________________
ਉਸ ਕਾਲ ਉਸ ਸਮੇਂ, ਸ਼੍ਰੀ ਦੇਵੀ ਸੁਧਰਮਾ ਦੇਵ ਲੋਕ ਵਿਚ ਸ਼੍ਰੀ ਅਵਤੰਸਕ ਵਿਮਾਨ ਦੀ ਸੁਧਰਮ ਸੁਭਾ ਦੇ ਸ਼੍ਰੀ ਨਾਮਕ ਸਿੰਘਾਸਨ ਤੇ ਅਪਣੇ 4 ਹਜ਼ਾਰ ਸਾਮਾਨਿਕ ਦੇਵਤਿਆਂ, ਚਾਰ ਹਜ਼ਾਰ ਮਹੱਤਰਾਵਾਂ ਦੇ ਦੇਵੀ ਪਰਿਵਾਰ ਨਾਲ ਬੈਠੀ ਸੀ।
ਜਿਸ ਪ੍ਰਕਾਰ ਬਹੁਪੁੱਤਰੀਕਾ ਦਾ ਵਰਨਣ ਕੀਤਾ ਗਿਆ ਹੈ, ਉਸੇ ਪ੍ਰਕਾਰ ਦੇਵੀ ਵੀ ਭਗਵਾਨ ਮਹਾਵੀਰ ਨੂੰ ਬੰਦਨ ਨਮਸਕਾਰ ਕਰਨ ਆਈ। ਨਾਟਕ ਵਿਖਾ ਕੇ ਚਲੀ ਗਈ। ਮੁੱਖ ਫਰਕ ਇਹ ਹੈ ਕਿ ਇਸ ਨੇ ਮਾਈਆ ਰਾਹੀਂ ਬੱਚੇ ਬੱਚਿਆਂ ਨਹੀਂ ਬਣਾਏ। ॥1॥
ਫੇਰ ਗੋਤਮ ਸਵਾਮੀ ਨੇ ਸ਼੍ਰੀ ਦੇਵੀ ਦੇ ਪਿਛਲੇ ਜਨਮ ਸੰਬਧੀ ਪ੍ਰਸ਼ਨ ਪੁੱਛਿਆ?
ਭਗਵਾਨ ਮਹਾਵੀਰ ਨੇ ਉੱਤਰ ਦਿੱਤਾ, ਉਸ ਕਾਲ ਉਸ ਸਮੇਂ ਰਾਜਗ੍ਰਹਿ ਨਾਂ ਦੀ ਨਗਰੀ ਸੀ। ਗੁਣਸ਼ੀਲ ਨਾਂ ਦਾ ਚੇਤਯ ਸੀ, ਉੱਥੇ ਜਿਤਸੁਤਰੂ ਨਾਂ ਦਾ ਰਾਜਾ ਰਾਜ ਕਰਦਾ ਸੀ। ਉਸੇ ਸ਼ਹਿਰ ਵਿਚ ਸੁਦਰਸ਼ਨ ਨਾਂ ਦਾ ਗਾਥਾਪਤਿ ਰਹਿੰਦਾ ਸੀ। ਜੋ ਰਿੱਧੀ ਵਾਨ ਤੇ ਪ੍ਰਸਿਧ ਸੀ। ਉਸ ਦੀ ਪ੍ਰਿਆ ਨਾਂ ਦੀ ਸੋਹਨੀ ਤੇ ਕੋਮਲ ਅੰਗਾਂ ਵਾਲੀ ਪਤਨੀ ਸੀ।
ਉਸ ਸੁਦਰਸ਼ਨ ਗਾਥਾਪਤਿ ਦੀ ਪਤਨੀ ਤੋਂ ਭੂਤਾਂ ਨਾਂ ਦੀ ਕੰਨਿਆ ਪੈਦਾ ਹੋਈ। ਉਹ ਲੜਕੀ ਛੋਟੀ ਉਮਰ ਵਿੱਚ ਹੀ ਬੁੱਢੀ ਲਗਦੀ ਸੀ। ਕੁਆਰੀ ਉਮਰ ਵਿੱਚ ਹੀ ਉਸ ਦਾ ਸ਼ਰੀਰ ਟੁੱਟ ਚੁਕਾ ਸੀ, ਛਾਤੀਆਂ ਮਾਸ ਰਹਿਤ ਲਟਕੀਆਂ ਹੋਈਆਂ ਸਨ। ਉਸ ਲੜਕੀ ਦੇ ਸਾਰੇ ਅੰਗ ਢਿੱਲੇ ਵਿਖਾਈ ਦੇ ਰਹੇ ਸਨ। ਕੋਈ ਪੁਰਸ਼ ਵੀ ਉਸ ਨੂੰ ਸਵੀਕਾਰ ਕਰਨ ਲਈ ਤਿਆਰ ਸੀ। ਇਸ ਲਈ ਉਹ ਪਤੀ ਰਹਿਤ ਭਾਵ ਕੁਆਰੀ
ਸੀ
- 97 -
