________________
ਬੱਤੀਵਾਂ ਅਧਿਐਨ (ਪਿੰਗ ਅਰਹਤ ਰਿਸ਼ ਭਾਸ਼ਿਤ)
“ਹੇ ਸਾਧਕ, ਤੂੰ ਦਿਵਯ (ਅਧਿਆਤਮਕ) ਖੇਤੀ ਕਰ, ਉਸ ਨੂੰ ਨਾ ਛੱਡ ਬਾਹਮਣ ਪਿੰਗ ਅਰਹਤ ਰਿਸ਼ੀ ਨੇ ਇਸ ਪ੍ਰਕਾਰ ਆਖਿਆ।
“ਤੁਹਾਡਾ ਖੇਤ ਕਿਥੇ ਹੈ? ਤੁਹਾਡਾ ਬੀਜ ਕਿਥੇ ਹੈ? ਤੁਹਾਡਾ ਯੁਗਲਾਂਗਲ (ਸੰਦ) ਕਿਥੇ ਹੈ? ਤੁਹਾਡੇ ਬਲਦ ਕਿੱਥੇ ਹਨ? ਫੇਰ ਹੇ ਸ੍ਰੇਸ਼ਟ ਤੁਸੀ ਖੇਤੀ ਕਿਵੇਂ ਕਰਦੇ ਹੋ ? ॥1॥
“ਆਤਮਾ ਖੇਤ ਹੈ, ਆਤਮ ਬੀਜ ਹੈ, ਸੰਜਮ ਯੁਗਲਾਂਗਲ ਹੈ, ਅਹਿੰਸਾ ਅਤੇ ਸਮਿਤੀ ਬਲਦ ਹਨ, ਇਹ ਹੀ ਧਰਮ ਦੀ ਖੇਤੀ ਹੈ। ॥2॥
“ਇਹ ਖੇਤੀ ਸ਼ੁਭ ਹੈ ਪਰ ਕੋਈ ਲੋਭ ਰਹਿਤ ਵਿਅਕਤੀ ਹੀ ਇਸ ਨੂੰ ਕਰ ਸਕਦਾ ਹੈ। ਇਹ ਖੇਤੀ ਸੁੰਦਰ ਹੈ ਅਤੇ ਲੋਕ ਵਿੱਚ ਸੁਖ ਦੇਣ ਵਾਲੀ ਹੈ। ॥3॥
‘ਪਾਣੀ ਮਾਤਰ ਤੇ ਦਿਆ ਦਾ ਝਰਨਾ ਵਹਾਉਣ ਵਾਲੀ ਇਸ ਖੇਤੀ ਨੂੰ ਕਰਕੇ ਬਾਹਮਣ, ਖੱਤਰੀ, ਵੈਸ਼ ਅਤੇ ਸੁਦਰ ਵੀ ਸਿੱਧ ਗਤੀ ਨੂੰ ਪ੍ਰਾਪਤ ਕਰ ਲੈਂਦੇ ਹਨ।
ਅਜਿਹਾ ਪਿੰਗ ਅਰਹਤ ਰਿਸ਼ੀ ਨੇ ਆਖਿਆ।
[82]
