________________
ਇਸ ਤੇ ਚੱਕਰਵਰਤੀ ਨੇ ਆਖਿਆ, “ਅਜੇ ਤੁਸੀਂ ਕੀ ਵੇਖਿਆ ਹੈ! ਜਦੋਂ ਮੈਂ ਨਹਾ ਕੇ ਅਤੇ ਗਹਿਣੇ ਕੱਪੜਿਆਂ ਨਾਲ ਸਰੀਰ ਨੂੰ ਸਜਾ ਕੇ ਰਾਜ ਸਭਾ ਵਿੱਚ ਬੈਠਾਂਗਾ ਫਿਰ ਆਉਣਾ। ਦੋਹਾਂ ਦੇਵਤਿਆਂ ਨੇ ਇਸੇ ਪ੍ਰਕਾਰ ਕੀਤਾ। ਜਦੋਂ ਚੱਕਰਵਰਤੀ ਰਾਜ ਸਭਾ ਵਿੱਚ ਹਾਜਰ ਹੋਏ ਤਾਂ ਬ੍ਰਾਹਮਣ ਭੇਸ ਧਾਰੀ ਦੇਵਤੇ ਵੀ ਉੱਥੇ ਆ ਗਏ। ਕੁੱਝ ਸਮਾਂ ਵੇਖ ਕੇ ਆਪਣੀ ਗਰਦਨ ਹਿਲਾਉਣ ਲੱਗੇ, ਚੱਕਰਵਰਤੀ ਦੇ ਕਾਰਨ ਪੁੱਛਨ ‘ਤੇ ਉਹ ਆਖਣ ਲੱਗੇ, “ਮਹਾਰਾਜ ! ਘੜੀ ਪਹਿਲਾਂ ਜੋ ਆਪ ਦਾ ਰੂਪ ਸੀ, ਉਹ ਹੁਣ ਨਹੀਂ ਰਿਹਾ। ਹੁਣ ਤੁਹਾਡੇ ਬਦਨ ‘ਤੇ ਕੀੜੇ ਹੀ ਕੀੜੇ ਵਿਖਾਈ ਦੇ ਰਹੇ ਹਨ।
ਜਦ ਸੱਨਤਕੁਮਾਰ ਨੇ ਬੁੱਕਦਾਨ ਵਿੱਚ ਥੱਕਿਆ ਤਾਂ ਉਸ ਵਿੱਚ ਕੀੜੇ ਹੀ ਕੀੜੇ ਵਿਖਾਈ ਦਿੱਤੇ। ਚੱਕਰਵਰਤੀ ਸੱਨਤਕੁਮਾਰ ਸਰੀਰ ਦੀ ਪਰਿਵਰਤਨ ਸ਼ੀਲਤਾ, ਵਿਰੂਪਤਾ ਅਤੇ ਨਾਸਵਾਨਤਾ ਨੂੰ ਵੇਖ ਕੇ ਵਿਰਕਤ ਹੋ ਗਏ। ਵਿਸ਼ਾਲ ਰਾਜ ਪਾਟ ਛੱਡ ਕੇ ਬੁਢੇ ਸਾਧੂਆਂ ਕੋਲ ਦੀਖਿਅਤ ਹੋ ਗਏ। ਇਸਤਰੀਆਂ, ਅਧੀਨ ਰਾਜੇ ਅਤੇ ਕਰਮਚਾਰੀ ਛੇ ਮਹੀਨੇ ਪਿੱਛੇ ਪਿੱਛੇ ਚੱਲਦੇ ਰਹੇ। ਪਰ ਚੱਕਰਵਰਤੀ ਨੇ ਕਿਸੇ ਵੱਲ ਨਜ਼ਰ ਪੁੱਟ ਕੇ ਨਾ ਵੇਖਿਆ। ਉਹਨਾਂ ਦੋ ਦਿਨ ਦੀ ਤੱਪਸਿਆ ਦਾ ਪਾਲਣਾ ਬੱਕਰੀ ਦੇ ਦੁੱਧ ਦੀ ਲੱਸੀ ਨਾਲ ਕੀਤਾ। ਦੋ ਦਿਨ ਬਾਅਦ ਉਹਨਾਂ ਫੇਰ ਦੋ ਦਿਨ ਦਾ ਵਰਤ ਸਵੀਕਾਰ ਕਰ ਲਿਆ। ਇਸ ਪ੍ਰਕਾਰ ਤੱਪ ਅਤੇ ਰਸ ਰਹਿਤ ਭੋਜਨ ਗ੍ਰਹਿਣ ਕਰਨ ਕਾਰਨ ਉਹਨਾਂ ਦੇ ਸਰੀਰ ਵਿੱਚੋਂ ਕਾਸ਼, ਸਾਹ ਅਤੇ ਬੁਖਾਰ ਆਦਿ ਰੋਗ ਉਤਪੰਨ ਹੋ ਗਏ। ਉਹਨਾਂ 700 ਸਾਲ ਤੱਕ ਇਹਨਾਂ ਰੋਗਾਂ ਨੂੰ ਸਹਿਣ ਕੀਤਾ ਪਰ ਆਪਣੀ ਤੱਪਸਿਆ ਨਹੀਂ ਛੱਡੀ। ਸਿੱਟੇ ਵਜੋਂ ਉਹਨਾਂ ਨੂੰ ਬਹੁਤ ਸਾਰੀਆਂ ਮਹਾਨ ਸ਼ਕਤੀਆਂ ਪ੍ਰਾਪਤ ਹੋਈਆਂ। ਪਰ ਉਹਨਾਂ ਨੇ ਕਿਸੇ ਵੀ ਸ਼ਕਤੀ ਨੂੰ ਆਪਣੇ ਰੋਗ ਨੂੰ ਠੀਕ ਕਰਨ ਲਈ ਨਹੀਂ ਵਰਤਿਆ।
[129]
