________________
ਛੱਤੀਵਾਂ ਅਧਿਐਨ (ਤਾਰਾਇਨ ਅਰਹਤ ਰਿਸ਼ਿ ਭਾਸ਼ਿਤ)
“ਊਗਰ (ਵਿਸ਼ਾਲ) ਰੂਪ ਵਿੱਚ ਉਤਪਨ ਹੋਣ ਵਾਲੀ, ਕਰੋਧ ਵਿੱਚ ਉਬਲਦੇ ਹੋਏ ਮਨੁੱਖ ਨੂੰ ਮੈਂ ਮਿੱਠੇ ਵਚਨ ਆਖਾਂਗਾ, ਸ਼ਾਂਤ ਵਚਨ ਆਖਾਂਗਾ, ਕਰੋਧ ਤੋਂ ਜਲ ਭੁੰਨੇ ਮਨੁੱਖ ਨੂੰ ਮੈਂ ਕਰੋਧ ਰਹਿਤ ਵਚਨ ਆਖਾਂਗਾ ਇਸ ਪ੍ਰਕਾਰ ਅਧਿਆਤਮਕ ਲੱਕਸ਼ਮੀ ਦੇ ਮਾਲਕ ਤਾਰਾਇਨ ਅਰਹਤ ਰਿਸ਼ੀ ਨੇ ਆਖਿਆ।
“ਕਰੋਧ ਪਾਤਰ (ਮਨੁੱਖ) ਦੇ ਪ੍ਰਤੀ ਕੀਤਾ ਕਰੋਧ ਮੇਰੇ ਅਤੇ ਉਸ ਦੇ ਲਈ ਦੁੱਖ ਰੂਪ ਹੁੰਦਾ ਹੈ। ਇਸ ਲਈ ਉਤਪਨ ਹੋਏ ਕਰੋਧ ਨੂੰ ਜਲਦੀ ਹੀ ਰੋਕ ਦੇਣਾ ਚਾਹਿਦਾ ਹੈ”॥1॥
“ਕਰੋਧ ਹੈ, ਅੱਗ ਹੈ, ਹਨੇਰਾ ਹੈ, ਮੌਤ ਹੈ, ਜ਼ਹਿਰ ਹੈ, ਦੁਸ਼ਮਣ ਹੈ, ਮਿੱਟੀ ਹੈ, ਬਿਮਾਰੀ ਹੈ, ਬੁੱਢਾਪਾ ਹੈ, ਨੁਕਸਾਨ ਹੈ, ਡਰ ਹੈ, ਸੋਗ ਹੈ, ਮੋਹ ਹੈ, ਸ਼ਲਯ ਹੈ ਅਤੇ ਹਾਰ ਹੈ।॥2॥
ਅੱਗ ਦੀ ਸ਼ਕਤੀ ਮਹਾਨ ਹੈ, ਕਰੋਧ ਦੀ ਸ਼ਕਤੀ ਉਸ ਤੋਂ ਜਿਆਦਾ ਹੈ, ਅੱਗ ਦੀ ਪਕੜ ਤਾਂ ਥੋੜੀ ਹੈ ਪਰ ਕਰੋਧ ਦੀ ਪਕੜ ਮਰਿਆਦਾ ਰਹਿਤ ਹੈ”। ॥3॥
“ਬਾਹਰ ਦੀ ਜਲਦੀ ਅੱਗ ਨੂੰ ਪਾਣੀ ਨਾਲ ਬੁਝਾਇਆ ਜਾ ਸਕਦਾ ਹੈ ਪਰ ਕਰੋਧ ਦੀ ਅੱਗ ਨੂੰ ਸਾਰੇ ਸਮੁੰਦਰਾ ਦਾ ਪਾਣੀ ਵੀ ਨਹੀਂ ਬੁੱਝਾ ਸਕਦਾ। ॥4॥
“ਅੱਗ ਤਾਂ ਕੇਵਲ ਇੱਕ ਜਨਮ ਨੂੰ ਜਲਾਉਂਦੀ ਹੈ ਅਤੇ ਅੱਗ ਦਾ ਜਖਮੀ ਵਿੱਅਕਤੀ ਬਾਅਦ ਵਿੱਚ ਠੀਕ ਵੀ ਹੋ ਸਕਦਾ ਹੈ, ਪਰ ਕਰੋਧ ਦੀ ਅੱਗ ਤਾਂ ਬਿਨਾ ਸੇਕ ਲੋਕ ਤੇ ਪਰਲੋਕ ਨੂੰ ਜਲਾਉਂਦੀ ਹੈ। ॥5॥
“ਅੱਗ ਵਿੱਚ ਜਲਨ ਵਾਲਾ ਮਨੁੱਖ ਸ਼ਾਂਤੀ ਚਾਹੁੰਦਾ ਹੈ ਪਰ ਕਰੋਧ ਦੀ ਅੱਗ ਵਿਚ ਜਲੇ ਹੋਏ ਜੀਵ, ਫਿਰ ਉਸ ਦੁੱਖ ਨੂੰ ਬੁਲਾਵਾ ਦਿੰਦੇ ਹਨ। ॥6॥
[93]
