________________
ਨੂੰ ਛੱਡ ਕੇ ਜਾ ਰਹੇ ਹਨ, ਤਾਂ ਉਸ ਦੇ ਮਨ ਵਿੱਚ ਆਇਆ ਕਿ ਮੈਂ ਹੁਣੇ ਜਾ ਕੇ ਉਸ ਵਰਧਮਾਨ ਨਾਲ ਸ਼ਾਸਤਰਆਰਥ ਕਰਕੇ ਉਸ ਦੇ ਇੰਦਰਜਾਲ ਨੂੰ ਖਤਮ ਕਰਦਾ ਹਾਂ। ਇਹ ਸੋਚ ਕੇ ਉਹ ਆਪਣੇ 500 ਵਿਦਿਆਰਥੀਆਂ ਨਾਲ ਭਗਵਾਨ ਮਹਾਵੀਰ ਦੀ ਧਰਮ ਸਭਾ ਵਿੱਚ ਸ਼ਾਸ਼ਤਰਆਰਥ ਕਰਨ ਲਈ ਆਇਆ। ਜਿਉਂ ਜਿਉਂ ਉਹ ਧਰਮ ਸਭਾ ਦੇ ਨੇੜੇ ਪਹੁੰਚਿਆ ਤਾਂ ਤੀਰਥੰਕਰ ਦੀ ਧਰਮ ਸਭਾ ਦੀ ਅਦੁੱਤੀ ਸੋਭਾ ਵੇਖ ਕੇ ਕੁੱਝ ਸਮੇਂ ਲਈ ਰੁਕ ਗਿਆ। ਫਿਰ ਉਸ ਨੇ ਸੋਚਿਆ ਕਿ ਮੈਂ ਅੱਜ ਉਸ ਵਰਧਮਾਨ ਨਾਲ ਧਰਮ ਚਰਚਾ ਕਰਾਂਗਾ ਜੇ ਮੈਂ ਹਾਰ ਗਿਆ ਤਾਂ ਉਹਨਾਂ ਦਾ ਚੇਲਾ ਬਣ ਜਾਵਾਂਗਾ, ਨਹੀਂ ਤਾਂ ਲੋਕਾਂ ਨੂੰ ਉਸ ਦੇ ਇੰਦਰ ਜਾਲ ਵਿਚੋਂ ਬਾਹਰ ਕੱਢਾਂਗਾ।
ਇੰਦਰਭੂਤੀ ਵੇਦਾ ਦਾ ਮਹਾਨ ਵਿਦਵਾਨ ਸੀ। ਉਸ ਦੇ ਮਨ ਵਿੱਚ ਵੇਦਾਂ ਦੇ ਸਲੋਕਾਂ ਬਾਰੇ ਸ਼ੰਕਾ ਸੀ। ਉਹ ਆਤਮਾ ਅਤੇ ਸਰੀਰ ਨੂੰ ਇਕ ਮੰਨਦਾ ਸੀ। ਜਿਉਂ ਹੀ ਉਹ ਭਗਵਾਨ ਮਹਾਵੀਰ ਦੇ ਨੇੜੇ ਆਇਆ ਤਾਂ ਭਗਵਾਨ ਮਹਾਵੀਰ ਨੇ ਆਖਿਆ, “ਇੰਦਰਭੂਤੀ ਤੁਸੀਂ ਆ ਗਏ”। ਅਪਣਾ ਨਾਂ ਸੁਣ ਕੇ ਇੰਦਰਭੂਤੀ ਨੂੰ ਕੁੱਝ ਹੈਰਾਨੀ ਹੋਈ। ਉਹ ਸੋਚਣ ਲੱਗਾ ਕਿ ਮੈਂ ਵੱਡਾ ਵਿਦਵਾਨ ਹਾਂ, ਮੈਨੂੰ ਕੌਣ ਨਹੀਂ ਜਾਣਦਾ ਜ਼ਰੂਰ ਹੀ ਇਸ ਇੰਦਰ ਜਾਲੀਏ ਨੇ ਮੇਰਾ ਨਾਂ ਕਿਸੇ ਤੋਂ ਸੁਣ ਲਿਆ। ਹੋਣਾ ਹੈ ਇਸ ਲਈ ਇਸ ਨੇ ਮੇਰਾ ਨਾਂ ਲੈ ਕੇ ਪੁਕਾਰਿਆ ਹੈ।
ਉਸ ਤੋਂ ਬਾਅਦ ਭਗਵਾਨ ਮਹਾਵੀਰ ਨੇ ਆਖਿਆ ਇੰਦਰਭੂਤੀ ਤੇਰੇ ਮਨ ਵਿੱਚ ਆਤਮਾ ਬਾਰੇ ਸ਼ੰਕਾ ਹੈ। ਇਹ ਸੁਣ ਕੇ ਇੰਦਰਭੂਤੀ ਗੌਤਮ ਦਾ ਸਾਰਾ ਅਹੰਕਾਰ ਦੂਰ ਹੋ ਗਿਆ। ਭਗਵਾਨ ਮਹਾਂਵੀਰ ਨੇ ਉਸ ਨੂੰ ਆਤਮਾ ਦਾ ਸਵਰੂਪ ਸਮਝਾਇਆ। ਜਿਸ ਨੂੰ ਸਮਝ ਕੇ ਇੰਦਰਭੂਤੀ ਆਪਣੇ 500 ਚੇਲਿਆਂ ਨਾਲ ਭਗਵਾਨ ਮਹਾਵੀਰ ਦਾ ਚੇਲਾ ਬਣ ਗਿਆ। ਇਸੇ ਪ੍ਰਕਾਰ ਉਸ ਦੇ ਦੋਹਾਂ ਭਰਾਵਾਂ ਅਤੇ ਉਹਨਾਂ ਦੇ ਵਿਦਿਆਰਥੀਆਂ ਨੇ ਭਗਵਾਨ ਮਹਾਂਵੀਰ ਦੀ ਦੀਖਿਆ ਗ੍ਰਹਿਣ ਕੀਤੀ ਕੁੱਲ 4400 ਬ੍ਰਾਹਮਣਾਂ ਨੇ ਜੋ ਕਿ ਪਾਵਾਪੁਰੀ ਦੇ ਯੁੱਗ
[122]
