________________
ਜਾਕੇ ਉਸ ਦੀ ਪੁੱਤਰੀ ਨਾਲ ਸ਼ਾਦੀ ਦੀ ਮੰਗ ਰੱਖੀ। ਨਟ ਨੇ ਆਖਿਆ, “ਜੇ ਤੁਹਾਡਾ ਪੁੱਤਰ ਸਾਡੀ ਕਲਾ ਵਿੱਚ ਨਿਪੁੰਨ ਹੋ ਕੇ ਅਪਣੀ ਕਲਾ ਕਿਸੇ ਰਾਜੇ ਨੂੰ ਵਿਖਾ ਦੇਵੇ ਅਤੇ ਰਾਜੇ ਤੋਂ ਪ੍ਰਾਪਤ ਧਨ ਨਾਲ ਸਾਡੀ ਜਾਤੀ ਦਾ ਪਾਲਣ ਪੋਸ਼ਨ ਕਰੇ ਤਾਂ ਹੀ ਅਪਣੀ ਪੁੱਤਰੀ ਦੇ ਸਕਦੇ ਹਾਂ” ।
ਇਲਾਈਚੀ ਪੁੱਤਰ ਨੇ ਨਟ ਦੀ ਇਹ ਸ਼ਰਤ ਸਵਿਕਾਰ ਕਰ ਲਈ। ਉਹ ਨਟ ਮੰਡਲੀ ਵਿੱਚ ਸ਼ਾਮਲ ਹੋ ਕੇ ਨਟਾਂ ਦੇ ਕਰਤੱਬ ਸਿੱਖਣ ਲੱਗਾ। ਕੁੱਝ ਸਮੇਂ ਵਿੱਚ ਉਹ ਨਟ ਕਲਾ ਵਿੱਚ ਮਾਹਿਰ ਹੋ ਗਿਆ। ਇੱਕ ਵਾਰ ਪਿੰਡ ਪਿੰਡ ਘੁੰਮਦੇ ਹੋਏ ਇਲਾਈਚੀ ਪੁੱਤਰ ਬੇਨਾਤੱਟ ਨਗਰ ਵਿੱਚ ਅਪਣੀ ਨਟ ਮੰਡਲੀ ਨਾਲ ਪਹੁੰਚਿਆ। ਉੱਥੇ ਉਸ ਨੇ ਰਾਜੇ ਨੂੰ ਅਪਣਾ ਕਰਤੱਬ ਵਿਖਾਉਣ ਲਈ ਬੇਨਤੀ ਕੀਤੀ। ਰਾਜੇ ਨੇ ਉਸ ਦੀ ਬੇਨਤੀ ਸਵੀਕਾਰ ਕਰ ਲਈ ਨਿਸ਼ਚਿਤ ਸਮੇਂ ਤੇ ਸ਼ਹਿਰ ਦੇ ਲੋਕਾਂ ਨਾਲ, ਰਾਜਾ ਵੀ ਪਰਿਵਾਰ ਸਮੇਤ ਉਸ ਦਾ ਨਾਟਕ ਵੇਖਣ ਪਹੁੰਚਿਆ।
ਨਾਟਕ ਸ਼ੁਰੂ ਹੋ ਚੁੱਕਾ ਸੀ, ਇਲਾਈਚੀ ਪੁੱਤਰ ਨੇ ਇੱਕ ਬਾਂਸ ਤੇ ਚੜ੍ਹ ਕੇ ਅਪਣਾ ਖੇਲ ਵਿਖਾਉਣਾ ਸ਼ੁਰੂ ਕੀਤਾ। ਉਸ ਨੇ ਰਾਜੇ ਨੂੰ ਪ੍ਰਨਾਮ ਕੀਤਾ, ਇਸ ਤੇ ਰਾਜੇ ਨੇ ਆਖਿਆ, “ਅਸੀਂ ਤੇਰਾ ਖੇਲ ਠੀਕ ਢੰਗ ਨਾਲ ਨਹੀਂ ਵੇਖਿਆ ਸਾਨੂੰ ਇਹ ਖੇਲ ਫੇਰ ਤੋਂ ਵਿਖਾ”। ਰਾਜਾ ਨਟ ਪੁੱਤਰੀ ਦੀ ਸੁੰਦਰਤਾ ਨੂੰ ਵੇਖ ਕੇ ਉਸ ਪਰ ਮੋਹਿਤ ਹੋ ਗਿਆ। ਇਸੇ ਕਾਰਨ ਰਾਜੇ ਨੇ ਇਹ ਸ਼ਰਤ ਰੱਖੀ। ਉਹ ਚਾਹੁੰਦਾ ਸੀ ਕਿ ਕਿਸੇ ਪ੍ਰਕਾਰ ਛੱਤ ਟੁੱਟ ਕੇ ਇਹ ਬਾਂਸ ਤੋਂ ਗਿਰ ਕੇ ਮਰ ਜਾਏ ਅਤੇ ਮੈਂ ਇਸ ਨਟ ਪੁੱਤਰੀ ਨਾਲ ਸ਼ਾਦੀ ਕਰ ਲਵਾਂ। ਇਸ ਦੇ ਉਲਟ ਰਾਣੀ ਇਲਾਈਚੀ ਪੁੱਤਰ ਦੀ ਸੁੰਦਰਤਾ ਨੂੰ ਵੇਖ ਕੇ ਉਸ ਉੱਪਰ ਮੋਹਿਤ ਹੋ ਗਈ। ਇਲਾਈਚੀ ਪੁੱਤਰ ਨੇ ਫੇਰ ਖੇਲ ਵਿਖਾਇਆ ਪਰ ਰਾਜਾ ਖੁਸ਼ ਨਾ ਹੋਇਆ। ਤੀਸਰੀ ਵਾਰ ਖੇਲ ਵਿਖਾਉਣ ਲਈ ਉਹ ਫੇਰ ਬਾਂਸ ਪਰ ਚੜ੍ਹਿਆ, ਤਾਂ ਸਵੇਰ ਹੋ ਚੁੱਕੀ ਸੀ। ਬਾਂਸ ਤੇ ਖੇਡ [172]
