________________
ਵਿੱਚ ਸੱਚ ਬੋਲਣ ਦੀ ਵੀ ਕੋਈ ਸਜਾ ਹੈ” ਗਨਧਰ ਗੌਤਮ ਨੇ ਆਖਿਆ, “ਅਜਿਹਾ ਕੁੱਝ ਨਹੀਂ"। ਫਿਰ ਆਨੰਦ ਨੇ ਆਖਿਆ ਤੁਸੀ ਜਾਉ ਅਤੇ ਭਗਵਾਨ ਮਹਾਵੀਰ ਤੋਂ ਸਪਸ਼ਟੀਕਰਨ ਕਰੋ ਕਿਉਂਕਿ ਤੁਹਾਡਾ ਗਿਆਨ ਅਧੂਰਾ ਹੈ। ਗਨਧਰ ਗੌਤਮ ਵਾਪਸ ਤੀਰਥੰਕਰ ਮਹਾਵੀਰ ਕੋਲ ਆਏ ਤੇ ਬੀਤੀ ਘਟਨਾ ਦੱਸੀ। ਭਗਵਾਨ ਮਹਾਵੀਰ ਨੇ ਆਖਿਆ, “ਮੇਰਾ ਉਪਾਸ਼ਕ ਆਨੰਦ ਜੋ ਆਖ ਰਿਹਾ ਹੈ, ਉਹ ਸਹੀ ਹੈ ਅਤੇ ਤੁਸੀ ਗਲਤ ਹੋ। ਜਾਉ ਤੇ ਉਸ ਕੋਲੋ ਖਿਮਾ ਮੰਗ ਕੇ ਆਉ”। ਗੋਤਮ ਸਵਾਮੀ ਜੋ ਕਿ 14000 ਸਾਧੂਆਂ ਦੇ ਮੁੱਖੀ ਸਨ। ' ਉਸੇ ਸਮੇਂ ਵਾਪਸ ਹੋ ਗਏ ਅਤੇ ਆਨੰਦ ਉਪਾਸ਼ਕ ਤੋਂ ਖਿਮਾ ਮੰਗੀ। ਇਸ ਘਟਨਾ ਤੋਂ ਗਨਧਰ ਗੌਤਮ ਦੀ ਮਹਾਨਤਾ ਤੇ ਸਰਲਤਾ ਦਾ ਪਤਾ ਲੱਗਦਾ ਹੈ।
ਇਸੇ ਪ੍ਰਕਾਰ ਉਹਨਾਂ ਪਲਾਸਪੁਰ ਦੇ ਰਾਜਕੁਮਾਰ ਅਤਿਮੁਕਤ ਕੁਮਾਰ, ਜੋ ਕਿ ਬਾਲਕ ਸੀ, ਉਸ ਦੀ ਉਂਗਲੀ ਫੜ ਲਈ ਅਤੇ ਉਸ ਨੂੰ ਦੀਖਿਆ ਲਈ ਪ੍ਰੇਰਿਤ ਕੀਤਾ। ਗਨਧਰ ਗੌਤਮ ਤੋਂ ਉਹ ਇਸ ਪ੍ਰਕਾਰ ਪ੍ਰਭਾਵਤ ਹੋਇਆ। ਉਹ ਮੁਨੀ ਬਣ ਗਿਆ ਅਤੇ ਛੋਟੀ ਉਮਰ ਵਿੱਚ ਹੀ ਕੇਵਲ ਗਿਆਨ ਪ੍ਰਾਪਤ ਕਰਕੇ ਮੋਕਸ਼ ਨੂੰ ਪ੍ਰਾਪਤ ਹੋਇਆ। ਗਨਧਰ ਗੌਤਮ ਨੇ ਹਜਾਰਾਂ ਜੀਵਾਂ ਨੂੰ ਭਗਵਾਨ ਮਹਾਵੀਰ ਦੇ ਰਾਹ ‘ਤੇ ਚਲਾਇਆ। ਉਹਨਾਂ ਦੀ ਕ੍ਰਿਪਾ ਨਾਲ ਉਹਨਾਂ ਦੇ ਚੇਲਿਆਂ ਨੂੰ ਕੇਵਲ ਗਿਆਨ ਹੁੰਦਾ ਗਿਆ। ਉਹ ਨਿਰਵਾਨ ਪ੍ਰਾਪਤ ਕਰਦੇ ਰਹੇ ਪਰ ਖੁਦ ਗਨਧਰ ਗੌਤਮ ਕੇਵਲ ਗਿਆਨ ਤੋਂ ਅਜੇ ਖਾਲੀ ਸਨ। ਜਿਸ ਦਾ ਕਾਰਨ ਉਹਨਾਂ ਦਾ ਭਗਵਾਨ ਮਹਾਵੀਰ ਪ੍ਰਤੀ ਰਾਗ ਸੀ। ਰਾਗ ਤੇ ਦਵੇਸ ਕਰਮ ਦੇ ਬੀਜ ਹਨ। ਇਹ ਕਰਮ ਦੇ ਬੀਜਾਂ ਨੂੰ ਖਤਮ ਕੀਤੇ ਬਿਨ੍ਹਾਂ ਕੇਵਲ ਗਿਆਨ ਅਸੰਭਵ ਹੈ। ਪਰ ਗਨਧਰ ਗੌਤਮ ਨੂੰ ਭਗਵਾਨ ਮਹਾਵੀਰ ਦਾ ਇੱਕ ਪਲ ਦਾ ਵੀ ਵਿਛੋੜਾ ਮਨਜੂਰ ਨਹੀਂ ਸੀ। ਭਗਵਾਨ ਮਹਾਵੀਰ ਨੇ ਕਈ ਵਾਰ ਗਨਧਰ ਗੋਤਮ ਨੂੰ ਰਾਗ ਖਤਮ ਕਰਨ ਲਈ ਆਖਿਆ ਸੀ। ਪਰ ਉਹ ਭਗਵਾਨ ਮਹਾਵੀਰ ਦੇ ਜਿਉਂਦੇ ਜੀ ਇਹ ਰਾਗ ਦਾ ਬੰਧਨ ਨਾ ਤੋੜ ਸਕੇ।
[124]
