________________
ਸ੍ਰੀ ਸੁਧਰਮਾ ਸਵਾਮੀ ਆਖਣ ਲੱਗੇ ਹੇ ਜੰਬੂ ! ਮੁਕਤੀ ਨੂੰ ਪ੍ਰਾਪਤ ਹੋਏ ਭਗਵਾਨ ਮਹਾਵੀਰ ਨੇ ਉਪਾਗਾਂ ਦੇ ਪੰਜ ਵਰਗਾਂ ਬਾਰੇ ਫਰਮਾਇਆ ਹੈ। ਜਿਵੇਂ (1). ਨਿਰਯਾਵਲੀਕਾ (2). ਕਲਪਾਵੰਤਸਿਕਾ (3). ਪੁਸ਼ਪਿਕਾ (4). ਪੁਸ਼ਪਚੂਲਿਕਾ (5). ਵਰਿਸ਼ਨੀਦਸ਼ਾ। ॥4॥
| ਆਰਿਆ ਜੰਬੂ ਸਵਾਮੀ ਨੂੰ ਪ੍ਰਸ਼ਨ ਕਰਦੇ ਹਨ, “ਹੇ ਭਗਵਾਨ! ਜੋ ਮੁਕਤੀ ਨੂੰ ਪ੍ਰਾਪਤ ਹੋਏ ਭਗਵਾਨ ਨੇ ਉਪਾਗਾਂ ਦੇ ਪੰਜ ਵਰਗ ਨਿਰਯਾਵਲੀਕਾ ਤੋਂ ਵਰਿਸ਼ਨੀਦਸ਼ਾ ਤੱਕ ਆਖੇ ਹਨ, ਤਾਂ ਪਹਿਲੇ ਨਿਰਯਵਲਿਕਾ ਉਪਾਗਾਂ ਦੇ ਮੁਕਤੀ ਨੂੰ ਪ੍ਰਾਪਤ ਹੋਏ ਭਗਵਾਨ ਮਹਾਵੀਰ ਨੂੰ ਕਿੰਨੇ ਅਧਿਐਨ ਫਰਮਾਏ ਹਨ ?
ਇਹ ਆਖਣ ਤੇ ਸੁਧਰਮਾ ਸਵਾਮੀ ਆਖਣ ਲੱਗੇ, “ਹੇ ਜੰਬੂ ! ਮੁਕਤੀ ਨੂੰ ਪ੍ਰਾਪਤ ਹੋਏ ਮਣ ਭਗਵਾਨ ਮਹਾਵੀਰ ਨੇ ਪਹਿਲੇ ਉਪਾਗ ਨਿਰਯਵਲਿਕਾ ਦੇ ਦੱਸ ਅਧਿਐਨ ਪ੍ਰਗਟ ਕੀਤੇ ਹਨ ਉਨ੍ਹਾਂ ਦੇ ਨਾਉ ਇਸ ਪ੍ਰਕਾਰ ਹਨ: 1. ਕਾਲ, 2. ਕਾਲ, 3. ਮਹਾਕਾਲ, 4. ਕ੍ਰਿਸ਼ਨ, 5. ਸੁਕ੍ਰਿਸ਼ਨ, 6. ਮਹਾ ਕ੍ਰਿਸ਼ਨ, 7. ਵੀਰ ਕ੍ਰਿਸ਼ਨ, 8. ਰਾਮ ਕ੍ਰਿਸ਼ਨ, 9. ਪਿਤਰਸੇਨ ਕ੍ਰਿਸ਼ਨ, 10. ਮਹਾਸੇਨ ਕ੍ਰਿਸ਼ਨ
॥5॥
ਜੇ ਮੁਕਤੀ ਨੂੰ ਪ੍ਰਾਪਤ ਹੋਏ ਭਗਵਾਨ ਮਹਾਵੀਰ ਨੇ ਪਹਿਲੇ ਵਰਗ ਨਿਰਯਵਲਿਕਾ ਦੇ ਦਸ ਅਧਿਐਨ ਪ੍ਰਗਟ ਕੀਤੇ ਹਨ ਤਾਂ ਨਿਰਯਾਵਲੀਕਾ ਸੁਤਰ ਦੇ ਪਹਿਲੇ ਅਧਿਐਨ ਦਾ ਮੁਕਤੀ ਨੂੰ ਪ੍ਰਾਪਤ ਹੋਏ ਦਾ ਕੀ ਅਰਥ ਪ੍ਰਗਟ ਕੀਤਾ ਹੈ।
| ਇਸ ਪ੍ਰਕਾਰ ਹੈ ਜੰਬੂ ! ਉਸ ਕਾਲ, ਉਸ ਸਮੇਂ ਇਸ ਜੰਬੂ ਦੀਪ ਵਿੱਚ ਭਾਰਤ ਵਰਸ਼ ਨਾਂ ਦਾ ਦੀਪ ਸੀ ਉਸ ਵਿੱਚ ਰਿਧੀਆਂ ਸਿਧੀਆਂ ਨਾਲ ਭਰਪੂਰ ਚੰਪਾ ਨਾਂ ਦੀ ਨਗਰੀ ਸੀ ਜੋ ਭਵਨਾ ਵਾਲੀ ਭੈ ਰਹਿਤ ਸੀ, ਉਥੇ ਪੁਰਨਭਦਰ ਨਾਂ ਦਾ ਚੇਤਯ (ਬਗੀਚਾ) ਸੀ। ॥6॥
- 4
-
