________________
ਅਪਣੇ ਸਿੰਘਾਸ਼ਨ ‘ਤੇ ਬੈਠਾ ਹੋਇਆ ਸੀ। ਅਚਾਨਕ ਇਸ਼ਾਨ ਕਲਪ ਵਾਸੀ ਕੋਈ ਦੇਵਤਾ ਉਸ ਦੇ ਦਰਬਾਰ ਵਿੱਚ ਆ ਗਿਆ। ਆਉਣ ਵਾਲੇ ਦੇਵਤੇ ਦੀ ਚਮਕ ਨੂੰ ਵੇਖ ਕੇ ਸੋਧਰਮ ਕਲਪ ਵਾਸੀ ਦੇਵਤੇ ਹੈਰਾਨ ਹੋ ਗਏ। ਉਹਨਾਂ ਉਸ ਦੇਵਤੇ ਦੇ ਜਾਨ ਤੋਂ ਬਾਅਦ ਸੋਧਰਮ ਇੰਦਰ ਨੂੰ ਪੁੱਛਿਆ ਸਵਾਮੀ, “ਇਸ ਦੇਵਤੇ ਦੀ ਚਮਕ ਦਾ ਕਾਰਨ ਕੀ ਹੈ? ਇੰਦਰ ਨੇ ਆਖਿਆ, “ਇਸ ਨੇ ਪਿਛਲੇ ਜਨਮ ਵਿੱਚ ਆਯੋਵਿਲ ਵਰਧਮਾਨ ਤੱਪ ਦੀ ਅਖੰਡ ਸਾਧਨਾ ਕੀਤੀ ਹੈ, ਉਸੇ ਪ੍ਰਭਾਵ ਕਾਰਨ ਉਸ ਨੂੰ ਇਹ ਚਮਕ ਪ੍ਰਾਪਤ ਹੋਈ ਹੈ ।
ਦੇਵਤੇ ਨੇ ਫੇਰ ਪੁੱਛਿਆ, “ਕਿ ਕੋਈ ਦੂਸਰਾ ਵੀ ਇਸ ਪ੍ਰਕਾਰ ਦੀ ਚਮਕ ਵਾਲਾ ਦੁਨੀਆਂ ਵਿੱਚ ਹੈ?” ਇੰਦਰ ਨੇ ਉੱਤਰ ਦਿੱਤਾ, “ਹਸਤਿਨਾਪੁਰ ਦੇ ਕੂਰੂ ਵੰਸ ਵਿੱਚ ਪੈਦਾ ਹੋਏ ਚੱਕਰਵਰਤੀ ਸੱਨਤਕੁਮਾਰ ਦਾ ਅਜਿਹਾ ਰੂਪ ਹੈ, ਕਿ ਕਿਸੇ ਦੇਵਤਾ ਦੀ ਤੁਲਨਾ ਉਸ ਨਾਲ ਨਹੀਂ ਕੀਤੀ ਜਾ ਸਕਦੀ।
ਦੇਵਤਿਆਂ ਦੀ ਸਭਾ ਵਿੱਚ ਬੈਠੇ ਦੋ ਦੇਵਤੇ ਵਿਜੈ ਅਤੇ ਵਿਅੰਤ, ਇੰਦਰ ਦੀ ਇਸ ਗੱਲ ਨਾਲ ਸਹਿਮਤ ਨਾ ਹੋਏ। ਉਹਨਾਂ ਇਸ ਗੱਲ ਦੀ ਪ੍ਰਖਿਆ ਕਰਨ ਦੀ ਸੋਚੀ ਅਤੇ ਦੋਹਾਂ ਨੇ ਕ੍ਰਮਣ ਦਾ ਰੂਪ ਧਾਰਨ ਕੀਤਾ। ਸ਼ਹਿਰ ਵਿੱਚ ਘੁੰਮਦੇ ਹੋਏ ਰਾਜ ਮਹਿਲ ਦੇ ਅੱਗੇ ਖੜੇ ਦਰਬਾਨ ਕੋਲ ਰਾਜੇ ਦੇ ਦਰਸ਼ਨ ਦੀ ਇੱਛਾ ਪ੍ਰਗਟ ਕੀਤੀ। ਚੱਕਰਵਰਤੀ ਦੀ ਆਗਿਆ ਪ੍ਰਾਪਤ ਹੋਣ ਤੇ ਦੋਹੇਂ ਦੇਵਤੇ ਸੱਨਤਕੁਮਾਰ ਕੋਲ ਆਏ। ਸੱਨਤਕੁਮਾਰ ਉਸ ਸਮੇਂ ਸਰੀਰ ਦੀ ਮਾਲਸ ਕਰਵਾ ਰਹੇ ਸਨ। ਸੱਨਤਕੁਮਾਰ ਦੇ ਸੁੰਦਰ ਸਰੀਰ ਨੂੰ ਵੇਖ ਕੇ ਦੋਵੇਂ ਹੈਰਾਨ ਹੋ ਗਏ । ਉਹਨਾਂ ਇੰਦਰ ਦੇ ਕੱਥਨ ਨੂੰ ਸੱਚਾ ਮਨ ਕੇ ਉਸ ਦੀ ਪ੍ਰਸ਼ੰਸਾ ਕੀਤੀ। ਜਦ ਉਹ ਚੱਲਣ ਲੱਗੇ ਤਾਂ ਰਾਜੇ ਨੇ ਪੁੱਛਿਆ, “ਆਪ ਕਿਵੇਂ ਆਏ, ਤਾਂ ਉਹਨਾਂ ਆਖਿਆ ਮਹਾਰਾਜ ਆਪ ਦੇ ਰੂਪ ਦੀ ਪ੍ਰਸ਼ੰਸਾ ਸੁਣ ਕੇ ਅਸੀਂ ਉਸ ਨੂੰ ਵੇਖਣ ਆਏ ਹਾਂ।
[128]
