________________
ਦੀ ਸੁਤੰਤਰਤਾ ਪਿਆਰੀ ਹੈ। ਜੇ ਉਸ ਨੇ ਰਾਜ ਹਾਸਲ ਕਰਨਾ ਹੈ ਤਾਂ ਲੜਨ ਲਈ ਤਿਆਰ ਹੋ ਜਾਵੇ। ਮੈਂ ਮੈਦਾਨ ਵਿੱਚ ਹੀ ਉਸ ਦਾ ਸਾਹਮਣਾ ਕਰਾਂਗਾ।
ਦੂਤ ਬਾਹੂਵਲੀ ਦਾ ਉੱਤਰ ਲੈ ਕੇ ਰਾਜਾ ਭਰਤ ਦੇ ਦਰਬਾਰ ਵਿੱਚ ਹਾਜਰ ਹੋਇਆ। ਬਾਹੂਵਲੀ ਦਾ ਉੱਤਰ ਸੁਣ ਕੇ ਭਰਤ ਨੂੰ ਵੀ ਕਰੋਧ ਆ ਗਿਆ ਕਿਉਂਕਿ ਉਸ ਨੂੰ ਆਸ ਨਹੀਂ ਸੀ ਕਿ ਉਸ ਦਾ ਛੋਟਾ ਭਰਾ ਉਸ ਦਾ ਕਹਿਣਾ ਨਹੀਂ ਮੰਨੇਗਾ। ਆਖਰ ਭਰਤ ਨੇ ਆਪਣੀ ਵੱਡੀ ਫੌਜ ਨਾਲ ਬਾਹੂਵਲੀ ਦੇ ਰਾਜ ਵੱਲ ਕੂਚ ਕਰ ਦਿਤਾ। ਉਧਰੋਂ ਬਾਹੂਵਲੀ ਵੀ ਅਪਣੀ ਪੂਰੀ ਫੌਜ ਅਤੇ ਸ਼ਕਤੀ ਨਾਲ ਭਰਤ ਦੇ ਸਾਹਮਣੇ ਆ ਗਿਆ। ਧਰਤੀ ਸਿਪਾਹੀਆਂ ਨਾਲ ਭਰੀ ਜਾਪਣ ਲੱਗੀ ਹਰ ਪਾਸੇ ਹਾਥੀ, ਘੋੜੇ, ਰੱਥ ਅਤੇ ਪੈਦਲ ਸਿਪਾਹੀ ਵਿਖਾਈ ਦੇ ਰਹੇ ਸਨ। ਦੋਹਾਂ ਪਾਸੇ ਦੇ ਮੰਤਰੀਆਂ ਨੇ ਸੋਚਿਆ ਕਿ ਦੋਹੇਂ ਰਾਜੇ ਸਕੇ ਭਰਾ ਹਨ। ਇਹਨਾਂ ਦੀ ਆਪਸੀ ਜੰਗ ਵਿੱਚ ਆਮ ਸਿਪਾਹੀ ਕਿਉਂ ਮਾਰੇ ਜਾਣ ਉਹਨਾਂ ਦੋਹਾਂ ਭਰਾਵਾਂ ਨੂੰ ਰਾਏ ਦਿੱਤੀ ਕਿ ਤੁਸੀ ਆਪਸ ਵਿੱਚ ਹੀ ਜੰਗ ਕਰ ਲਵੋ, ਜੋ ਜਿੱਤ ਜਾਵੇਗਾ ਉਹ ਹੀ ਜੇਤੂ ਅਖਵਾਏ
ਗਾ।
ਦੋਹਾਂ ਵਿੱਚਕਾਰ ਦ੍ਰਿਸ਼ਟੀ ਯੁੱਧ, ਕੁਸ਼ਤੀ, ਮੁੱਕੇਬਾਜੀ ਅਤੇ ਜਲ ਯੁੱਧ ਹੋਇਆ। ਹਰ ਯੁੱਧ ਵਿੱਚ ਬਾਹੂਵਲੀ ਦੀ ਜਿੱਤ ਹੋਈ, ਪਰ ਚੱਕਰਵਰਤੀ ਭਰਤ ਨੇ ਆਪਣੇ ਆਪ ਨੂੰ ਜਦੋਂ ਹਾਰਦਾ ਵੇਖਿਆ ਤਾਂ ਉਸ ਨੇ ਆਪਣਾ ਚੱਕਰ ਰਤਨ ਜੋ ਕਿ ਦੇਵਤਿਆਂ ਰਾਹੀਂ ਉਸ ਨੂੰ ਦਿਤਾ ਗਿਆ ਸੀ। ਅਪਣੇ ਭਰਾ ਤੇ ਚਲਾ ਦਿਤਾ, ਪਰ ਚੱਕਰ ਰਤਨ ਬਾਹੂਵਲੀ ਦੀ ਚਾਰੋਂ ਪਾਸੇ ਘੁੰਮਦਾ ਹੋਇਆ ਵਾਪਸ ਭਰਤ ਕੋਲ ਆ ਗਿਆ। ਕਿਉਂ ਕਿ ਚੱਕਰ ਰਤਨ ਆਪਣੇ ਪਰਿਵਾਰ ਦੇ ਮੈਂਬਰਾਂ ਤੇ ਨਹੀਂ ਚੱਲ ਸਕਦਾ। ਭਰਤ ਅਪਣੀ ਹਾਰ ਵੇਖ ਕੇ ਬਹੁਤ ਸ਼ਰਮਿੰਦਾ ਹੋਇਆ। ਬਾਹੂਬਲੀ ਨੇ ਭਾਰਤ ਨੂੰ ਉੱਪਰ ਚੁੱਕਿਆ ਤੇ ਉਹ ਉਸ ਨੂੰ ਉੱਪਰ ਉਛਾਲਣ ਵਾਲਾ ਹੀ ਸੀ ਕਿ ਉਸੇ ਸਮੇਂ ਦੇਵਤਿਆਂ ਦੇ ਰਾਜੇ ਇੰਦਰ ਨੇ ਭਰਤ ਦੀ ਰਾਖੀ ਕੀਤੀ।
[118]
