________________
ਸਤੀ ਨਰਮਦਾ ਸੁੰਦਰੀ ਵਰਧਮਾਨ ਨਗਰ ਵਿੱਚ ਰਿਸ਼ਵਸੈਨ ਨਾਂ ਦਾ ਇੱਕ ਪ੍ਰਸਿੱਧ ਵਿਉਪਾਰੀ ਰਹਿੰਦਾ ਸੀ। ਉਸਦੀ ਪਤਨੀ ਦਾ ਨਾਂ ਵੀਰਮਤੀ ਸੀ। ਉਸ ਦੇ ਵੀਰਸੈਨ ਅਤੇ ਸਹਿਦੇਵ ਨਾਂ ਦੇ ਦੋ ਪੁੱਤਰ ਅਤੇ ਰਿਸ਼ਿਦੱਤਾ ਨਾਂ ਦੀ ਇੱਕ ਪੁੱਤਰੀ ਸੀ।
ਸਮਾਂ ਪੈਣ ਤੇ ਰਿਸ਼ਿਦੱਤਾ ਵਿਆਹ ਯੋਗ ਹੋ ਗਈ। ਪਰ ਸ਼ਹਿਰ ਵਿੱਚ ਉਸ ਦੇ ਲਈ ਕੋਈ ਜੈਨ ਧਰਮ ਨੂੰ ਮੰਨਣ ਵਾਲਾ ਵਰ ਨਹੀਂ ਮਿਲ ਰਿਹਾ ਸੀ। ਇਸ ਕਾਰਨ ਮਾਤਾ ਪਿਤਾ ਦਾ ਚਿੰਤਾ ਵਿੱਚ ਰਹਿਣਾ ਸੁਭਾਵਿਕ ਸੀ। ਅਚਾਨਕ ਹੀ ਰੂਪਚੰਦ ਨਗਰ ਦਾ ਦਰਦੱਤ ਨਾਂ ਦਾ ਇੱਕ ਨੌਜਵਾਨ ਵਿਉਪਾਰੀ ਵਰਧਮਾਨਪੁਰ ਵਿੱਚ ਆਇਆ। ਉਸ ਦੀ ਦੋਸਤੀ ਇਸੇ ਸ਼ਹਿਰ ਦੇ ਕੁਬੇਰ ਦੱਤ ਨਾਂ ਦੇ ਬਾਣੀਏ ਨਾਲ ਹੋ ਗਈ। ਕੁਬੇਰ ਦੱਤ ਨੇ ਉਸ ਨੂੰ ਅਪਣੇ ਘਰ ਭੋਜਨ ਲਈ ਬੁਲਾਇਆ। ਭੋਜਨ ਤੋਂ ਬਾਅਦ ਜਦ ਰੂਦਰਦੱਤ ਝਰੋਖੇ ਵਿੱਚ ਬੈਠਾ ਸੀ ਤਾਂ ਉਸ ਦੀ ਨਜ਼ਰ ਰਿਸ਼ਿਦੱਤਾ ਤੇ ਪਈ। ਸ਼ਿਦੱਤਾ ਦੀ ਸੁੰਦਰਤਾ ਨੂੰ ਵੇਖਕੇ ਉਹ ਬੇਹੋਸ਼ ਹੋ ਗਿਆ। ਮਿੱਤਰ ਰਾਹੀਂ ਹੋਸ਼ ਵਿੱਚ ਲਿਆਉਣ ਅਤੇ ਕਾਰਨ ਪੁੱਛਣ ‘ਤੇ, ਉਸ ਨੇ ਕਿਹਾ ਇਹ ਕੰਨਿਆ ਕਿਸ ਦੀ ਹੈ ਅਤੇ ਇਸ ਦਾ ਘਰ ਦੱਸੋ। | ਕੁਬੇਰ ਦੱਤ ਨੇ ਆਖਿਆ, “ਤੁਹਾਡੀ ਇੱਛਾ ਬੇਕਾਰ ਹੈ। ਕਿਉਂਕਿ ਇਹ ਕੰਨਿਆ ਵਰਿਸ਼ਵਸੈਨ ਦੀ ਹੈ, ਜੋ ਕਿਸੇ ਅਜੈਨ ਨੂੰ ਅਪਣੀ ਕੰਨਿਆ ਨਹੀਂ ਦੇ ਸਕਦਾ। ਆਪਣੇ ਮਿੱਤਰ ਦੀ ਗੱਲ ਸੁਣ ਕੇ, ਉਸ ਨੇ ਕਪਟ ਰਾਹੀਂ ਰਿਸ਼ਿਦੱਤਾ ਨੂੰ ਪਾਉਣ ਦਾ ਮਨ ਬਣਾ ਲਿਆ। ਉਹ ਇਕ ਜੈਨ ਮੁਨੀ ਕੋਲ ਜਾ ਕੇ ਧਰਮ ਉਪਦੇਸ਼ ਸੁਣਨ ਲੱਗਾ। ਕੁੱਝ ਸਮਾਂ ਬਾਅਦ ਉਹ ਨਕਲੀ ਜੈਨੀ ਬਣ ਕੇ, ਉਪਾਸ਼ਕ ਦੇ ਵਰਤਾਂ ਦਾ ਪਾਲਣ ਕਰਨ ਲੱਗਾ। ਪਰ ਇਹਨਾਂ ਵਰਤਾਂ ਦੇ ਪਾਲਣ ਪਿੱਛੇ ਰਿਸ਼ਿਦੱਤਾ ਨੂੰ ਪਾਉਣ ਦੀ ਕਾਮਨਾ ਛੁਪੀ ਹੋਈ ਸੀ।
[48]
