________________
ਕੁੱਝ ਸਮੇਂ ਬਾਅਦ ਅਨੇਕਾਂ ਦੇਵਤੇ ਆਪ ਦੀ ਸੇਵਾ ਵਿੱਚ ਹਾਜਰ ਹੋਏ ਅਤੇ ਆਖਣ ਲੱਗੇ, ਅਸੀਂ ਆਪ ਦਾ ਰੋਗ ਖਤਮ ਕਰਦੇ ਹਾਂ। ਇਹ ਗੱਲ ਸੁਣ ਕੇ ਸੱਨਤਕੁਮਾਰ ਚੁੱਪ ਚਾਪ ਖੜੇ ਰਹੇ, ਵਾਰ ਵਾਰ ਦੇਵਤਿਆਂ ਦੇ ਆਖਣ ਤੇ ਉਹਨਾਂ ਆਖਿਆ, “ਭਾਈ ਤੁਸੀ ਕਿਹੜਾ ਰੋਗ ਮਿਟਾਉਣਾ ਚਾਹੁੰਦੇ ਹੋ, ਸਰੀਰ ਦਾ ਜਾਂ ਕਰਮ ਦਾ?” ਇਸ ਤੇ ਦੇਵਤਿਆਂ ਨੇ ਆਖਿਆ, “ਮੁਨੀ ਰਾਜ ਅਸੀਂ ਤਾਂ ਕੇਵਲ ਸਰੀਰ ਦਾ ਰੋਗ ਮਿਟਾ ਸਕਦੇ ਹਾਂ। ਦੇਵਤਿਆਂ ਦੀ ਗੱਲ ਸੁਣ ਕੇ ਮੁਨੀ ਨੇ ਅਪਣੀ ਉਂਗਲੀ ਨੂੰ ਥੱਕ ਲਗਾਇਆ ਅਤੇ ਅਪਣੇ ਸਰੀਰ ਤੇ ਫੇਰਿਆ ਦੇਖਦੇ ਦੇਖਦੇ ਉਹਨਾਂ ਦਾ ਸਰੀਰ ਫਿਰ ਸੁੰਦਰ ਅਤੇ ਨਿਰਮਲ ਬਣ ਗਿਆ। ਮੁਨੀ ਰਾਜ ਦੀ ਮਹਾਨ ਤੱਪ ਲੱਬਧੀ ਅਤੇ ਸਹਿਣ ਸ਼ਕਤੀ ਨੂੰ ਵੇਖ ਕੇ ਦੇਵਤੇ ਹੈਰਾਨ ਹੋ ਗਏ ਅਤੇ ਨਮਸਕਾਰ ਕਰ ਕੇ ਆਪਣੀ ਜਗ੍ਹਾ ਤੇ ਚਲੇ ਗਏ। ਸੱਨਤਕੁਮਾਰ ਜੇ ਚਾਹੁੰਦੇ ਤਾਂ ਸਾਰਾ ਰੋਗ ਉਸੇ ਸਮੇਂ ਨਸ਼ਟ ਕਰ ਸਕਦੇ ਸਨ ਪਰ ਉਹਨਾਂ ਨੂੰ ਸਰੀਰ ਦੇ ਰੋਗ ਦੀ ਚਿੰਤਾ ਨਹੀਂ ਸੀ। ਉਹ ਤਾਂ ਜਨਮ ਮਰਨ ਦਾ ਰੋਗ ਸਮਾਪਤ ਕਰਨਾ ਚਾਹੁੰਦੇ ਸਨ।
ਮਹਾਂ ਮੁਨੀ ਸੱਨਤਕੁਮਾਰ ਅੰਤ ਸਮੇਂ ਸਮਾਧੀ ਪੂਰਵਕ ਮਰ ਕੇ ਤੀਸਰੇ ਸਵਰਗ ਵਿੱਚ ਇੰਦਰ ਰੂਪ ਵਿੱਚ ਉਤਪੰਨ ਹੋਏ। ਇੰਦਰ ਦੀ ਉਮਰ ਪੂਰੀ ਕਰਕੇ ਉਹਨਾਂ ਮਹਾਂਵਿਦੇਹ ਖੇਤਰ ਵਿੱਚ ਜਨਮ ਲੈ ਕੇ ਸਾਰੇ ਕਰਮਾਂ ਦਾ ਖਾਤਮਾ ਕੀਤਾ ਅਤੇ ਉਹ ਸਿੱਧ ਬੁੱਧ ਮੁਕਤ ਹੋ ਗਏ। ਤੱਪ ਦੇ ਪ੍ਰਭਾਵ ਕਾਰਨ ਬੜੀਆਂ ਬੜੀਆਂ ਜੀਵਨ ਨੂੰ ਪ੍ਰਾਪਤ ਹੋ ਜਾਂਦੀਆਂ ਹਨ ਜਿਵੇਂ ਚੱਕਰਵਰਤੀ ਸੱਨਤਕੁਮਾਰ ਨੇ ਵੀ ਖੇਲੋਸਹੀ ਲਬਧੀ ਤੱਪਸਿਆ ਦੇ ਪ੍ਰਭਾਵ ਨਾਲ ਪ੍ਰਾਪਤ ਕੀਤੀ ਅਤੇ ਆਪਣੇ ਕੋਹੜੀ ਸਰੀਰ ਨੂੰ ਫੇਰ ਤੋਂ ਸੁੰਦਰ ਅਤੇ ਨਿਰਮਲ ਬਣਾ ਲਿਆ।
[130]
