________________
ਪਰ ਜਦ ਉਸ ਨੂੰ ਪਤਾ ਚਲਿਆ ਕਿ ਪਵਨ ਕੁਮਾਰ ਉਸ ਨਾਲ ਨਾਰਾਜ ਹੈ ਤਾਂ ਉਹ ਬਹੁਤ ਉਦਾਸ ਹੋਈ। ਅਨੇਕਾਂ ਕੋਸ਼ਿਸ਼ਾਂ ਕਰਨ ਤੇ ਵੀ ਉਸ ਨੂੰ ਸਫਲਤਾ ਨਾ ਮਿਲੀ। ਅੰਜਨਾ ਇਸ ਉਦਾਸੀ ਦੇ ਹਾਲਾਤ ਵਿੱਚ ਆਪਣੇ ਧਰਮ ਵਿੱਚ ਅਤੇ ਝੀਲ ਵਿੱਚ ਲੀਨ ਰਹਿਣ ਲੱਗੀ। ਉਹ ਹਰ ਸਮੇਂ ਅਰਿਹੰਤ ਪ੍ਰਮਾਤਮਾ ਦੀ ਉਪਾਸਨਾ ਕਰਦੀ। ਉਸ ਦੇ ਕੋਲ ਉਸ ਦੀ ਪਿਆਰੀ ਦਾਸੀ ਬਸੰਤ ਮਾਲਾ ਤੋਂ ਇਲਾਵਾ ਕੁੱਝ ਵੀ ਨਹੀਂ ਸੀ।
ਇੱਕ ਵਾਰ ਮਹਾਰਾਜ ਦੇਸ਼ਕਧਾਰਨ ਦੇ ਹੁਕਮ ਨਾਲ, ਪਵਨ ਕੁਮਾਰ ਜੰਗ ਵਿੱਚ ਜਾਣ ਲਈ ਤਿਆਰ ਹੋਇਆ। ਮੰਤਰੀ ਨੇ ਉਸ ਨੂੰ ਅੰਜਨਾ ਰਾਣੀ ਨਾਲ ਮਿਲਣ ਦੀ ਸਲਾਹ ਦਿੱਤੀ। ਪਵਨ ਕੁਮਾਰ ਨੇ ਆਖਿਆ, “ਇਹ ਇਸਤਰੀ ਚਰਿੱਤਰਹੀਨ ਹੈ”। ਇਸ ਤੇ ਮੰਤਰੀ ਨੇ ਆਖਿਆ, “ਮਹਾਰਾਜ ! ਤੁਹਾਡੇ ਅਪਣੀ ਪਤਨੀ ਬਾਰੇ ਵਿਚਾਰ ਗਲਤ ਹਨ। ਇਹ ਤਾਂ ਜਿੰਨੇਦਰ ਪ੍ਰਮਾਤਮਾ ਦੀ ਭਗਤੀ ਕਰਦੀ ਹੈ। ਤੁਹਾਨੂੰ ਜ਼ਰੂਰ ਹੀ ਕੋਈ ਭਰਮ ਹੈ, ਇਕ ਵਾਰ ਤੁਸੀਂ ਜ਼ਰੂਰ ਹੀ ਅਪਣੀ ਪਤਨੀ ਨੂੰ ਮਿਲੋ । ਮੰਤਰੀ ਦੇ ਸਮਝਾਉਣ ਅਤੇ ਚਕਵਾ ਪੰਛੀ ਦੇ ਸਗਨ ਨੂੰ ਵੇਖ ਕੇ ਉਹ ਅੰਜਨਾ ਕੋਲ ਗਿਆ ਅਤੇ ਅੰਜਨਾ ਨੇ ਉਸ ਦਾ ਪਿਆਰ ਭਰੇ ਹੰਝੂਆਂ ਨਾਲ ਸਵਾਗਤ ਕੀਤਾ। ਵਾਪਸੀ ਤੇ ਪਵਨ ਕੁਮਾਰ ਨੇ ਅੰਜਨਾ ਨੂੰ ਚਿੰਤਾਮਨੀ ਦਿੰਦੇ ਹੋਏ ਆਖਿਆ, “ਜਦ ਕੋਈ ਕਸ਼ਟ ਆਵੇ ਤਾਂ ਇਸ ਮਨੀ ਦਾ ਧਿਆਨ ਕਰ ਲੈਣਾ। ਇਸ ਪ੍ਰਕਾਰ ਅੰਜਨਾ ਨੇ ਪਤੀ ਨੂੰ ਵਿਦਾਈ ਦਿੱਤੀ ਅਤੇ ਪ੍ਰਭੂ ਦੀ ਦੁਗਨੀ ਭਗਤੀ ਕਰਨੀ ਸ਼ੁਰੂ ਕਰ ਦਿੱਤੀ।
| ਥੋੜੇ ਜਿਹੇ ਸਮੇਂ ਵਿੱਚ ਹੀ ਅੰਜਨਾ ਦੇ ਗਰਭ ਠਹਿਰ ਗਿਆ ਜੋ ਹੌਲੀ ਹੌਲੀ ਵਿਖਾਈ ਦੇਣ ਲੱਗਾ। ਇਹ ਖਬਰ ਜਦ ਪਵਨ ਕੁਮਾਰ ਦੀ ਮਾਂ ਕੇਤੂਮਤੀ ਨੂੰ ਲੱਗੀ ਤਾਂ ਉਸ ਨੇ ਅੰਜਨਾ ਨੂੰ ਕੁਲਟਾ ਆਖ ਕੇ ਰਾਜ ਵਿਚੋਂ ਬਾਹਰ ਕਰ ਦਿੱਤਾ। ਅੰਜਨਾ ਨੇ ਲੱਖ ਸਮਝਾਉਣ
[100]
