________________
ਇਹ ਸੁਣ ਕੇ ਮੰਤਰੀ ਨੇ ਆਖਿਆ ਠੀਕ ਹੈ, ਮੈਂ ਉਸ ਨਾਲ ਸ਼ਾਸਤਰਾਰਥ ਕਰਾਂਗਾ ਅਤੇ ਤੁਹਾਨੂੰ ਉਸ ਦਾ ਗਵਾਹ ਬਣਾਵਾਂਗਾ। ਰਾਜਾ, ਮੰਤਰੀ ਅਤੇ ਹੋਰ ਅਹੁਦੇਦਾਰ ਸਭ ਧਰਮ ਸਭਾ ਵਿੱਚ ਗਏ ਅਤੇ ਯੋਗ ਸਥਾਨ ਤੇ ਬੈਠ ਗਏ। ਨਮੂਚੀ ਨੇ ਕਿਸੇ ਗੱਲ ਦੀ ਪ੍ਰਵਾਹ ਨਾ ਕਰਦੇ ਹੋਏ ਮੁਨੀ ਤੋਂ ਕੁੱਝ ਪ੍ਰਸ਼ਨ ਕੀਤੇ। ਮੰਤਰੀ ਦਾ ਇਸ ਪ੍ਰਕਾਰ ਦਾ ਵਿਵਹਾਰ ਵੇਖ ਕੇ ਆਚਾਰਿਆ ਦਾ ਇੱਕ ਚੇਲਾ ਉਸ ਦੇ ਉੱਤਰ ਦੇਣ ਲੱਗਾ। ਇਸ ਪਰ ਮੰਤਰੀ ਚੁੱਪ ਹੋ ਗਿਆ ਅਤੇ ਦੁੱਖੀ ਹੋਇਆ। ਉਹ ਰਾਤ ਨੂੰ ਤਲਵਾਰ ਲੈ ਕੇ ਉਹਨਾਂ ਨੂੰ ਮਾਰਨ ਲਈ ਗਿਆ। ਪਰ ਕਿਸੇ ਅਗਿਆਤ ਸ਼ਕਤੀ ਕਾਰਨ ਉਹ ਅਜਿਹਾ ਕਰਨ ਵਿੱਚ ਸਫਲ ਨਾ ਹੋਇਆ।
ਰਾਜੇ ਨੇ ਜੈਨ ਧਰਮ ਸਵੀਕਾਰ ਕਰ ਲਿਆ। ਨਮੂਚੀ ਇਸ ਅਪਮਾਨ ਤੋਂ ਦੁੱਖੀ ਹੋ ਕੇ ਹਸਤਿਨਾਪੁਰ ਚਲਾ ਗਿਆ ਅਤੇ ਪਦਮੋਤਰ ਰਾਜੇ ਦਾ ਮੰਤਰੀ ਬਣ ਗਿਆ। ਉਸ ਸਮੇਂ ਸਿੰਘਬਲ ਨਾਂ ਦੇ ਇੱਕ ਦੁਸ਼ਟ ਰਾਜੇ ਨੇ ਦੇਸ਼ ਵਿੱਚ ਅਫਰਾ ਤਫਰੀ ਮਚਾ ਰੱਖੀ ਸੀ। ਮਹਾਂਪਦਮ ਨੇ ਨਮੂਚੀ ਤੋਂ ਸਿੰਘਬਲ ਨੂੰ ਫੜਨ ਦਾ ਉਪਾਅ ਪੁਛਿਆ, ਨਮੂਚੀ ਨੇ ਆਪਣੀ ਬੁੱਧੀ ਨਾਲ ਸਿੰਘਬਲ ਨੂੰ ਗਿਰਫਤਾਰ ਕਰ ਲਿਆ। ਰਾਜਾ ਉਸਦੀ ਇਸ ਸਫਲਤਾ ਤੋਂ ਖੁਸ਼ ਹੋਇਆ ਅਤੇ ਨਮੂਚੀ ਨੂੰ ਵਰ ਮੰਗਣ ਲਈ ਆਖਿਆ। ਨਮੂਚੀ ਨੇ ਆਖਿਆ ਮੈਂ ਜਦ ਚਾਹਾਂ ਆਪ ਤੋਂ ਵਰ ਮੰਗ ਲਵਾਂਗਾ, ਆਪਣੀ ਜੁਬਾਨ ਦੇ ਪੱਕੇ ਰਹਿਣਾ।
ਇੱਕ ਵਾਰ ਯੁਵਰਾਜ ਮਹਾਂਪਦਮ ਕਿਸੇ ਕਾਰਨ ਨਰਾਜ ਹੋ ਕੇ ਜੰਗਲ ਵਿੱਚ ਚਲਾ ਗਿਆ। ਉਹ ਇੱਕ ਆਸ਼ਰਮ ਵਿੱਚ ਠਹਿਰ ਗਿਆ। ਉਸੇ ਸਮੇਂ ਜਨਮਿਜੈ, ਨਰਿੰਦਰ ਤੋਂ ਹਾਰ ਕੇ ਪਰਿਵਾਰ ਸਮੇਤ ਇੱਧਰ ਉੱਧਰ ਭੱਜਿਆ ਫਿਰਦਾ ਸੀ। ਜਨਮਿਜੈ ਦੀ ਦੋਹਤਰੀ ਮਦਨਾਬਲੀ ਭੱਜ ਕੇ ਉਸੇ ਆਸ਼ਰਮ ਵਿੱਚ ਪਹੁੰਚੀ। ਉੱਥੇ ਉਸ ਦਾ ਪਿਆਰ ਮਹਾਂਪਦਮ ਨਾਲ ਹੋ ਗਿਆ। ਕੁੱਝ ਦਿਨ ਬਾਅਦ ਉਹ ਆਸ਼ਰਮ ਵਿੱਚੋ ਚੱਲ ਕੇ ਸਿੰਧੂ ਨਦੀ ਨਾਮਕ ਨਗਰ ਪਹੁੰਚਿਆ। ਜਿੱਥੇ ਬਾਗ ਵਿੱਚ ਮਹੋਤਸਵ ਮਨਾਇਆ ਜਾ ਰਿਹਾ ਸੀ। ਮਹੋਤਸਵ ਦੇ ਸਮੇਂ [159]
