________________
ਪਰ ਪਹਿਲਾਂ ਦੇ ਉਤਪਨ ਹੋਏ ਚੰਗੇ ਮਾੜੇ ਕਰਮਾਂ ਦਾ ਫਲ ਤਾਂ ਭੋਗਨਾ ਪਵੇਗਾ।
॥22॥
“ਜਿਸ ਦੀ ਜੜ ਛਿਨ ਹੋ ਚੁਕੀ ਹੈ ਅਜਿਹੀ ਬੇਲ ਅਤੇ ਜਿਸ ਦਾ ਮੂਲ ਸੁਕ ਗਿਆ ਹੈ, ਅਜਿਹੇ ਦਰਖਤ, ਦੋਨੋ ਹੀ ਨਸ਼ਟ ਹੋਣ ਵਾਲੇ ਹਨ। ਇਸ ਪ੍ਰਕਾਰ ਮੋਹ ਦੇ ਨਸ਼ਟ ਹੋਣ ਨਾਲ ਅੱਠੋ ਕਰਮ ਨਸ਼ਟ ਹੋ ਜਾਂਦੇ ਹਨ। ਜਿਵੇਂ ਸੇਨਾਪਤੀ ਦੇ ਪਿੱਛੇ ਹਟਦੇ ਹੀ ਸਾਰੀ ਸੇਨਾ ਦੇ ਪੈਰ ਉਖੜ ਜਾਂਦੇ ਹਨ। ॥23॥
“ਨਸ਼ਟ ਬੀਜ, ਧੂੰਆਂ ਰਹਿਤ ਅੱਗ, ਜਿਸ ਪ੍ਰਕਾਰ ਛੇਤੀ ਸਮਾਪਤ ਹੋ ਜਾਂਦੇ ਹਨ ਇਸੇ ਪ੍ਰਕਾਰ ਮੂਲ ਦੇ ਨਸ਼ਟ ਹੋਣ ਤੇ ਕਰਮ ਵੀ ਨਸ਼ਟ ਹੋ ਜਾਂਦੇ ਹਨ। ਨਸ਼ਟ ਸ਼ਬਦ ਵਾਲਾ ਉਪਦੇਸ਼ਕ ਹੀ ਸਮਾਪਤ ਹੋ ਜਾਂਦਾ ਹੈ। ॥24॥
“ਜਿਹਾ ਕਰਮ ਕਰੋਗੇ ਉਹੋ ਜਿਹਾ ਭੇਸ਼ ਧਾਰਨ ਕਰਨਾ ਠੀਕ ਰਹੇਗਾ। ਉਸ ਦੇ ਅਨੁਸ਼ਾਰ ਹੀ ਆਤਮਾ ਸੰਪਤੀ ਸੁੰਦਰਤਾ ਅਤੇ ਸ਼ਕਤੀ ਪਾਉਂਦਾ ਹੈ। ਜਿਵੇਂ ਨਾਟਕ ਵਿੱਚ ਰੰਗ ਮੰਚ ਤੇ ਨਟ ਭਿੰਨ ਭਿੰਨ ਭੇਸ਼ ਧਾਰਨ ਕਰ ਲੈਂਦਾ ਹੈ। ॥25॥
“ਵਿਸ਼ਵ ਉਤਪਤੀ ਦੀ ਭਿੰਨਤਾ ਦੇਹਧਾਰੀਆਂ ਦੀ ਭਿੰਨ ਭਿੰਨ ਰੂਪਾਂ ਵਿੱਚ ਪ੍ਰਾਪਤ ਹੁੰਦੀ ਹੈ। ਸਾਰੇ ਦਰਖਤ ਅਤੇ ਬੇਲ ਭਿੰਨ ਭਿੰਨ ਫੁਲਾਂ ਅਤੇ ਫਲਾਂ ਵਾਲੇ ਹੁੰਦੇ ਹਨ ਕਿਉਂਕਿ ਉਹਨਾਂ ਦੇ ਬੀਜ ਭਿੰਨ ਹਨ।॥26॥
“ਮੋਹ ਭਰਪੂਰ ਆਤਮਾ ਦੁਸਰੇ ਦੇ ਲਈ ਪਾਪ ਕਰਕੇ ਹਸਦਾ ਹੈ। ਮੱਛੀ ਆਟੇ ਦੀ ਗੋਲੀ ਨੂੰ ਨਿਗਲਦੀ ਹੈ, ਪਰ ਉਸ ਦੇ ਪਿੱਛੇ ਉਸ ਦੇ ਨਾਲ ਲੱਗੇ ਕੰਡੇ ਨੂੰ ਨਹੀਂ ਵੇਖਦੀ ॥27॥
“ਦੂਸਰੇ ਦੀ ਘਾਤ ਵਿੱਚ ਲੱਗਾ ਹੋਇਆ ਮਨੁੱਖ ਦਰਪ, ਮੋਹ ਅਤੇ ਸ਼ਕਤੀ ਦਾ ਪ੍ਰਯੋਗ ਕਰਦਾ ਹੈ। ਬੁੱਢਾ ਸ਼ੇਰ ਕਮਜੋਰ ਪਾਣੀ ਵਾਲੇ ਜੀਵਾਂ ਦਾ ਘਾਤ ਕਰਦਾ ਹੈ। ਇਸੇ
[58]
