Page Text
________________
ਅਤੇ ਗੋਸ਼ਾਲਕ ਦੋਵੇਂ ਚੁੱਪ ਰਹੇ । ਜਦ ਇਸ ਗੱਲ ਦਾ ਪਤਾ ਸੋਮਾ ਅਤੇ ਜੈਅੰਤੀ ਸਾਧਵੀਆਂ ਨੂੰ ਲਗਾ, ਤਾਂ ਉਨ੍ਹਾਂ ਘਟਨਾ ਵਾਲੀ ਜਗ੍ਹਾ ਤੇ ਪਹੁੰਚ ਕੇ ਦੋਹਾਂ ਨੂੰ ਛੁੜਾਇਆ । ਇਹ ਦੋਵੇਂ ਪਹਿਲਾਂ ਭਗਵਾਨ ਪਾਰਸ਼ਵ ਨਾਥ ਦੇ ਸਾਧਵੀ ਸੰਪਰਦਾਏ ਦੀਆਂ ਚੇਲੀਆਂ ਸਨ, ਪਰ ਬਾਅਦ ਵਿੱਚ ਪਰਿਵਰਾਜਕ ਸਾਧਵੀਆਂ ਬਣ ਗਈਆਂ ਸਨ ।ਸੋਮਾ ਤੇ ਜੈਅੰਤੀ ਤੋਂ ਭਗਵਾਨ ਮਹਾਵੀਰ ਦੀ ਜਾਣਕਾਰੀ ਸੁਣ ਕੇ ਸਿਪਾਹੀਆਂ ਨੇ ਦੋਹਾਂ ਨੂੰ ਆਦਰ ਸਤਿਕਾਰ ਨਾਲ ਛੱਡ ਦਿੱਤਾ । ਭਗਵਾਨ ਮਹਾਵੀਰ ਨੇ ਆਪਣਾ ਇਹ ਚੌਪਾਸਾ ਚੰਪਾ ਨਗਰੀ ਵਿਖੇ ਕੀਤਾ ! ਪੰਜਵਾਂ ਸਾਲ | ਚੋਰਾਕ ਸ਼ਨੀਵੇਸ਼ ਤੋਂ ਚੱਲ ਕੇ ਭਗਵਾਨ ਨੇ ਚੌਥਾ ਚੋਪਾਸਾ ਪਰਿਸ਼ਟ ਚੰਪਾ ਵਿਖੇ ਕੀਤਾ । ਇਥੇ ਇਕ ਗਰੀਬ ਸੇਠ ਜੀਰਨ, ਭਗਵਾਨ ਮਹਾਵੀਰ ਨੂੰ ਹਰ ਰੋਜ਼ ਵਰਤ ਖੋਲਣ ਦੀ ਬੇਨਤੀ ਕਰਦਾ ਸੀ । ਭਗਵਾਨ ਨੇ ਉਸ ਦੀ ਇੱਛਾ ਪੂਰੀ ਕੀਤੀ । ਉਥੋਂ ਭਗਵਾਨ ਮਹਾਵੀਰ ਕਯੰਗਲਾ ਨਗਰ ਗਏ । ਜਿਥੇ ਮਾਘ ਦੇ ਮਹੀਨੇ ਇਕ ਗਰੀਬ ਇਸਤਰੀ ਗਾਣਾ ਗਾ ਰਹੀ ਸੀ । ਗੋਸ਼ਾਲਕ ਉਸਨੂੰ ਵੇਖ ਕੇ ਹੱਸ ਪਿਆ । ਇਹ ਔਰਤ ਗਰੀਬ ਹੋਣ ਦੇ ਨਾਲ ਨਾਲ ਬੁੱਢੀ ਵੀ ਸੀ . ਲੋਕਾਂ ਨੇ ਗੋਸ਼ਾਲਕ ਨੂੰ ਕੁੱਟਣਾ ਸ਼ੁਰੂ ਕਰ ਦਿਤਾ, ਪਰ ਭਗਵਾਨ ਮਹਾਵੀਰ ਦਾ ਚੇਲਾ ਸਮਝ ਕੇ ਛੱਡ ਦਿੱਤਾ । | ਕੰਗਲਾ ਵਿਚ ਦਰਿਧੇਰ ਨਾਮੀ ਪਾਖੰਡੀ ਸਾਧੂ ਰਹਿੰਦੇ ਸਨ । ਇਹ ਸਾਧੂ ਸ਼ਾਦੀ-ਸ਼ੁਦਾ ਅਤੇ ਜਮੀਨ ਜਾਇਦਾਦ ਦੇ ਮਾਲਕ ਸਨ । ਭਗਵਾਨ ਮਹਾਵੀਰ ਉਨ੍ਹਾਂ ਦੇ ਮੰਦਰ ਵਿਚ ਇਕ ਰਾਤ ਰਹੇ । ਉਸ ਰਾਤ ਉਨ੍ਹਾਂ ਦਾ ਕੋਈ ਧਾਰਮਿਕ ਜਲਸਾ ਸੀ । ਮਰਦ, ਬਚੇ ਅਤੇ ਇਸਤਰੀਆਂ ਮੰਦਰ ਵਿੱਚ ਨੱਚ ਰਹੇ ਸਨ । ਬਾਜੇ ਵੱਜ ਰਹੇ ਸਨ । ਭਗਵਾਨ ਮਹਾਵੀਰ ਉਸ ਮੰਦਰ ਦੇ ਇਕ ਕੋਨੇ ਵਿਚ ਧਿਆਨ ਲਗਾ ਕੇ ਬੈਠ ਗਏ ।
ਗੋਸ਼ਾਲਕ ਮੰਦਰ ਦੇ ਅੰਦਰ ਆ ਕੇ ਨਾਚ ਗਾਣਾ ਵੇਖਣ ਲੱਗਾ । ਉਸ ਰਾਤ ਕੜਾਕੇ ਦੀ ਠੰਡ ਸੀ । ਕੁਝ ਸਮੇਂ ਬਾਅਦ ਗੋਸ਼ਾਲਕ ਉਨ੍ਹਾਂ ਦੇ ਧਰਮ ਦੀ ਨਿੰਦਾ ਕਰਨ ਲਗਾ। ਲੋਕਾਂ ਨੇ ਗੋਸ਼ਾਲਕ ਨੂੰ ਚੁੱਕ ਕੇ ਬਾਹਰ ਸੁੱਟ ਦਿੱਤਾ । ਉਹ ਠੰਡ ਵਿਚ ਕੰਬਣ ਲਗਾ। ਕੁਝ ਸਮੇਂ ਬਾਅਦ ਉਸ ਮੰਦਰ ਦੇ ਪੁਜਾਰੀ ਨੇ ਲੋਕਾਂ ਨੂੰ ਕਿਹਾ “ ਇਹ ਆਦਮੀ ਧਿਆਨ ਕਰ ਰਹੇ ਆਦਮੀ ਦਾ ਸੇਵਕ ਹੈ । ਇਸ ਨੂੰ ਅੰਦਰ ਬੈਠ ਜਾਣ ਦਿਓ ਅਤੇ ਨਾਲ ਹੀ ਬਾਜੇ ਜੋਰ ਨਾਲ ਵਜਾਓ ਤਾਂਕਿ ਇਸ ਆਦਮੀ ਦੀ ਬਕਵਾਸ ਨਾ ਸੁਣੇ ।” ਲੋਕਾਂ ਨੇ ਮੰਦਰ ਦੇ ਪੁਜਾਰੀ ਦੀ ਗੱਲ ਮੰਨ ਲਈ । ਗੋਸ਼ਾਲਕ ਨੂੰ ਮੰਦਰ ਵਿਚ ਫੇਰ ਜਗ੍ਹਾ ਮਿਲ ਗਈ । | ਕੰਗਲਾ ਤੋਂ ਭਗਵਾਨ ਮਹਾਂਵੀਰ ਵਸਤੀ ਗਏ । ਉਥੇ ਉਨ੍ਹਾਂ ਕਾਯੋਤਸਰਗ (ਧਿਆਨ) ਤੱਪ ਕੀਤਾ । ਉਥੋਂ ਭਗਵਾਨ ਮਹਾਵੀਰ ਫੇਰ ਹਰੀਦੁਗ ਪਿੰਡ ਗਏ । ਇੱਥੇ ਹਰੀਦੁਗ ਨਾਂ ਦਾ ਇਕ ਦਰਖਤ ਸੀ, ਜਿਸ ਦੇ ਹੇਠਾਂ ਭਗਵਾਨ ਮਹਾਵੀਰ ਤੇ ਗੋਲਕ ਨੇ ਇਕ ਰਾਤ ਗੁਜਾਰੀ । ਉੱਥੇ ਕੁਝ ਯਾਤਰੀ ਲੋਕ ਵੀ ਠਹਿਰੇ ਹੋਏ ਸਨ । ਜਿਨ੍ਹਾਂ ਰਾਤ ਨੂੰ
ਭਗਵਾਨ ਮਹਾਵੀਰ
47.'
| SR No. | 009403 |
| Book Title | Bhagwan Mahavir |
| Original Sutra Author | N/A |
| Author | Purushottam Jain, Ravindra Jain |
| Publisher | Purshottam Jain, Ravindra Jain |
| Publication Year | |
| Total Pages | 166 |
| Language | Punjabi |
| Classification | Book_Other |
| File Size | 7 MB |