________________
ਉਸ ਕਾਲ, ਉਸ ਸਮੇਂ ਭਗਵਾਨ ਪਾਰਸ਼ਨਾਥ ਪੁਰਸ਼ਾਦਾਨੀਆ ਤੀਰਥੰਕਰ ਉਸ ਨਗਰੀ ਵਿੱਚ ਪਧਾਰੇ। ਭਗਵਾਨ ਪਾਰਸ਼ਨਾਥ ਦਾ ਸ਼ਰੀਰ 9 ਹੱਥ ਉੱਚਾ ਸੀ। ਧਰਮ ਪਰਿਸ਼ਧ ਜੁੜੀ। ਭੂਤਾਂ ਨੂੰ ਭਗਵਾਨ ਪਾਰਸ਼ਨਾਥ ਦੇ ਪਹੁੰਚਨ ਦਾ ਸਮਾਚਾਰ ਪਤਾ ਲੱਗਾ। ਉਹ ਬਹੁਤ ਖੁਸ਼ ਹੋਈ।
| ਫੇਰ ਉਹ ਮਾਂ ਪਿਉ ਕੋਲ ਆ ਕੇ ਆਖਣ ਲੱਗੀ, “ਹੇ ਸਤਿਕਾਰ ਯੋਗ ਮਾਤਾ ਜੀ ਤੇ ਪਿਤਾ ਜੀ। ਅਰਿਹੰਤ, ਪੁਰਸ਼ਾਦਾਨੀ, ਭਗਵਾਨ ਪਾਰਸ਼ਨਾਥ ਪਿੰਡ ਪਿੰਡ ਧਰਮ ਪ੍ਰਚਾਰ ਕਰਦੇ ਹੋਏ, ਬਹੁਤ ਸਾਰੇ ਸਾਧੂ ਸਾਧਵੀਆਂ ਇਸ ਨਗਰ ਵਿੱਚ ਪਧਾਰੇ ਹਨ। ਮੇਰੀ ਇਹ ਪ੍ਰਵਲ ਇੱਛਾ ਹੈ ਕਿ ਮੈਂ ਆਪ ਦੋਹਾਂ ਦੀ ਆਗਿਆ ਲੈ ਕੇ ਭਗਵਾਨ ਪਾਰਸ਼ਨਾਥ ਨੂੰ ਬੰਦਨ ਨਮਸਕਾਰ ਕਰਨ ਜਾਵਾਂ ਧਰਮ ਰੂਪੀ ਸੇਵਾ ਭਗਤੀ ਕਰਾਂ
ਉਸ ਦੀ ਗੱਲ ਸੁਣਕੇ ਮਾਤਾ ਪਿਤਾ ਨੇ ਕਿਹਾ, “ਹੇ ਪੁੱਤਰੀ ! ਜਿਵੇਂ ਤੇਰੀ ਆਤਮਾ ਨੂੰ ਸੁਖ ਹੋਵੇ, ਉਸ ਪ੍ਰਕਾਰ ਕਰ। ਪਰ ਚੰਗੇ ਕੰਮ ਵਿੱਚ ਅਣਗਹਿਲੀ ਠੀਕ ਨਹੀਂ ॥2॥
ਇਸ ਤੋਂ ਬਾਅਦ ਭੂਤਾਂ ਨੇ ਇਸ਼ਨਾਨ ਕੀਤਾ। ਮੰਗਲ ਸ਼ਗਨ ਕੀਤੇ। ਗਹਿਣੇ ਕਪੜੇ ਪਹਿਨ ਕੇ ਧਾਰਮਿਕ ਰੱਥ ਤੇ ਸਵਾਰ ਹੋ ਗਈ। ਉਹ ਦਾਸ ਦਾਸੀਆਂ ਨੂੰ ਨਾਲ ਲੈ ਕੇ ਗੁਣਸ਼ੀਲ ਚੇਤਯ ਵਿੱਚ ਪਹੁੰਚੀ। ਉੱਥੇ ਉਸ (ਤੀਰਥੰਕਰ) ਅਸ਼ਟ ਪ੍ਰਤਿਹਾਰੇ ਵੇਖੇ।
ਰੱਥ ਬਾਹਰ ਖੜ੍ਹਾ ਕੀਤਾ ਦਾਸ ਦਾਸੀਆਂ ਨਾਲ ਘਿਰੀ ਉਹ ਉਸ ਸਥਾਨ ਤੇ ਆਈ ਜਿੱਥੇ ਪੁਰਸ਼ਾਦਾਨੀ ਭਗਵਾਨ ਪਾਰਸ਼ਨਾਥ ਬਿਰਾਜਮਾਨ ਸਨ ਵਿਧੀ ਨਾਲ (ਤਿਖਤੋਂ ਪਾਠ ਪੜ੍ਹਕੇ) ਭਗਵਾਨ ਪਾਰਸ਼ਨਾਥ ਨੂੰ ਬੰਦਨਾ ਨਮਸਕਾਰ ਕੀਤਾ।
- 98 -
