________________
ਇੱਕ ਦਿਨ ਉਹ ਵਰਿਸ਼ਵਸੈਨ ਦੇ ਘਰ ਜਾ ਪਹੁੰਚਿਆ। ਵਰਿਸ਼ਵਸੈਨ ਸਤਿਕਾਰ ਕਰਨ ਤੋਂ ਬਾਅਦ ਉਸ ਦਾ ਪਤਾ ਪੁੱਛਿਆ ਤਾਂ ਰੁਦਰਦੱਤ ਨੇ ਆਧਿਆਤਮਕ ਭਾਸ਼ਾ ਵਿੱਚ ਆਖਿਆ, “ਸੰਸਾਰ ਵਿੱਚ ਕੋਈ ਵੀ ਚੀਜ ਸਥਿਰ ਨਹੀਂ ਹੈ, ਫਿਰ ਪਤਾ ਕਿਸ ਤਰ੍ਹਾਂ ਆਖਿਆ ਜਾਵੇ। 84 ਲੱਖ ਜਨਮਾਂ ਤੋਂ ਬਾਅਦ ਮਨੁੱਖੀ ਜੂਨੀ ਮਿਲੀ ਹੈ”। ਉਸ ਨੂੰ ਧਾਰਮਿਕ ਜਾਣਕੇ ਵਰਿਸ਼ਵਸੈਨ ਨੇ ਆਪਣੀ ਪੁੱਤਰੀ ਦੀ ਸ਼ਾਦੀ ਰੁਦਰਦੱਤ ਨਾਲ ਕਰ ਦਿੱਤੀ। ਰਿਸ਼ਿਦੱਤਾ ਆਪਣੇ ਪਤੀ ਦੇ ਘਰ ਆਈ, ਤਾਂ ਉਸ ਨੂੰ ਸਮਝਣ ਵਿੱਚ ਦੇਰ ਨਾ ਲੱਗੀ ਕਿ ਉਸ ਦੇ ਪਤੀ ਨੇ ਉਸ ਨਾ ਧੋਖਾ ਕੀਤਾ ਹੈ। ਉਸ ਘਰ ਵਿੱਚ ਮਹੇਸ਼ਵਰ ਦੀ ਪੂਜਾ ਹੁੰਦੀ ਹੈ। “ਅਜਿਹੇ ਹਾਲਾਤ ਵਿੱਚ ਮੈਂ ਆਪਣੇ ਧਰਮ ਦਾ ਪਾਲਣ ਕਿਸ ਤਰ੍ਹਾਂ ਕਰਾਂਗੀ? ਜੋ ਕੁੱਝ ਵੀ ਹੋਵੇ ਮੈਂ ਆਪਣੇ ਧਰਮ ਨੂੰ ਨਹੀਂ ਛੱਡਾਂਗੀ” ।
ਕੁੱਝ ਸਮੇਂ ਬਾਅਦ ਰਿਸ਼ਿਦੱਤਾ ਦੇ ਘਰ ਮਹੇਸ਼ਵਰਦਤ ਨਾਂ ਦਾ ਪੁੱਤਰ ਪੈਦਾ ਹੋਇਆ। ਰਿਸ਼ਿਦੱਤਾ ਦੇ ਭਾਈ ਸ਼ਹਿਦੇਵ ਦੀ ਪਤਨੀ ਸੁੰਦਰੀ ਨੇ ਗਰਭ ਧਾਰਨ ਕੀਤਾ। ਉਸਦੇ ਘਰ ਸਮਾਂ ਪੂਰਾ ਹੋਣ ਤੇ ਨਰਮਦਾ ਸੁੰਦਰੀ ਨਾਂ ਦੀ ਲੜਕੀ ਪੈਦਾ ਹੋਈ। ਨਰਮਦਾ ਸੁੰਦਰੀ ਦੂਜ ਦੇ ਚੰਦ ਦੀ ਤਰ੍ਹਾਂ ਸੋਹਣੀ ਸੀ। ਸਮਾਂ ਪੈਣ ਤੇ ਉਹ ਯੁਵਤੀ ਬਣ ਗਈ। ਰਿਸਿਦੱਤਾ ਨੂੰ ਜਦੋਂ ਨਰਮਦਾ ਸੁੰਦਰੀ ਬਾਰੇ ਜਾਣਕਾਰੀ ਮਿਲੀ, ਤਾਂ ਉਸ ਨੇ ਨਰਮਦਾ ਸੁੰਦਰੀ ਨੂੰ ਆਪਣੀ ਨੂੰਹ ਬਣਾਉਣ ਦਾ ਫੈਸਲਾ ਕੀਤਾ। ਉਸ ਨੇ ਸੋਚਿਆ “ਹੁਣ ਮੈਂ ਇਕਲੀ ਹਾਂ ਪਰ ਨਰਮਦਾ ਸੁੰਦਰੀ ਦੇ ਆਉਣ ਨਾਲ ਮੈਂ ਧਰਮ ਵਿੱਚ ਦ੍ਰਿੜ ਰਹਿਕੇ ਉਲਟ ਹਾਲਾਤ ਦਾ ਚੰਗੀ ਤਰ੍ਹਾਂ ਨਾਲ ਮੁਕਾਬਲਾ ਕਰ ਸਕਾਂਗੀ”। ਪਰ ਰੁਦਰਦੱਤ ਪਹਿਲਾਂ ਕੀਤੇ ਧੋਖੇ ਕਾਰਨ ਵਰਧਮਾਨ ਨਗਰ ਨਾ ਜਾ ਸਕਿਆ। ਰਿਸਿਦੱਤਾ ਨੇ ਅਪਣੇ ਪੁੱਤਰ ਨੂੰ ਵਰਧਮਾਨ ਜਾਣ ਲਈ ਤਿਆਰ ਕੀਤਾ ਅਤੇ ਜਾਣ ਦਾ ਉਦੇਸ਼ ਦੱਸਿਆ। ਉਦੇਸ਼ ਸੁਣ ਕੇ ਉਹ ਵੀ ਮਾਮੇ ਦੀ ਪੁਤਰੀ ਨਰਮਦਾ ਨਾਲ ਵਿਆਹ ਕਰਵਾਉਣ ਲਈ ਤਿਆਰ ਹੋ ਗਿਆ। ਨਾਨਕੇ ਘਰ ਮਹੇਸ਼ਵਰਦਤ
[49]
