________________
38
ਮੁਨੀ ਵਿਸ਼ਨੂ ਕੁਮਾਰ
ਕੁਰੂ ਦੇਸ਼ ਦੇ ਹਸਤਿਨਾਪੁਰ ਨਗਰ ਵਿੱਚ ਪਦਮੋਤਰ ਨਾਂ ਦਾ ਰਾਜਾ ਅਪਣੀ ਰਾਣੀ ਜਵਾਲਾ ਨਾਲ ਰਹਿੰਦਾ ਸੀ। ਸੁਭ ਕਰਮ ਨਾਲ ਉਹਨਾਂ ਦੇ ਘਰ ਇੱਕ ਦੇਵਤੇ ਵਰਗਾ ਪੁੱਤਰ ਪੈਦਾ ਹੋਇਆ। ਉਹਨਾਂ ਨੇ ਉਸ ਦਾ ਨਾਂ ਵਿਸ਼ਨੂ ਕੁਮਾਰ ਰੱਖਿਆ। ਹੌਲੀ ਹੌਲੀ ਬਾਲਕ ਵਿਸ਼ਨੂ ਜਵਾਨ ਹੋਣ ਲੱਗਾ। ਕੁੱਝ ਦਿਨਾਂ ਬਾਅਦ ਮਹਾਰਾਣੀ ਜਵਾਲਾ ਨੇ ਫੇਰ ਇੱਕ ਪੁੱਤਰ ਨੂੰ ਜਨਮ ਦਿਤਾ ਜਿਸ ਦਾ ਨਾਂ ਮਹਾਂਪਦਮ ਰੱਖਿਆ ਗਿਆ। ਉਹ ਜਨਮ ਤੋਂ ਹੀ ਮਹਾਂਪਦਮ ਚੱਕਰਵਰਤੀ ਦੇ ਲੱਛਣ ਲੈ ਕੇ ਆਇਆ ਸੀ। ਇਸ ਕਰਕੇ ਪਿਤਾ ਨੇ ਉਸ ਨੂੰ ਯੁਵਰਾਜ ਬਣਾਇਆ।
ਉਹਨਾਂ ਦਿਨਾਂ ਵਿੱਚ ਉਜੈਨੀ ਨਗਰੀ ਵਿੱਚ ਸ਼੍ਰੀ ਧਰਮ ਨਾਂ ਦਾ ਰਾਜਾ ਰਾਜ ਕਰਦਾ ਸੀ। ਉਸ ਦਾ ਮੰਤਰੀ ਜਿਸ ਦਾ ਨਾਂ ਨਮੂਚੀ ਸੀ। ਇੱਕ ਵਾਰ ਤੀਰਥੰਕਰ ਮੁਨੀ ਸੁਵਰਤ ਸਵਾਮੀ ਦੇ ਚੇਲੇ ਸੁਵੱਰਤਾਚਾਰਿਆ ਅਪਣੇ ਚੇਲਿਆਂ ਨਾਲ ਉਸ ਨਗਰੀ ਵਿੱਚ ਪਧਾਰੇ। ਨਗਰ ਦੇ ਲੋਕ ਵੱਡੀ ਗਿਣਤੀ ਵਿੱਚ ਉਹਨਾਂ ਦੇ ਧਰਮ ਉਪਦੇਸ਼ ਸੁਣਨ ਲਈ ਆਉਣ ਲੱਗੇ। ਰਾਜੇ ਨੇ ਭੀੜ ਦਾ ਕਾਰਨ ਪੁੱਛਿਆ ‘ਤਾਂ ਨਮੂਚੀ ਨੇ ਆਖਿਆ ਕਿ ਇਥੇ ਜੈਨ ਸਾਧੂ ਆਏ ਹਨ। ਰਾਜੇ ਨੇ ਆਖਿਆ, “ਚਲੋ ਆਪਾਂ ਵੀ ਉਹਨਾਂ ਦੇ ਦਰਸ਼ਨ ਕਰਨ ਚੱਲੀਏ”। ਮੰਤਰੀ ਨੇ ਆਖਿਆ ਉੱਥੇ ਸਾਡੇ ਲੋਕਾਂ ਲਈ ਜਾਣਾ ਠੀਕ ਨਹੀਂ ਕਿਉਂਕਿ ਇਹ ਸਾਧੂ ਵੇਦ ਤੋਂ ਉਲਟ ਉਪਦੇਸ਼ ਦਿੰਦੇ ਹਨ। ਜੇ ਆਪ ਨੇ ਵੇਦਾਂ ਦਾ ਉਪਦੇਸ਼ ਸੁਣਨਾ ਹੈ ਤਾਂ ਮੇਰੇ ਪਾਸੋਂ ਸੁਣ ਲਵੋ। ਚਾਹੇ ਤੁਸੀ ਵੀ ਉਪਦੇਸ਼ ਦਿੰਦੇ ਹੋ ਪਰ ਫਿਰ ਵੀ ਸਾਨੂੰ ਇਹਨਾਂ ਦਾ ਧਰਮ ਉਪਦੇਸ਼ ਸੁਣਨ ਵਿੱਚ ਕੋਈ ਗਲਤ ਗਲ ਨਹੀਂ ਹੈ।
[158]
