Page Text
________________
ਰੂਪ ਵਿਚ ਨਹੀਂ, ਸਗੋਂ ਖੰਡੀਤਤ (ਅਪੂਰਨ) ਰੂਪ ਵਿਚ ਹੀ ਵੇਖਦੇ ਹਾਂ । ਕਿਉਂਕਿ ਅਜ ਮਹਾਵੀਰ ਸ਼ੁੱਧ ਮਹਾਵੀਰ ਨਹੀਂ, ਉਹ ਇਕ ਪਾਸੇ ਦਿਗੰਵਰ ਮਹਾਵੀਰ ਹਨ, ਦੂਸਰੇ ਪਾਸੇ ਸਵੇਤਾਂਵਰ ਮਹਾਵੀਰ ਹਨ । ਤੀਸਰੇ ਪਾਸੇ ਉਹ ਸਥਾਨਕ ਵਾਸੀ ਮਹਾਵੀਰ ਹਨ ਤਾਂ ਚੌਥੇ ਪਾਸੇ ਉਹ ਤੇਰਾਪੰਥੀ ਮਹਾਵੀਰ ਹਨ । ਕੋਈ ਉਨ੍ਹਾਂ ਨੂੰ ਨੰਗਾ ਚਿਤਰਤ ਕਰਦਾ ਹੈ। ਕੋਈ ਉਨ੍ਹਾਂ ਦੇ ਕਪੜੇ ਪੁਆ ਰਿਹਾ ਹੈ । ਕੋਈ ਉਨ੍ਹਾਂ ਦੇ ਮੂੰਹ ਤੇ ਮੁਹਪੱਟੀ ਬੰਨ ਰਿਹਾ ਹੈ। ਆਪਣੀ ਆਪਣੀ ਦਰਿਸ਼ਟੀ ਹੈ, ਉਸੇ ਅਨੁਸਾਰ ਮਹਾਵੀਰ ਦੀ ਰਚਨਾ ਹੋ ਰਹੀ ਹੈ । ਮਹਾਵੀਰ ਸਾਡੇ ਨਿਰਮਾਤਾ ਨਹੀਂ, ਸਗੋਂ ਅਸੀਂ ਉਨ੍ਹਾਂ ਦੇ ਨਿਰਮਾਤਾ ਬਣ ਗਏ ਇਹੋ ਕਾਰਣ ਹੈ ਕਿ ਮਹਾਂਵੀਰ ਦੀ ਜੀਵਨ ਸਾਧਨਾ ਅਤੇ ਜੀਵਨ ਸਿੱਧਿ ਦਾ ਸਹੀ ਰੂਪ ਸਧਾਰਣ ਜਨਤਾ ਦੇ ਸਾਹਮਣੇ ਨਹੀਂ ਆ ਰਿਹਾ।
ਹਾਂ ।
ਭਗਵਾਨ ਮਹਾਵੀਰ ਕ੍ਰਾਂਤੀਪੁਰਸ਼ ਹਨ ।ਉਨ੍ਹਾਂ ਦੀ ਕਰਾਂਤੀ ਸਰਵਪੱਖੀ ਵਿਕਾਸ ਦੇ ਲਈ ਸਹਿਜ ਪ੍ਰੇਰਣਾ ਦਿੰਦੀ ਹੈ, ਮਹਾਵੀਰ ਦੀ ਤੱਤਵ ਦਰਿਸ਼ਟੀ ਪਖੋਂ, ਆਤਮਾ ਕੇਵਲ ਆਤਮਾ ਹੀ ਨਹੀਂ, ਸਗੋਂ ਪ੍ਰਮਾਤਮਾ ਹੈ । ਮਨੁੱਖਤਾ ਮਾਤਰ ਦੇ ਸੰਸਾਰਿਕ ਰੂਪ ਵਿਚ ਸੋ ਪਰਮਾਤਮਾ ਨੂੰ ਜਗਾਉਣਾ ਹੀ ਉਨ੍ਹਾਂ ਦੇ ਧਰਮ ਸੰਦੇਸ਼ਾਂ ਦੀ ਮੂਲ ਆਵਾਜ਼ ਹੈ । ਇਸ ਲਈ ਉਨ੍ਹਾਂ ਦੀ ਅਧਿਆਤਮਿਕ ਸਾਧਨਾ, ਧਾਰਮਿਕ ਅਤੇ ਸੰਸਾਰਿਕ ਕਰਾਂਤੀ ਦੇ ਰੂਪ ਵਿਚ ਜੋ ਪ੍ਰਗਟ ਹੋਈ ਹੈ ਉਹ ਉਸ ਸਮੇਂ ਦੀਆਂ ਸਮਸਿਆਂ ਦੇ ਹੱਲ ਦੇ ਨਾਲ-ਨਾਲ ਅਜੋਕੇ ਸਮੇਂ ਦੀਆਂ ਸਮਸਿਆਵਾਂ ਦਾ ਹੱਲ ਵੀ ਪੇਸ਼ ਕਰਦਾ ਹਨ । ਇਸ ਲਈ ਮਹਾਵੀਰ ਦਾ ਜੀਵਨ ਅਨੇਕਾਂਤ (ਭਿੰਨ ਭਿੰਨ ਦ੍ਰਿਸ਼ਟੀਕੋਣ) ਪਖੋਂ ਸਰਵ ਵਿਆਪਕ ਹੈ ।ਉਹ ਭਾਰਤੀ ਇਤਿਹਾਸ ਦੇ ਪੰਨੇ ਤੇ ਜਿਥੇ ਇਕ ਯੁਗ ਪੁਰਸ਼ ਦਾ ਜੀਵਨ ਹੈ ਉਥੇ ਭਾਵ (ਗੁਣ( ਪਖੋਂ ਹਮੇਸ਼ਾਂ ਸ਼ਾਸਵਤ (ਅਮਰ) ਹੈ । ਜ਼ਰੂਰਤ ਹੈ, ਦੋਹੇ ਦਰਿਸ਼ਟੀਕੋਣ ਤੋਂ ਮਹਾਵੀਰ ਨੂੰ ਆਮ ਲੋਕਾਂ ਤੱਕ ਪਹੁੰਚਾਣ ਦੀ ।
ਸ਼੍ਰੀ ਰਵਿੰਦਰ ਕੁਮਾਰ ਜੈਨ ਅਤੇ ਸ਼੍ਰੀ ਪੁਰਸ਼ੋਤਮ ਦਾਸ ਜੈਨ ਜੀ ਪੰਜਾਬ ਪ੍ਰਦੇਸ਼ ਦੇ ਦੋ ਪੁੰਨ ਵਾਨ ਧਰਮ ਭਰਾ ਹਨ । ਉਹਨਾਂ ਮਹਾ ਪ੍ਰਭੂ ਮਹਾਵੀਰ ਦੇ ਨਿਰਪੱਖ ਜੀਵਨ ਨੂੰ ਲਿਖਣ ਦੀ ਕੋਸ਼ਿਸ਼ ਕੀਤੀ ਹੈ ਅਤੇ ਉਹ ਵੀ ਪੰਜਾਬ ਦੀ ਆਪਣੀ ਮਾਤ ਭਾਸ਼ਾ ਪੰਜਾਬ ਵਿਚ ।ਜਿਥੇ ਤੱਕ ਮੈਨੂੰ ਪਤਾ ਹੈ ਇੰਨ੍ਹੀ ਵਿਸ਼ਾਲ ਪੱਧਰ ਤੇ ਮਹਾਵੀਰ ਜੀਵਨ ਲਿਖਣ ਦਾ ਕੰਮ ਪੰਜਾਬੀ ਭਾਸ਼ਾ ਵਿਚ ਪਹਿਲੀ ਵਾਰ ਹੀ ਹੋਇਆ ਹੈ । ਪੰਜਾਬ ਸ਼ੁਰੂ ਤੋਂ ਹੀ ਬਹਾਦਰ ਅਤੇ ਸ਼ੂਰਵੀਰਾਂ ਦੀ ਧਰਤੀ ਹੈ । ਬਹਾਦਰੀ, ਅਨਿਆ, ਅਤਿਆਚਾਰ, ਦੁਰਾਚਾਰ ਦੀ ਸਥਾਪਨਾ ਵਿਚ ਨਹੀਂ ਹੈ । ਸੱਚੀ ਬਹਾਦਰੀ, ਅਨਿਆਂ ਅਤੇ ਅਤਿਆਚਾਰ ਦਾ ਮੁਕਾਬਲਾ ਕਰਨ ਵਿਚ ਹੈ ਅਤੇ ਸੰਸਾਰ ਲਈ ਮੰਗਲ, ਬੁੱਧ, ਸਦਾਚਾਰ ਅਤੇ ਨਿਆ ਦੀ ਸਥਾਪਨਾ ਵਿਚ ਹੈ ।
ਭਗਵਾਨ ਮਹਾਵੀਰ ਦੇ ਇਸ ਜੀਵਨ ਚਰਿਤਰ ਤੋਂ ਆਮ ਲੋਕਾਂ ਨੂੰ ਮੰਗਲਕਾਰੀ ਪ੍ਰੇਰਣਾ ਪ੍ਰਾਪਤ ਹੋਵੇਗੀ, ਮਨੁੱਖ ਮਾਤਰ ਦੇ ਲਈ ਵਿਸ਼ਵ ਮੈਤਰੀ (ਸੰਸਾਰਿਕ ਭਾਈਚਾਰਾ) ਅਤੇ ਵਿਸ਼ਵ ਕਰੁਣਾ (ਸੰਸਾਰ ਦੇ ਜੀਵਾਂ ਪ੍ਰਤਿ ਰਹਿਮ) ਦਾ ਸੂਰਜ ਅਜੋਕੇ ਦਿਨ ਪ੍ਰਤੀ ਦਿਨ ਵਧਦੇ ਗੁੜੇ, ਆਪਸੀ, ਜਾਤੀ ਅਤੇ ਫਿਰਕੂ ਆਦਿ ਦੇ ਘ੍ਰਿਣਾ, ਦਵੇਸ਼, ਵੈਰ ਦੇ ਹਨੇਰੇ ਨੂੰ ਖਤਮ ਕਰੇਗਾ ਅਤੇ ਆਪਸੀ ਸਦਭਾਵਨਾਂ, ਸਹਿਯੋਗ ਅਤੇ ਪ੍ਰੇਮ ਦਾ ਰਾਹ ਪ੍ਰਕਾਸ਼ਿਤ ਕਰੇਗਾ । ਸਿਰਫ ਪੰਜਾਬੀ ਹੀ
| SR No. | 009403 |
| Book Title | Bhagwan Mahavir |
| Original Sutra Author | N/A |
| Author | Purushottam Jain, Ravindra Jain |
| Publisher | Purshottam Jain, Ravindra Jain |
| Publication Year | |
| Total Pages | 166 |
| Language | Punjabi |
| Classification | Book_Other |
| File Size | 7 MB |