________________
ਮਹਾਂਸਤੀ ਅੰਜਨਾ ਮਹਾਂਸਤੀ ਅੰਜਨਾ ਮਹਿੰਦਰਪੁਰੀ ਦੇ ਰਾਜਾ ਮਹਿੰਦਰ ਅਤੇ ਰਾਣੀ ਮਨੋਵੇਗਾ ਦੀ ਪੁੱਤਰੀ ਸੀ। ਉਹ ਸੁੰਦਰ, ਗੁਣਵਾਨ ਅਤੇ ਬੱਚਪਨ ਤੋਂ ਹੀ ਧਾਰਮਿਕ ਸੰਸਕਾਰਾਂ ਨਾਲ ਪਲੀ ਸੀ। ਇੱਕ ਦਿਨ ਉਹ ਹਾਰ ਸ਼ਿੰਗਾਰ ਕਰਕੇ ਜਦ ਅਪਣੇ ਪਿਤਾ ਦੇ ਸਾਹਮਣੇ ਆਈ ਤਾਂ ਪਿਤਾ ਨੂੰ ਉਸ ਦੀ ਸ਼ਾਦੀ ਦੀ ਚਿੰਤਾ ਸਤਾਉਣ ਲੱਗੀ। ਅੰਜਨਾ ਦੇ ਯੋਗ ਕੋਈ ਵਰ ਨਹੀਂ ਮਿਲ ਰਿਹਾ ਸੀ, ਅੰਤ ਵਿੱਚ ਰਤਨਪੁਰੀ ਦੇ ਰਾਜਾ ਪਰਲਾਦ ਦੇ ਪੁੱਤਰ ਪਵਨ ਨਾਲ ਅੰਜਨਾ ਦੀ ਸ਼ਾਦੀ ਨਿਸ਼ਚਿਤ ਹੋਈ। ਪਵਨ ਕੁਮਾਰ ਕੰਨਿਆ ਨੂੰ ਵੇਖੇ ਬਿਨ੍ਹਾਂ ਸ਼ਾਦੀ ਨਹੀਂ ਸੀ ਕਰਨਾ ਚਾਹੁੰਦਾ। ਜਦ ਇਹ ਖਬਰ ਰਾਜਾ ਮਹਿੰਦਰ ਨੂੰ ਮਿਲੀ ਤਾਂ ਉਸ ਨੇ ਪੁੱਤਰੀ ਨੂੰ ਵਿਖਾਉਣ ਦਾ ਪ੍ਰਬੰਧ ਕਰ ਦਿੱਤਾ। ਪਵਨ ਕੁਮਾਰ ਅੰਜਨਾ ਨੂੰ ਵੇਖਣ ਲਈ ਨਿਸ਼ਚਿਤ ਸਥਾਨ ਤੇ ਪਹੁੰਚਿਆ ਜਿੱਥੇ ਅੰਜਨਾ ਆਪਣੀਆਂ ਪਿਆਰੀਆਂ ਸਹੇਲੀਆਂ ਨਾਲ ਪਹਿਲਾਂ ਹੀ ਬੈਠੀ ਹੋਈ ਗੱਲਾਂ ਕਰ ਰਹੀ ਸੀ। ਸਹੇਲੀਆਂ ਨੇ ਆਖਿਆ ਕਿ ਜੋੜੀ ਚੰਗੀ ਰਹੇਗੀ। ਇਹ ਸੁਣਕੇ ਅੰਜਨਾ ਨੇ ਆਖਿਆ ਸਭ ਕੁੱਝ ਭਾਗ ਦੇ ਅਨੁਸਾਰ ਹੁੰਦਾ ਹੈ। ਪਹਿਲਾਂ ਜਿਸ ਨਾਲ ਮੇਰੀ ਮੰਗਣੀ ਹੋਣੀ ਸੀ ਉਸ ਦੀ ਕੁੱਲ ਉੱਮਰ 26 ਸਾਲ ਸੀ। | ਇਧਰ ਪਵਨ ਕੁਮਾਰ ਅੰਜਨਾ ਨੂੰ ਵੇਖ ਰਿਹਾ ਸੀ ਤਾਂ ਉਸ ਨੂੰ ਇਕ ਗਲ ਬੁਰੀ ਲੱਗੀ, ਉਹ ਸੋਚਣ ਲੱਗਾ ਕਿ ਅੰਜਨਾ ਕਿਸੇ ਪਰਾਏ ਪੁਰਸ਼ ਨਾਲ, ਪਹਿਲਾਂ ਤੋਂ ਸ਼ਾਦੀ ਦੀ ਅਭਿਲਾਸੀ ਰਹੀ ਹੈ ਇਸ ਨਾਲ ਸ਼ਾਦੀ ਕਰਨਾ ਬੇਕਾਰ ਹੈ। ਪਰ ਪਵਨ ਨੂੰ ਦੋਸਤਾਂ ਨੇ ਸਮਝਾਇਆ, ਉਹ ਸ਼ਾਦੀ ਲਈ ਰਾਜੀ ਹੋ ਗਿਆ। ਪਰ ਉਸ ਨੇ ਅੰਜਨਾ ਤੋਂ ਬੇਮੁੱਖ ਤੇ ਉਦਾਸ ਰਹਿਨ ਦੀ ਪ੍ਰਤਿਗਿਆ ਧਾਰਨ ਕਰ ਲਈ। ਮਾਤਾ ਪਿਤਾ ਵੱਲੋਂ ਭਰਪੂਰ ਤੋਹਫੇ ਪ੍ਰਾਪਤ ਕਰਕੇ ਜਦ ਅੰਜਨਾ ਸਹੁਰੇ ਘਰ ਆਈ ਤਾਂ ਧਨ ਸੰਪਤੀ ਵੇਖ ਕੇ ਬਹੁਤ ਖੁਸ਼ ਹੋਈ।
[99]
