________________
ਇੱਕੀਵਾਂ ਅਧਿਐਨ (ਗਾਥਾਪਤੀ ਪੁੱਤਰ ਤਰੂਨ ਅਰਹਤ ਰਿਸ਼ਿ ਭਾਸ਼ਿਤ)
“ਮੈਂ ਪਹਿਲਾਂ ਸਾਰੇ ਲੋਕ ਵਿੱਚ ਕੁੱਝ ਨਹੀਂ ਜਾਨਦਾ ਸੀ” ਇਸ ਪ੍ਰਕਾਰ ਗਾਥਾਪਤੀ ਪੁੱਤਰ ਤਰੂਨ ਅਰਹਤ ਰਿਸ਼ੀ ਨੇ ਆਖਿਆ।
“ਪਹਿਲਾਂ ਮੇਰਾ ਜੀਵਨ ਅਗਿਆਨ ਦੇ ਅੰਧੇਰੇ ਵਿੱਚ ਸੀ। ਇਸ ਲਈ ਮੈਂ ਪਹਿਲਾਂ ਕੁੱਝ ਨਹੀਂ ਜਾਨਦਾ ਸੀ, ਨਾ ਵੇਖਦਾ ਸੀ, ਨਾ ਸਹੀ ਢੰਗ ਨਾਲ ਵਿਚਾਰ ਕਰਕੇ ਜਾਨਦਾ ਸੀ, ਨਾ ਹੀ ਮੈਨੂੰ ਇਸ ਪ੍ਰਕਾਰ ਦਾ ਗਿਆਨ ਸੀ। ਹੁਣ ਗਿਆਨ ਦੇ ਪ੍ਰਕਾਸ਼ ਨਾਲ ਮੇਰੀ ਆਤਮਾ ਪ੍ਰਕਾਸ਼ਮਾਨ ਹੈ। ਇਸ ਲਈ ਮੈਂ ਹੁਣ ਜਾਨਦਾ ਹਾਂ ਵੇਖਦਾ ਹਾਂ ਪਦਾਰਥ ਦਾ ਸਹੀ ਗਿਆਨ ਰੱਖਦਾ ਹਾਂ ਅਤੇ ਮੈਨੂੰ ਸਹੀ ਬੋਧ ਹੈ।
“ਗਿਆਨ ਰਹਿਤ ਅਵਸਥਾ ਵਿੱਚ ਮੈ ਕਾਮ ਭੋਗਾਂ ਦੇ ਵੱਸ ਹੋ ਕੇ ਜੇ ਕੰਮ ਕੀਤੇ ਹਨ। ਗਿਆਨ ਪ੍ਰਾਪਤ ਕਰਕੇ ਮੇਰੇ ਲਈ ਕਾਮ ਤੋਂ ਪ੍ਰੇਰਤ ਹੋ ਕੇ ਕੋਈ ਵੀ ਕੰਮ ਨਾ ਕਰਨ ਯੋਗ ਹੈ। ਉਸ ਗਿਆਨ ਰਹਿਤ ਆਤਮਾਵਾਂ ਚਾਰ ਗਤੀ ਰੂਪੀ ਸੰਸਾਰ ਦੇ ਜੰਗਲ ਵਿੱਚ ਘੁੰਮਦੀਆਂ ਹਨ। ਗਿਆਨਵਾਨ ਆਤਮਾਵਾਂ ਇਸ ਜੰਗਲ ਦੇ ਕੰਡਿਆਲੇ ਰਾਹ ਪਾਰ ਕਰਦੀਆਂ ਹਨ ਇਸ ਲਈ ਅਗਿਆਨ ਨੂੰ ਛੱਡ ਕੇ ਮੈਂ ਗਿਆਨ ਰਾਹੀਂ ਸਾਰੇ ਦੁੱਖਾਂ ਦਾ ਅੰਤ ਕਰਾਂਗਾ ਅਤੇ ਸਾਰੇ ਦੁਖਾਂ ਦਾ ਅੰਤ ਕਰਕੇ ਸੱਚੇ, ਸ਼ਿਵ, ਅਚਲ ਭਾਵ ਸ਼ਾਸ਼ਵਤ ਸਥਾਨ ਨੂੰ ਪ੍ਰਾਪਤ ਕਰਾਂਗਾ।
“ਅਗਿਆਨ ਹੀ ਬਹੁਤ ਬੜਾ ਦੁਖ ਹੈ ਅਗਿਆਨ ਤੋਂ ਡਰ ਦਾ ਜਨਮ ਹੁੰਦਾ ਹੈ। ਸਾਰੇ ਜੀਵ ਧਾਰੀਆਂ ਲਈ ਜਨਮ ਮਰਨ ਦਾ ਮੂਲ ਕਾਰਨ ਸੰਸਾਰ ਵਿੱਚ ਫੈਲੀਆ ਅਗਿਆਨ ਹੈ। ॥1॥
“ਅਗਿਆਨ ਰਾਹੀਂ ਹਿਰਨ, ਪੰਛੀ ਤੇ ਪਾਗਲ ਹਾਥੀ ਸੰਗਲ ਵਿੱਚ ਬੰਨਦੇ ਹਨ ਅਤੇ ਮੱਛੀਆਂ ਦੇ ਗਲ ਛੇਦੇ ਜਾਂਦੇ ਹਨ ਅਗਿਆਨ ਹੀ ਸੰਸਾਰ ਦਾ ਸੱਭ ਤੋਂ ਵੱਡਾ ਡਰ ਹੈ। ॥2॥
[47]
