________________
ਦਾ ਚੰਗਾ ਸਵਾਗਤ ਹੋਇਆ, ਸਹਿਦੇਵ ਨੂੰ ਇਹ ਸੁਣ ਕੇ ਤਸੱਲੀ ਹੋਈ ਕਿ ਉਸ ਦਾ ਭਾਣਜਾ ਵੀ ਆਪਣੇ ਧਰਮ ਵਿੱਚ ਪੱਕਾ ਹੈ। ਸਹਿਦੇਵ ਨੇ ਮਹੇਸਵਰਦੱਤ ਨੂੰ ਯੋਗ ਜਾਣਕੇ ਆਪਣੀ ਪੁੱਤਰੀ ਦੀ ਸ਼ਾਦੀ ਉਸ ਨਾਲ ਕਰ ਦਿਤੀ। ਮਹੇਸ਼ਵਰਦੱਤ ਉਸਨੂੰ ਲੈਕੇ ਅਪਣੇ ਘਰ ਆਇਆ। ਉਹ ਵੀ ਨਰਮਦਾ ਦੇ ਸਮਝਾਉਣ ਤੇ ਪੱਕਾ ਜੈਨ ਧਰਮ ਨੂੰ ਮੰਨਣ ਵਾਲਾ ਬਣ ਗਿਆ ਅਤੇ ਕਪਟੀ ਜੀਵਨ ਨੂੰ ਛੱਡ ਦਿੱਤਾ। ਹੁਣ ਸਾਰਾ ਪਰਿਵਾਰ ਜੈਨ ਧਰਮ ਦੀ ਭਗਤੀ ਵਿੱਚ ਡੁੱਬਾ ਰਹਿੰਦਾ ਸੀ।
ਨਰਮਦਾ ਸੁੰਦਰੀ ਇੱਕ ਦਿਨ ਮਹਿਲ ਦੇ ਝਰੋਖੇ ਵਿੱਚ ਬੈਠੀ ਸਹੇਲੀਆਂ ਨਾਲ ਗੱਲਾਂ ਕਰ ਰਹੀ ਸੀ। ਉਸ ਦੇ ਮੂੰਹ ਵਿੱਚ ਪਾਨ ਦਾ ਬਿੜਾ ਸੀ। ਉਸੇ ਸਮੇਂ ਇੱਕ ਮਹੀਨੇ ਦੀ ਤੱਪਸਿਆ ਕਰਨ ਵਾਲੇ ਮੁਨੀ ਵਰਤ ਖੋਲਣ ਲਈ ਆਏ। ਸੂਰਜ ਦੀ ਭਿੰਅਕਰ ਗਰਮੀ ਵਿੱਚ ਉਸੇ ਝਰੋਖੇ ਹੇਠਾਂ ਆਰਾਮ ਕਰਨ ਲਈ ਖੜੇ ਹੋਏ। ਨਰਮਦਾ ਸੁੰਦਰੀ ਨੇ ਬੇ ਧਿਆਨੀ ਪਾਨ ਦੀ ਪੀਕ ਬੁੱਕੀ ਅਤੇ ਮੁਨੀ ਦੇ ਸਰੀਰ ਤੇ ਉਹ ਪੀਕ ਗਿਰ ਗਈ। ਤੱਪਸਵੀ ਮੁਨੀ ਨੇ ਉਪਰ ਵੇਖ ਕੇ ਕਿਹਾ, “ਤੈਨੂੰ ਧਨ ਸੰਪਤੀ ਦਾ ਅਹੰਕਾਰ ਹੈ। ਜਲਦੀ ਹੀ ਤੈਨੂੰ ਪਤੀ ਦਾ ਵਿਯੋਗ ਹੋਵੇਗਾ। ਇਹ ਗੱਲ ਸੁਣ ਕੇ ਨਰਮਦਾ ਸੁੰਦਰੀ ਬਹੁਤ ਦੁਖੀ ਹੋਈ ਅਤੇ ਸ਼ਰਮਿੰਦਾ ਹੋਕੇ ਮੁਨੀ ਦੇ ਸਾਹਮਣੇ ਆਈ ਅਤੇ ਬੰਦਨਾ ਕਰਕੇ ਆਖਣ ਲੱਗੀ, “ਮਹਾਰਾਜ ! ਇਹ ਦੋਸ਼ ਤਾਂ ਮੇਰੇ ਕੋਲੋ ਅਨਜਾਣ ਪੁਣੇ ਵਿੱਚ ਹੋਇਆ ਹੈ। ਮੈਂ ਤਾਂ ਖੁਦ ਜੈਨ ਧਰਮ ਦੀ ਉਪਾਸਕ ਹਾਂ ਮੈਨੂੰ ਸਰਾਪ ਨਾ ਦਿਉ। ਆਪ ਖਿਮਾ ਦੇ ਅਵਤਾਰ ਹੋ ਇਸ ਲਈ ਮੈਨੂੰ ਖਿਮਾ ਕਰੋ। ਮੁਨੀ ਨੇ ਸ਼ਾਂਤ ਹੋ ਕੇ ਗੰਭੀਰ ਹੋ ਕੇ ਕਿਹਾ, “ਭੈਣ ! ਹੋਣੀ ਨੂੰ ਕੋਈ ਨਹੀਂ ਟਾਲ ਸਕਦਾ, ਹੋਣੀ ਨੇ ਹੀ ਇਹ ਵਾਕ ਮੇਰੇ ਮੂੰਹ ਵਿੱਚੋਂ ਕਢਵਾਇਆ ਹੈ। ਧੀਰਜ ਧਾਰਨ ਕਰਕੇ ਕਰਮ ਫਲ ਭੋਗ ਲੈਣਾ ਚੰਗਾ ਹੈ। ਨਰਮਦਾ ਬਹੁਤ ਦੁਖੀ ਹੋਈ, ਮੁਨੀ ਅੱਗੇ ਚਲੇ ਗਏ, ਕੁੱਝ ਸਮੇਂ ਬਾਅਦ ਮਹੇਸ਼ਵਰਦਤ ਨੇ ਵਿਉਪਾਰ ਦੇ ਲਈ ਬਾਹਰ ਜਾਣ ਦਾ ਮਨ ਬਣਾ ਲਿਆ। ਨਰਮਦਾ ਸੁੰਦਰੀ
[50]
