________________
ਇਹ ਸੱਚ ਹੈ ਕਿ ਜੈਨ ਦਰਸ਼ਨ ਦੇ ਆਪਣੇ ਪਰਿਭਾਸ਼ਿਕ ਸ਼ਬਦ ਹਨ। ਉਹ ਸ਼ਬਦ ਜਦ ਤੱਕ ਨਾ ਜਾਣੇ ਜਾਣ ਤੱਦ ਤਕ ਵਿਸ਼ੇ ਨੂੰ ਸਮਝਣ ਵਿੱਚ ਮੁਸ਼ਕਿਲ ਆਉਂਦੀ ਹੈ। ਇਨ੍ਹਾਂ ਸ਼ਬਦਾਂ ਨੂੰ ਦੂਸਰੇ ਸ਼ਬਦਾਂ ਵਿੱਚ ਨਹੀਂ ਬਦਲਿਆ ਜਾ ਸਕਦਾ। ਬਦਲਣ ਵਿੱਚ ਅਰਥ ਦੀ ਥਾਂ ਤੇ ਅਨਰਥ ਹੋਣ ਦੀ ਸੰਭਾਵਨਾ ਹੈ। ਇਸ ਲਈ ਸਰਲ ਢੰਗ ਤੋਂ ਜਾਨਣ ਲਈ ਮੈਂ ਕੁਝ ਪਰਿਭਾਸ਼ਿਕ ਸ਼ਬਦ ਦੇ ਅਰਥ ਵੀ ਕੋਸ਼ ਦੇ ਰੂਪ ਵਿੱਚ ਪਿੱਛੇ ਦੇ ਦਿੱਤੇ ਹਨ, ਤਾਂਕਿ ਪਾਠਕਾਂ ਨੂੰ ਸਮਝਣ ਵਿੱਚ ਆਸਾਨੀ ਹੋਵੇ। ਹਥਲਾ ਪੰਜਾਬੀ ਅਨੁਵਾਦ
ਜੈਨ ਧਰਮ ਦਰਸ਼ਨ ਇਕ ਜਾਣਕਾਰੀ ਗ੍ਰੰਥ ਦੇ ਹਿੰਦੀ ਭਾਸ਼ਾ ਵਿੱਚ ਦੋ . ਸੰਸਕਰਨ ਨਿਕਲ ਚੁੱਕੇ ਹਨ। ਇਸ ਦਾ ਅੰਗਰੇਜ਼ੀ ਅਨੁਵਾਦ ਵੀ ਪ੍ਰਕਾਸ਼ਿਤ ਹੋਇਆ ਹੈ। ਲੁਧਿਆਣੇ ਚੁਮਾਸੇ ਵਿੱਚ ਪੰਜਾਬ ਦੇ ਸ਼ਰਧਾਲੂ ਪਾਠਕਾਂ ਦੀ ਇਹ ਭਾਵਨਾ ਰਹੀ ਕਿ ਜੇ ਕੋਈ ਪੰਜਾਬੀ ਵਿੱਚ ਜੈਨ ਧਰਮ ਸਬੰਧੀ ਪੁਸਤਕ ਦਾ ਅਨੁਵਾਦ ਹੋਵੇ ਤਾਂਕਿ ਪੰਜਾਬ ਦੇ ਲੋਕ ਜੈਨ ਧਰਮ ਦੇ ਰਹੱਸ ਨੂੰ ਸਹਿਜ ਹਿਰਦੇ ਵਿੱਚ ਉਤਾਰ ਸਕਣ। ਉਨ੍ਹਾਂ ਜਗਿਆਸੂ ਪਾਠਕਾਂ ਦੀ ਭਾਵਨਾ ਨੂੰ ਧਿਆਨ ਵਿੱਚ ਰੱਖ ਕੇ ਪ੍ਰਸਿੱਧ ਸਾਹਿਤਕਾਰ ਸੁਸ਼ਾਵਕ ਪੁਰਸ਼ੋਤਮ ਜੀ ਜੈਨ ਤੇ ਸ਼ੀ ਰਵਿੰਦਰ ਜੈਨ ਧਰਮ ਭਰਾਵਾਂ ਨੇ ਭਗਤੀ ਭਾਵ ਵਿੱਚ ਡੁੱਬ ਕੇ ਇਸ ਗ੍ਰੰਥ ਦਾ ਪੰਜਾਬੀ ਅਨੁਵਾਦ ਕੀਤਾ ।
ਅਨੁਵਾਦ ਵੀ ਇਕ ਕਲਾ ਹੈ। ਇਸ ਕਲਾ ਵਿੱਚ ਆਪ ਨਿਪੁੰਨ ਹੋ। ਪੰਜਾਬੀ ਵਿੱਚ ਆਪ ਰਾਹੀਂ ਇਹ ਕੰਮ ਪੂਰਾ ਹੋਇਆ ਹੈ ਇਸ ਲਈ ਇਹ ਅਨੁਵਾਦ ਸਭ ਦੇ ਮਨ ਨੂੰ ਪ੍ਰਸ਼ਨ ਕਰੇਗਾ! ਮੇਰਾ,ਦਿਲੀ ਆਸ਼ੀਰਵਾਦ ਹੈ ਕਿ ਇਹ ਦੋਵੇਂ ਆਪਣੀ ਬੁੱਧੀ ਦੀ ਠੀਕ ਵਰਤੋਂ ਕਰਦੇ ਹੋਏ, ਪੰਜਾਬੀ ਭਾਸ਼ਾ ਦੇ ਭੰਡਾਰ ਨੂੰ ਭਰਦੇ ਰਹਿਣ ਅਤੇ ਇਹ ਵੀ ਉਮੀਦ ਹੈ ਕਿ ਪੰਜਾਬੀ ਭਾਸ਼ਾ ਜਾਨਣ ਵਾਲਿਆਂ ਲਈ ਇਹ ਗ੍ਰੰਥ ਸਫਲ ਸਿੱਧ ਹੋਵੇ। 15-8-1994
ਆਚਾਰੀਆ ਦੇਵਿੰਦਰ ਮੁਨੀ ਜੈਨ ਸਥਾਨਕ, ਲੁਧਿਆਣਾ।
