰ, ਪਰਿਗ੍ਰਹਿ ਆਦਿ) ਪਾਪਾਂ ਤੋਂ ਰਹਿਤ ਹੋ ਕੇ ਮੁਕਤੀ ਮਾਰਗ ਤੇ ਚੱਲਦੇ ਹਨ, ਉਹ ਗੁਰੂ ਦੀ ਸੇਵਾ ਅਤੇ ਆਦਰ ਦੇ ਪਾਤਰ ਹਨ। ਜੋ ਲਗਾਤਾਰ ਆਤਮ ਹਿੱਤ ਦੇ ਚਾਹਵਾਨ ਹਨ, ਜੋ ਹੋਰ ਲੋਕਾਂ ਨੂੰ ਆਤਮਹਿਤ ਦੇ ਰਾਹ ਤੇ ਚੱਲਣ ਦਾ ਉਪਦੇਸ਼ ਦਿੰਦੇ ਹਨ, ਸੰਸਾਰਿਕ ਸਰੀਰ ਦੇ ਭੋਗ ਸਬੰਧੀ ਇੱਛਾਵਾਂ ਤੋਂ ਰਹਿਤ ਹਨ। ਅਜਿਹੇ ਗੁਰੂ ਖੁਦ ਵੀ ਸੰਸਾਰ ਸਮੁੰਦਰ ਨੂੰ ਪਾਰ ਹੁੰਦੇ ਹਨ ਅਤੇ ਹੋਰ ਜੀਵਾਂ ਨੂੰ ਵੀ ਪਾਰ ਕਰਾਉਣ ਵਿਚ ਸਮਰੱਥ ਹੁੰਦੇ ਹਨ। (14)
ਜੋ ਗੁਰੂ ਅਗਿਆਨ ਨੂੰ ਨਸ਼ਟ ਕਰਦੇ ਹਨ, ਧਰਮ ਦੇ ਅਰਥ ਨੂੰ ਅਸਲੀਅਤ ਵਿਚ ਪ੍ਰਗਟ ਕਰਦੇ ਹਨ, ਸ਼ੁਭ, ਅਸ਼ੁਭ ਗਤਿ (ਜੂਨਾਂ),
