Page Text
________________
ਨਹੀਂ, ਸੰਸਾਰ ਦੀ ਹਰ ਲੋਕ ਭਾਸ਼ਾ ਵਿਚ ਇਸ ਪਰਕਾਰ ਦੇ ਨਿਰਪੱਖ, ਨਿਰਮਲ, ਲੋਕ ਕਲਿਆਨਕਾਰੀ ਜੀਵਨ ਚਾਰਿਤਰਾਂ ਦਾ ਪ੍ਰਕਾਸ਼ਨ, ਪ੍ਰਚਾਰ ਤੇ ਪ੍ਰਸ਼ਾਰ ਹੋਣਾ ਚਾਹੀਦਾ ਹੈ । ਅੱਜ ਆਦਮੀ ਆਦਮੀ ਤੋਂ ਦੂਰ ਹੁੰਦਾ ਜਾ ਰਿਹਾ ਹੈ । ਸ ਨੂੰ ਇਕ ਦੂਸਰੇ ਦੇ ਕਰੀਬ ਲਿਆਉਣਾ, ਆਮ ਲੋਕਾਂ ਦੇ ਭਲੇ ਦੀ ਗਲ ਹੈ । ਦੁੱਖ ਹੈ, ਅੱਜ ਆਦਮੀ ਦੀ ਆਦਮੀ ਦੇ ਰੂਪ ਵਿਚ ਪਛਾਣ, ਸਭ ਪਾਸੋਂ ਖਤਮ ਹੋ ਗਈ ਹੈ । ਇਸ ਪਛਾਣ ਨੂੰ ਮੁੜ ਸੁਰਜੀਤ ਕਰਨ ਦੀ ਜ਼ਰੂਰਤ ਹੈ ਇਹ ਕੰਮ ਹੋ ਸਕਦਾ ਹੈ, ਭਗਵਾਨ ਮਹਾਵੀਰ ਜਿਹੇ ਸਰਵਪੱਖੀ ਧਰਮ ਰੂਪੀ ਤੀਰਥ ਦੀ ਸਥਾਪਨਾ ਕਰਨ ਵਾਲੇ ਮਹਾਪੁਰਸ਼ਾਂ ਦੇ ਸਰਵ-ਮੰਗਲ ਅਤੇ ਸਦਾ ਮੰਗਲ ਜੀਵਨ ਚਾਰੀਕਰਾਂ ਰਾਹੀਂ ।
ਇਸ ਪਖੋਂ ਦੋਹੇ ਧਰਮ ਭਰਾਵਾਂ ਦਾ ਇਹ ਪੁੰਨ ਵਾਲਾ ਕੰਮ ਦਿਲੋਂ ਪ੍ਰਸ਼ੰਸ਼ਾ ਕਰਨ ਯੋਗ ਹੈ, ਅਤੇ ਨਾਲ ਹੀ ਹਰ ਪਖੋਂ ਆਦਰ ਯੋਗ ਵੀ ।
ਦੋਹੇ ਧਰਮ ਭਰਾਵਾਂ ਦੇ ਜੋੜੇ ਦਾ ਇਹ ਇੱਕਠਾ ਕੰਮ ਮਹਾਵੀਰ ਜੀਵਨ ਨਾਲ ਸੰਕਲਿਤ, ਪ੍ਰਚਲਿਤ ਕਿਸੇ ਕਹਾਣੀਆਂ ਦਾ ਪੰਜਾਬੀ ਅਨੁਵਾਦ ਹੀ ਨਹੀਂ ਹੈ । ਮਹਾਪ੍ਰਭੂ ਦੇ ਪੋਰਾਣਿਕ ਅਤੇ ਇਤਿਹਾਸਿਕ ਜੀਵਨ ਵਿਰਤਾਂਤਾਂ ਦੀ ਪੁਰਾਣੀ ਕਥਾਵਾਂ ਨੂੰ ਉਨ੍ਹਾਂ ਨਿਰੱਪਖ ਦਰਿਸ਼ਟੀ ਤੋਂ ਛਾਇਆ ਹੈ । ਫਿਰਕਾਪ੍ਰਸਤੀ ਦਾ ਜਹਿਰ ਕਿਤੇ ਵੀ ਰੁਕਾਵਟ ਨਾਂ ਬਣੇ, ਇਸ ਗੱਲ ਦੀ ਕਾਫੀ ਸਾਵਧਾਨੀ ਵਰਤੀ ਗਈ ਹੈ ।
ਭੂਮਿਕਾ ਰੂਪੀ ਯਗ ਦੀ ਪੂਰਣ ਅਹੂਤੀ ਦੇ ਮੰਗਲ ਕਾਰੀ ਸਮੇਂ ਵਿਚ ਇਕ ਪਾਸੇ ਮੇਰਾ ਧਿਆਨ ਜਾ ਰਿਹਾ ਹੈ, ਇਸ ਗ੍ਰੰਥ ਦੀ ਪ੍ਰੇਰਣਾ ਕੇਂਦਰ, ਮਹਾਨ ਆਤਮਾ ਸਾਧਵੀ ਰਤਨ ਸ੍ਰੀ ਸਵਰਨ ਕਾਤਾਂ ਜੀ ਦੀ ਮਹਾਰਾਜ ਵੱਲ । ਸ਼੍ਰੀ ਸਵਰਨ ਕਾਂਤਾ ਜੀ ਜਿਹਾ ਨਾਉ ਅਜਿਹੇ ਹੀ ਗੁਣਾਂ ਦੀ ਧਾਰਣੀ ਹੈ । ਉਨਾਂ ਦਾ ਅਧਿਐਨ ਅਤੇ ਮਨਨ, ਚਿੰਤਨ, ਵਿਗਿਆਨਕ ਅਤੇ ਗੰਭੀਰ ਪੱਧਰ ਦਾ ਹੈ । ਉਹ ਇਕ ਮਿੱਠੀ ਅਤੇ ਦਿਲ ਨੂੰ ਛੂਹਣ ਵਾਲੀ ਕਥਾ ਕਰਨ ਵਾਲੀ ਮਹਾਨ ਸਾਧਵੀ ਹਨ । ਜਿਨ (ਜੈਨ) ਸ਼ਾਸਨ (ਧਰਮ ਦੀ ਮਹਾਨਤਾ ਨੂੰ ਵਧਾਉਣ) ਦੀ ਇੱਕ ਦਿਵ ਜੋਤੀ ਉਨ੍ਹਾਂ ਦੇ ਅੰਦਰਲੇ ਮਨ ਵਿਚ ਦਿਨ ਰਾਤ ਜਾਗਦੀ ਰਹਿੰਦੀ ਹੈ । ਜਿਥੇ ਤੱਕ ਮੈਂਨੂੰ ਪਤਾ ਹੈ ਉਨ੍ਹਾਂ ਪੰਜਾਬ ਪ੍ਰਦੇਸ਼ ਦੇ ਪਿੰਡ-ਪਿੰਡ ਫਿਰ ਕੇ ਭਗਵਾਨ ਮਹਾਵੀਰ ਦੇ ਉਪਦੇਸ਼ਾਂ ਰਾਹੀਂ ਜੈਨ ਧਰਮ ਦਾ ਮੰਗਲਕਾਰੀ ਝੰਡਾ ਲਹਿਰਾਇਆ ਹੈ ।
ਇਹੋ ਕਾਰਣ ਹੈ ਕਿ ਸਾਧਵੀ ਸ੍ਰੀ ਸਵਰਨਕਾਤਾਂ ਜੀ ਮਹਾਰਾਜ, ਪਹਿਲਾਂ ਪਚੀਵੀਂ | ਮਹਾਵੀਰ ਨਿਰਵਾਨ ਸ਼ਤਾਬਦੀ ਕਮੇਟੀ ਦੇ ਪੰਜਾਬ ਸਰਕਾਰ ਵਲੋਂ ਸਨਮਾਨਤ ਮਹਿਮਾਨ ਰਹੇ ਹਨ । ਪੰਜਾਬ ਜੈਨ ਸਾਹਿਤ ਦੀ ਤਾਂ ਉਹ ਮਾਂ ਹੀ ਹਨ । ਮੈਂ ਸਾਧਵੀਂ ਸ੍ਰੀ ਜੀ ਨੂੰ ਉਨ੍ਹਾਂ ਦੀਆਂ ਅਪਨਾਉਣ ਯੋਗ ਰਚਨਾਤਮਕ ਕੰਮਾਂ ਲਈ ਸਾਧੂਵਾਦ ਦਿੰਦਾ ਹਾਂ ।
ਆਸ ਹੈ ਕਿ ਭਵਿਖ ਵਿਚ ਵੀ ਉਨ੍ਹਾਂ ਦੀਆਂ ਸਮੇਂ-ਸਮੇਂ ਜੈਨ ਧਰਮ ਨੂੰ ਸੇਵਾ ਮਿਲਦੀਆਂ ਰਹਿਣਗੀਆਂ ।
ਮੇਰੇ ਵਿਚਾਰ ਪਖੋਂ ਇਹ ਲਿਖਤ, ਆਉਣ ਵਾਲੇ ਲੇਖਕਾਂ ਲਈ ਆਦਰਸ਼ ਬਣੇਗੀ ਮੈਂ | ਪ੍ਰਭੂ ਜੀਵਨ ਦੀ ਇਸ ਲਿਖਤ ਦੇ ਲਈ ਦੋਹੇ ਧਰਮ ਭਰਾਰਾਂ ਨੂੰ ਦਿਲੀ ਵਧਾਈ ਦਿੰਦਾ ਹਾਂ ਇਸ ਦੇ ਪੁਸਤਕ ਦੇ ਆਮ ਲੋਕਾਂ ਵਿਚ ਪ੍ਰਸਾਰ ਦੀ ਮੰਗਲਕਾਰੀ ਇੱਛਾ ਕਰਦਾ ਹਾਂ ।
ਵੀਰਾਯਤਨ ਰਾਜਹਿ, ਵੇਸ਼ਾਖ ਪੂਰਨਿਮਾ ਉਪਾਧਿਆਏ ਅਮਰ ਮੁਨੀ
| SR No. | 009403 |
| Book Title | Bhagwan Mahavir |
| Original Sutra Author | N/A |
| Author | Purushottam Jain, Ravindra Jain |
| Publisher | Purshottam Jain, Ravindra Jain |
| Publication Year | |
| Total Pages | 166 |
| Language | Punjabi |
| Classification | Book_Other |
| File Size | 7 MB |